ប្រទេសចិន ៖ យោងតាមសារមួយចំពោះបណ្ដាអ្នកបើកយន្តហោះចេញដោយទីភ្នាក់ងារអាកាសចរណ៍ស៊ីវិលអាមេរិក FAAថា ចិនបានហាមឃាត់យន្តហោះស៊ីវិលមិនឲ្យហោះកាត់ដែនអាកាសនៃដែនទឹកក្រុងសៀងហៃ ដែលមានទំហំធំជាងកោះតៃវ៉ាន់ដល់២ដង សម្រាប់រយៈពេល៤០ថ្ងៃ តែមិនបានបញ្ជាក់ពីហេតុផលនៃការហាមឃាត់នោះឡើយ។ ការហាមឃាត់នោះ មានជាធរមានប៉ុន្មានម៉ោងក្រោយមក…
ប្រទេសចិន ៖ យោងតាមសារមួយចំពោះបណ្ដាអ្នកបើកយន្តហោះចេញដោយទីភ្នាក់ងារអាកាសចរណ៍ស៊ីវិលអាមេរិក FAAថា ចិនបានហាមឃាត់យន្តហោះស៊ីវិលមិនឲ្យហោះកាត់ដែនអាកាសនៃដែនទឹកក្រុងសៀងហៃ ដែលមានទំហំធំជាងកោះតៃវ៉ាន់ដល់២ដង សម្រាប់រយៈពេល៤០ថ្ងៃ តែមិនបានបញ្ជាក់ពីហេតុផលនៃការហាមឃាត់នោះឡើយ។
ការហាមឃាត់នោះ មានជាធរមានប៉ុន្មានម៉ោងក្រោយមក និងមានរយៈពេលដល់ថ្ងៃទី៦ ឧសភា។ ការហាមឃាត់នោះទាក់ទិននឹងតំបន់៥ ដែលមានទំហំសរុប៧៣.០០០គីឡូម៉ែត្រក្រឡា។ តំបន់ទាំងនោះស្ថិតនៅចម្ងាយត្រឹមប៉ុ់ន្មានរយគីឡូម៉ែត្រខាងជើងកោះតៃវ៉ាន់ ។ ចិនទើបតែជូនដំណឹងពីរឿងនោះ កាលពីថ្ងៃទី៨ មេសា តែការហាមឃាត់នោះគ្មានអ្វីក្រៅពីទាក់ទិននឹងផ្នែកយោធាឡើយ។ បែបនោះអាចសម្រាប់ការបាញ់មីស៊ីល ឬធ្វើសមយុទ្ធជើងអាកាសជាដើម ។
តាមអ្នកស្រាវជ្រាវនៃវិទ្យាស្ថានការពារជាតិតៃវ៉ាន់់ថា នេះជាលើកដំបូងហើយដែលចិនធ្វើការរិតត្បិតការហោះហើរកាត់ដែនអាកាសនោះ ដែលអនុវត្តភ្លាមៗមានទំហំធំនិងមានរយៈពេលយូរ ហើយធ្វើការផ្សព្វឲ្យដឹងតិចបំផុត។ អ្នកជំនាញការខ្លះទៀតនិយាយថា ការរិតត្បិតនោះខុសពីធម្មតាបើគិតពីទំំហំ រយៈពេលនិងគ្នានកម្រិតកម្ពស់ទាប ឬខ្ពស់។
ការហាមឃាត់នោះ មានក្នុងតំបន់២ពីលើសមុទ្រលឿង ឬហៅសមុទ្រខាងលិច រវាងចិននិងកូរ៉េខាងត្បូង និងតំបន់៣លើសមុទ្រលឿងនិងសមុទ្រចិនខាងកើតរវាងចិននិងជប៉ុន។ តាមធម្មតាការហាមឃាត់បែបនោះត្រូវប្រកាសឲ្យដឹងច្រើនសប្ដាហ៍ ឬច្រើនខែមុន ហើយកម្រិតកម្ពស់ដើម្បីឲ្យបណ្ដាយន្តហោះពាណិជ្ជកម្មអាចហោះហើរបាន ៕
ចែករំលែកព័តមាននេះ