ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍ថា កូរ៉េខាងជើងបានប្រកាសកាលពីថ្ងៃទី១ សីហា ថា ខ្លួននឹងចូលរួមបន្តការចរចា៦ភាគីស្តីអំពីបញ្ហានុយក្លេអ៊ែររបស់ខ្លួនដោយពុំចាំបាច់មានលក្ខខណ្ឌឡើយ។ អ្នកនាំពាក្យក្រសួងការបរទេសកូរ៉េខាងជើងបានប្រាប់ទីភ្នាក់ងារព័ត៌មាន KCNA ថា
ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍ថា កូរ៉េខាងជើងបានប្រកាសកាលពីថ្ងៃទី១ សីហា ថា ខ្លួននឹងចូលរួមបន្តការចរចា៦ភាគីស្តីអំពីបញ្ហានុយក្លេអ៊ែររបស់ខ្លួនដោយពុំចាំបាច់មានលក្ខខណ្ឌឡើយ។
អ្នកនាំពាក្យក្រសួងការបរទេសកូរ៉េខាងជើងបានប្រាប់ទីភ្នាក់ងារព័ត៌មាន KCNA ថា កូរ៉េខាងជើងនៅតែមិនផ្លាស់ប្តូរជាដាច់ខាតនូវគោលជំហររបស់ខ្លួន ដើម្បីបន្តការចរចា៦ភាគី ដោយគ្មានលក្ខខណ្ឌជាមុន ហើយអនុវត្តសេចក្តីថ្លែងការណ៍រួមថ្ងៃទី១៩ កញ្ញា ស្តីអំពីគោលការណ៍នៃការធ្វើសកម្មភាពព្រមគ្នា។
អ្នកនាំពាក្យក្រសួងការបរទេសកូរ៉េខាងជើងនិយាយបែបនេះក្រោយពីកិច្ចប្រជុំកម្រិតខ្ពស់មួយរវាងកូរ៉េខាងជើង និងសហរដ្ឋអាមេរិក ដែលរៀបចំឡើងក្នុងទីក្រុងញូវយ៉កកាលពីថ្ងៃទី២៨ ដល់ថ្ងៃទី២៩ កក្កដា កន្លងមក ៕
ចែករំលែកព័តមាននេះ