ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា ថ្លែងកាលពីល្ងាចថ្ងៃទី៣១ កក្កដា កន្លងមក ថា លោក និងសមាជិកសភាជាន់ខ្ពស់ជាច្រើនរូបសម្រេចបានកិច្ចព្រម ព្រៀងមួយ ដើម្បីបញ្ចៀសការខកខានបង់សងបំណុលជាហេតុធ្វើឱ្យមានផលប៉ះពាល់ដល់សេដ្ឋកិច្ចពិភពលោក។ លោកអូបាម៉ា ថ្លែងក្នុងសុន្ទរកថាដែលធ្វើឡើងភ្លាមៗនៅសេតវិមានថា
ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា ថ្លែងកាលពីល្ងាចថ្ងៃទី៣១ កក្កដា កន្លងមក ថា លោក និងសមាជិកសភាជាន់ខ្ពស់ជាច្រើនរូបសម្រេចបានកិច្ចព្រម ព្រៀងមួយ ដើម្បីបញ្ចៀសការខកខានបង់សងបំណុលជាហេតុធ្វើឱ្យមានផលប៉ះពាល់ដល់សេដ្ឋកិច្ចពិភពលោក។ លោកអូបាម៉ា ថ្លែងក្នុងសុន្ទរកថាដែលធ្វើឡើងភ្លាមៗនៅសេតវិមានថា «ខ្ញុំចង់ប្រកាសថា មេដឹកនាំភាគីទាំងពីរសម្រេចបានកិច្ចព្រមព្រៀងមួយដែលនាំដល់ការកាត់បន្ថយឱនភាព និងបញ្ចៀសការខកខានសងបំណុលគេដែលនឹងមានផលប៉ះពាល់ធ្ងន់ធ្ងរដល់សេដ្ឋកិច្ចរបស់យើង»។
លោកប្រធានាធិបតីថ្លែងថា យើងមិនទាន់បានធ្វើអ្វីនៅឡើយទេ ដូច្នេះខ្ញុំចង់ទទូចដល់បណ្តាសមាជិកសភានៃទាំងពីរ ធ្វើអ្វីដែលត្រឹមត្រូវ ហើយគាំទ្រកិច្ចព្រមព្រៀងនោះជាមួយនឹងការបោះឆ្នោតក្នុងរយៈពេល២-៣ថ្ងៃទៀតនេះ។ មន្ត្រីរដ្ឋការជាន់ខ្ពស់មួយរូប ដែលស្នើសុំមិនបញ្ចេញឈ្មោះនិយាយថា ការកាត់បន្ថយការចំណាយរបស់អាមេរិកនឹងត្រូវធ្វើសម្រាប់កម្មវិធីយោធា ជាពិសេសសម្រាប់វិស័យការពារ និងកម្មវិធីផ្សេងៗទៀតដោយកាត់បន្ថយប្រាក់៣៥០ពាន់លានដុល្លារ សម្រាប់វិស័យការពាររយៈពេល១០ឆ្នាំខាងមុខ ៕
ចែករំលែកព័តមាននេះ