សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី៩ មេសា បានព្រមានប្រឆាំងនឹងការទារបង់ប្រាក់ពីបណ្ដានាវាដែលឆ្លងកាត់ច្រកសមុទ្រហ័រមូស ដែលអ៉ីរ៉ង់ត្រួតត្រា និងបិទខ្ទប់អស់រយៈពេលច្រើនសប្ដាហ៍មកហើយ ។…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី៩ មេសា បានព្រមានប្រឆាំងនឹងការទារបង់ប្រាក់ពីបណ្ដានាវាដែលឆ្លងកាត់ច្រកសមុទ្រហ័រមូស ដែលអ៉ីរ៉ង់ត្រួតត្រា និងបិទខ្ទប់អស់រយៈពេលច្រើនសប្ដាហ៍មកហើយ ។
តាមបណ្ដាញសង្គម TRUTH SOCIAL លោកត្រាំរៀបរាប់ពីព័ត៌មានទាំងឡាយដែលថា អ៉ីរ៉ង់បានទារប្រាក់ពីបណ្ដានាវាដឹកប្រេងដែលឆ្លងកាត់ច្រកសមុទ្រហ័រមូស ។ លោកត្រាំក្នុងថ្ងៃទី២ នៃបទឈប់បាញ់គ្នាដ៏ផុយស្រួយរវាងសហរដ្ឋអាមេរិក អ៉ីស្រាអែល និងអ៉ីរ៉ង់បន្តថា គួរចៀសវាងការធ្វើបែបនោះ រួចបើធ្វើយកល្អត្រូវបញ្ឈប់នាពេលនេះ ។
បទឈប់បាញ់គ្នារយៈពេល២សប្ដាហ៍រវាងអាមេរិក អ៉ីស្រាអែល និងអ៉ីរ៉ង់ ត្រូវបានចុះហត្ថលេខា តែនាថ្ងៃទី៧ មេសា វាសនានៃច្រកសមុទ្រហ័រមូស ក្លាយជាការព្រួយបារម្ភសំខាន់ថ្មី ។ តើនឹងមានអ្វីកើតមាននាប៉ុន្មានថ្ងៃខាងមុខនេះក្នុងច្រកសមុទ្រនោះ? អ៉ីរ៉ង់បានឆ្លើយថា ប្រទេសខ្លួននឹងបង្កើតការបង់ប្រាក់ជា CRYPTOMONNAIES សម្រាប់នាវាដឹកប្រេងដែលឆ្លងកាត់ច្រកសមុទ្រហ័រមូស។ នេះបើតាមសេចក្ដីរាយការណ៍របស់កាសែតអង់គ្លេស FINANCIAL TIMES ។ ទិសដៅរបស់អ៉ីរ៉ង់គឺរក្សាការត្រួតត្រាច្រកសមុទ្រយុទ្ធសាស្ត្រនោះ ។
លោកហាមីតហូសីនីអ្នកនាំពាក្យរបស់សហភាពអ្នកនាំប្រេង ឧស្ម័ននិងផលិតផលប្រេងចេញអ៉ីរ៉ង់ ជាអង្គការដែលធ្វើការជិតស្និទ្ធជាមួយរបបអ៉ីរ៉ង់ថ្លែងថា អ៉ីរ៉ង់ចង់ឲ្យមានច្បាប់បង់ប្រាក់ចំពោះរាល់នាវាដឹកប្រេងឆ្លងកាត់និងវាយតម្លៃលើនាវានីមួយៗ ហើយអ៉ីរ៉ង់មិនបង្ខំទេ។ ប៉ុន្តែពាក្យពេចន៍របស់លោកហូសីនី តាម FINANCIAL TIMESយល់ថា គឺអ៉ីរ៉ង់នឹងទាមទារឲ្យរាល់នាវាដឹកប្រេងត្រូវបង់ប្រាក់ថ្លៃឆ្លងកាត់ច្រកសមុទ្រនោះ ។
បែបនេះនាំឲ្យមានបញ្ហាសម្រាប់បណ្ដានាវារបស់លោកខាងលិចនិងនាវាទាក់ទិននឹងបណ្ដារដ្ឋនៅតំបន់់ឈូងសមុទ្រពែរ្ស៍ដែលអាចប្រថុយនឹងគ្រោះថ្នាក់ ក្នុងការឆ្លងកាត់ច្រកសមុទ្រនេះ។ មាននាវាដឹកប្រេងរវាងពី១០ទៅ១៥គ្រឿងអាចឆ្លងកាត់ច្រកសមុទ្រនោះក្នុង១ថ្ងៃ ៕
ចែករំលែកព័តមាននេះ