រាជធានីភ្នំពេញ ៖ បន្ទប់ខុនដូរជាន់ទី៣៥មួយកន្លែង ត្រូវបានអគ្គិភ័យឆាបឆេះ បណ្តាលអោយរងរបួសបុរសជនជាតិចិនម្នាក់ ផ្អើលសមត្ថកិច្ចពន្លត់អគ្គីភ័យជួយអន្តរាគមន៍ទប់ស្កាត់ នៅវេលាម៉ោង ១០និង៥០នាទីយប់ ថ្ងៃទី០៩ខែមេសាឆ្នាំ២០២៦ នៅចំនុចបន្ទប់អគារខុនដូរ…
រាជធានីភ្នំពេញ ៖ បន្ទប់ខុនដូរជាន់ទី៣៥មួយកន្លែង ត្រូវបានអគ្គិភ័យឆាបឆេះ បណ្តាលអោយរងរបួសបុរសជនជាតិចិនម្នាក់ ផ្អើលសមត្ថកិច្ចពន្លត់អគ្គីភ័យជួយអន្តរាគមន៍ទប់ស្កាត់ នៅវេលាម៉ោង ១០និង៥០នាទីយប់ ថ្ងៃទី០៩ខែមេសាឆ្នាំ២០២៦ នៅចំនុចបន្ទប់អគារខុនដូរ URBAN VILLAGE ជាន់ទី៣៥ ផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ប្រភពព័ត៌មានបានអោយដឹងថា មុនពេលកើតហេតុ មិនដឹងថាមានបញ្ហាអ្វីនោះទេ ស្រាប់តែមានអណ្ដាតភ្លើងឆេះសន្ធោសន្ធៅនៅបន្ទប់ខុនដូរជាន់ទី៣៥ដែលស្នាក់នៅដោយបុរសជាជនជាតិចិនម្នាក់ ភ្លាមៗនោះផងដែរគេបានឃើញបុរសជនជាតិចិនរូបនោះចេញមកក្រៅដោយមានស្នាមរបួសរលាកភ្លើងផងដែរ ដោយឃើញសភាពបែបនេះ សន្តិសុខនៅទីនោះបានយកបំពង់ពន្លត់អគ្គិភ័យទៅបាញ់ពន្លត់ និងរាយការណ៍ជូនសមត្ថកិច្ចចេញរថយន្តពន្លត់អគ្គីភ័យរបស់ការរិយាល័យទៅជាច្រើនគ្រឿង តែមិនបានបាញ់ទឹកនោះទេ កម្លាំងជំនាញបាននាំគ្នាឡើងទៅបន្ទប់ដែលឆេះ ប្រើប្រាស់ប្រព័ន្ធសង្គ្រោះនៅអគារខុនដូរ ធ្វើការបាញ់ពន្លត់រហូតដល់ម៉ោង ១១និង២០នាទីយប់ថ្ងៃដដែលទើបរលត់ទៅវិញជាស្ថាពរ ។
ករណីនេះ មិនមានឆេះរាលដាលដល់បន្ទប់ផ្សេងៗនោះទេ គ្រាន់តែខូចខាតបន្ទប់ខុនដូរអស់១បន្ទប់ និងសំភារៈប្រើប្រាស់មួយចំនួន និងបណ្តាលអោយបុរសជាជនជាតិចិន រងរបួសដោយស្នាមរលាកភ្លើងត្រូវបានបញ្ជូនទៅសង្គ្រោះនៅមន្ទីរពេទ្យ ចំពោះមូលហេតុសមត្ថកិច្ចកំពុងតែធ្វើការស្រាវជ្រាវ ។
តាមប្រភពព័ត៌មានបានឱ្យដឹងបន្តថា ម្ចាស់បន្ទប់ខាងលើឈ្មោះ CHEN QI ភេទប្រុស អាយុ ៣៣ឆ្នាំ ជាអ្នកទេសចរណ៍ កាន់ passport EQ2767543 ។
-មូលហេតុ: បណ្តាលមកពីជក់បារីទុកចោល
-ខូចខាត: ម៉ាសុីនត្រជាក់ចំនួន២គ្រឿង ពូកចំនួន១ ទូរខោអាវចំនួន១ គ្រែរចំនួន១ នឹងសំភារៈមួយចំនួន ។
-របួសមនុស្ស ១នាក់ ជាជនជាតិចិន។
-រថយន្តការិពន្លត់អគ្គិភ័យ ចំនួន៥គ្រឿង ( ពុំបានប្រើប្រាស់ទឹក ) ។
-រថយន្តជំនួយ: ស្រាបៀរចំនួន១គ្រឿង
_សរុបឡានចំនួន៦គ្រឿង
ក្នុងករណីខាងលើ ត្រូវបានពន្លត់ចប់ នៅម៉ោង ១១នឹង០០នាទីយប់ នាថ្ងៃខែ ឆ្នាំដដែល ៕
ចែករំលែកព័តមាននេះ