រាជធានីភ្នំពេញ ៖ ជនសង្ស័យជាចៅស្រី ដែលជាឃាតករចាក់សម្លាប់ជីដូនរួមនិងជនសង្ស័យប៉ុនប៉ងឃាតកម្ម លួចនិងបង្កហិង្សាចំនួន៣៥នាក់ រួមនិងវត្ថុតាងមួយចំនួនត្រូវបានកម្លាំងនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញនិងនគរបាលព្រហ្មទណ្ឌនៃអធិការដ្ឋានខណ្ឌចំនួន៥នាក់ យកទៅបង្ហាញមុខជាសាធារណៈរួមគ្នានៅស្នងការដ្ឋាននគរបាលរាជធានីភ្នំពេញនៅព្រឹកថ្ងៃទី១០ខែមេសាឆ្នាំ ២០២៦នេះ។
លោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលបានឲ្យដឹងថា ដោយ អនុវត្តន៍តាមបទបញ្ជាពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ជារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល ,កម្លាំងនគរបាលព្រហ្មទណ្ឌកំរិតស្រាលរាជធានីភ្នំពេញ និងកម្លាំងនគរបាលព្រហ្មទណ្ឌនៅតាមបណ្ដាខណ្ឌចំនួន ៥បានធ្វើការសហការ ស្រាវជ្រាវហើយឈានបង្ក្រាបបានបទល្មើសជាបន្តបន្ទាប់ចំនួន១០ករណី ចាប់ពីថ្ងៃទី០៦ ខែមេសា ឆ្នាំ២០២៦ ដល់ថ្ងៃទី១០ ខែមេសា ឆ្នាំ២០២៦ដោយឃាត់ជនសង្ស័យចំនួន ៣៥នាក់(ស្រី២នាក់) ហើយបានយកមកបង្ហាញមុខរួមគ្នានៅពេលនេះ។
តាមរបាយការណ៍នៃការបង្ក្រាបបទល្មើសរបស់ នគរបាលព្រហ្មទណ្ឌនៃស្នងការនគរបាលរាជធានីភ្នំពេញបានឲ្យដឹងថា ជនសង្ស័យដែលបង្ហាញមុខនៅក្នុងនោះរួមមានៈករណីឃាតកម្ម១ករណី.ឃាត់ខ្លួនបានជនសង្ស័យ២នាក់ជាចៅស្រីដែលប្រើកាំបិតចាក់សម្លាប់លោកយាយអាយុ៦៤ឆ្នាំនៅក្នុងមូលដ្ឋានខណ្ឌច្បារអំពៅ,ប៉ុនប៉ងឃាតកម្មចំនួន២ករណីឃាត់ឃាត់ខ្លួនបានជនសង្ស័យចំនួន២នាក់មានសារធាតុញៀន, ករណីលួច ចំនួន៥ករណីឃាត់ខ្លួនបានជនសង្ស័យចំនួន៧នាក់មានសារធាតុញៀន, ករណី ហឹង្សា ដោយចេតនា ចំនួន២ករណីឃាត់ខ្លួនជនសង្ស័យចំនួន២៤នាក់ដែលជាក្រុមក្មេងទំនើងមានក្រុមជឹម តូបចែ(TJ)ក្រុមជឹម កាបស្អុយ(KS)។
តាមរបាយការណ៍បានឲ្យដឹងទៀតថា នៅក្នុងនោះ ខណ្ឌរអំពៅ បង្ក្រាបបានករណីឃាត់៦នាក់ (ស្រី2នាក់) ខណ្ឌមានជ័យបង្ក្រាបបានចំនួន២ករណីឃាត់ខ្លួនជនសង្ស័យ២នាក់,ខណ្ឌដង្កោបង្ក្រាបបានមួយករណីឃាត់ខ្លួនជនសង្ស័យ២រនាក់,ខណ្ឌចំការមនបង្ក្រាបបាន១ករណីឃាត់ខ្លួនជនសង្ស័យ១នាក់,ខណ្ឌពោធិ៍សែនជ័យបង្ក្រាបបាន១មួយករណី ហឹង្សាដោយចេតនា (ប្រើកាំបឺត ដាវ ដំបង ដំថ្ម)ឃាត់ខ្លួនជនសង្ស័យ ៩នាក់ ជាក្រុមក្មេងទំនើងនិងនគរបាលការិយាល័យព្រហ្មទណ្ឌកម្រិតស្រាលបង្ក្រាបបាន១ករណីហឹង្សាដោយចេតនាមានស្ថានទម្ងនទោសនឹងធ្វើអោយខូចខាតដោយចេតនា ឃាត់ខ្លួនបានជនសង្ស័យចំនួន១៥នាក់ ក្រុមក្មេងទំនើងមានក្រុមជឹម តូបចែ TJនិងក្រុមធីមកាប់ស្លុយ KS ។
សូមបញ្ជាក់ថា ចៅស្រី២នាក់បងប្អូនដែលជាឃាតករចាក់សម្លាប់ជីដូនត្រូវបានកម្លាំងនគរបាលត្រូវនគរបាលប៉ុស្តិ៍ច្បារអំពៅទី២ ចាប់ខ្លួនបន្ទាប់ពីធ្វើសកម្មភាពចាក់សម្លាប់ជីដូននៅ ថ្ងៃទី ០៦ ខែមេសា ឆ្នាំ២០២៦ នៅចំណុចផ្ទះលេខ ៣អា តាមបណ្តោយផ្លូវលេខ ៦២០ ភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ដោយខឹងហាមឃាត់មិនអោយមានស្នេហា ក្នុងវ័យសិក្សា ។
ចៅស្រីដែលជាឃាតកររូបស្រស់នោះ ១ ឈ្មោះ សេងច័ន្ទបូណ៍មី អាយុ ១៩ឆ្នាំ , ២.ឈ្មោះ សេង ហេង សានីកា អាយុ ១៨ឆ្នាំ អ្នកទាំង ០២ស្នាក់នៅផ្ទះកើតហេតុ ។
ចំណែក ជនរងគ្រោះដែលជាជីដូន ឈ្មោះ ទី គង់ អាយុ ៦៤ឆ្នាំ ជនជាតិខ្មែរ មុខរបរ លក់ដូរ ស្នាក់នៅផ្ទះកើតហេតុខាងលើ ។ បន្ទាប់ពីបង្ហាញមុខជនសង្ស័យត្រូវបាននគរបាល ព្រហ្មទណ្ឌនៅតាមបណ្ដាខណ្ឌទាំង ៥និងការិយាល័យនគរបាបព្រហ្មទណ្ឌកំរិតស្រាលបញ្ជូនទៅកាន់តុលាការដើម្បីចាត់ការតាមនីតិវិធីច្បាប់ ។
សូមរំលឹកឡើងវិញ ជុំវិញដំណើររឿងចៅស្រីចាក់សម្លាប់ជីដូន ៖ នៅក្នុងអំឡុងខែមករា ឆ្នាំ២០២៦ ជនរងគ្រោះឈ្មោះ ទី គង់ដែលជាជីដូន បានស្តីបន្ទោសជនសង្ស័យឈ្មោះសេង ហេងសានីកា ភេទស្រី អាយុ១៨ឆ្នាំ (ត្រូវជាចៅស្រីបង្កើត) មិនឲ្យមានទំនាក់ ទំនងស្នេហាជាមួយសង្សារ និងបានស្តីបន្ទោសជនសង្ស័យឈ្មោះសេង ច័ន្ទបូណ៌មី ភេទស្រី អាយុ១៩ឆ្នាំ(ត្រូវជាចៅ ស្រីបង្កើត) មិនអោយជក់បារីអឡិតត្រូនិច និងទៅស្រលាញ់មនុស្សស្រីដូចគ្នា បន្ទាប់ស្តីបន្ទោសអោយ ជនសង្ស័យ០២នាក់ខាងលើ ក៏មានទំនាស់ពាក្យសម្តីគ្នាជាច្រើនលើក ធ្វើឲ្យជនសង្ស័យទាំង០២នាក់ ខឹងមានគំនុំជា មួយជនរងគ្រោះ។
រហូតដល់ថ្ងៃទី០៥ ខែមេសា ឆ្នាំ២០២៦ ម៉ោង១៧ និង០០នាទី ជនសង្ស័យទាំង០២នាក់ខាងលើ បានរៀបចំគំរោងសម្លាប់ជនរងគ្រោះចោល រួចជនសង្ស័យឈ្មោះសេង ច័ន្ទបូណ៍មី បានយកកូនកាំបិតចុងស្រួច ដង ពណ៌ខ្មៅ១ លាក់ទុកក្នុងបន្ទប់ដាក់សម្ភារៈ (ជាន់ទី៣) ស្ថិតនៅផ្ទះលេខ៣ ផ្លូវ៦២០ ភូមិកណ្តាល សង្កាត់ច្បារអំពៅ២ ខ ណ្ឌច្បារអំពៅ។ រហូតដល់ម៉ោង២២ និង២០នាទីយប់ថ្ងៃដដែល ជនសង្ស័យឈ្មោះ សេង ច័ន្ទបូណ៍មី បានឡើងទៅក្នុង បន្ទប់ដាក់សម្ភារៈ (ជាន់ទី៣) មុន រួចជនសង្ស័យឈ្មោះសេង ហេងសានីកា បាននាំជនរងគ្រោះឡើងតាមក្រោយ ដោ យនិយាយកុហក់ថា ៖អាម៉ី ឡើងទៅជក់បារីអេឡិចត្រូនិច នៅជាន់លើ?
ពេលទៅដល់ជនរងគ្រោះឃើញជនសង្ស័យ ឈ្មោះសេង ច័ន្ទបូណ៍មី ដៃកាន់កូនកាំបិត ក៏ប្រតាយប្រតប់គ្នាដណ្តើម យកកូនកាំបិត តែយកមិនបាន រួចជនរងគ្រោះ ក៏ដើរចេញ ស្រាប់តែជនសង្ស័យឈ្មោះសេង ច័ន្ទបូណ៍មី យកកូនកាំបិតចាក់ជនរងគ្រោះពីក្រោយចំខ្នង១កន្លែង (ប ណ្តាលឲ្យស្លាប់) ហើយជនសង្ស័យទាំង ០២នាក់ ក៏នាំ គ្នាយកក្រមា និងកន្សែងជូតសំអាតយាម រួចនាំគ្នាចុះមក ក្រោមយកកូនកាំបិតទុកក្រោមជណ្តើរ។ រហូតដល់ម៉ោង២២និង៤៤នាទី ថ្ងៃដដែល ឈ្មោះសេង ហេងសុវណ្ណគង្គា អាយុ២១ឆ្នាំ (ចៅប្រុសជនរងគ្រោះ) ត្រលប់មកផ្ទះវិញ ពុំឃើញជនរងគ្រោះក៏ដើររកឃើញដេកលើការ៉ូក្នុងបន្ទប់ដាក់ សម្ភារៈ (ជាន់ទី៣) មានស្នាមប្រលាក់ឈាមជាប់ខ្នង ក៏នាំគ្នាបញ្ជូនទៅសង្គ្រោះនៅមន្ទីរពេទ្យមិត្តភាព-ខ្មែរសូវៀត តែគ្រូពេទ្យប្រាប់ថា ជនរងគ្រោះបានស្លាប់ហើយ។
លុះដល់ថ្ងៃទី០៦ ខែមេសា ឆ្នាំ២០២៦ ម៉ោង១១និង០០ នាទី ក្រុម គ្រួសារជនរងគ្រោះបានមករាយការណ៍ប្តឹងសមត្ថកិច្ចប៉ុស្តិ៍ច្បារអំពៅ២ ភ្លាមនោះសមត្ថកិច្ចយើងក៏ចុះ ឃាត់ខ្លួនជនសង្ស័យនិង ដកហូតវត្ថុតាង៖ កូនកាំបិតចុងស្រួចដងខ្មៅ១ (ជនសង្ស័យឈ្មោះសេង ច័ន្ទបូណ៍មី យកធ្វើសកម្មភាព) បញ្ជូនមកអធិការដ្ឋាននគរបាលខណ្ឌច្បារអំពៅ ធ្វើកាសាកសួរ៕
ចែករំលែកព័តមាននេះ