កងទ័ព និងកងកម្លាំងសន្តិសុខស៊ីរី បានបើកការវាយលុយយ៉ាងបង្ហូរឈាមមួយកាលពីថ្ងៃទី៣១ កក្កដា លើទីក្រុងបះបោរហាម៉ាមុនពេលបុណ្យរ៉ាម៉ាដាន របស់អ៊ិស្លាម បណ្តាលឱ្យស្លា.ប់ជនស៊ីវិលជាង១០០នាក់។ កងទ័ពបានលើកចូលនាព្រឹកព្រលឹមថ្ងៃទី៣១ កក្កដា ចូលទីក្រុងនេះ ហើយបា.ញ់
កងទ័ព និងកងកម្លាំងសន្តិសុខស៊ីរី បានបើកការវាយលុយយ៉ាងបង្ហូរឈាមមួយកាលពីថ្ងៃទី៣១ កក្កដា លើទីក្រុងបះបោរហាម៉ាមុនពេលបុណ្យរ៉ាម៉ាដាន របស់អ៊ិស្លាម បណ្តាលឱ្យស្លាប់ជនស៊ីវិលជាង១០០នាក់។
កងទ័ពបានលើកចូលនាព្រឹកព្រលឹមថ្ងៃទី៣១ កក្កដា ចូលទីក្រុងនេះ ហើយបាញ់ប្រហារទៅលើពួកស៊ីវិលដែលបះបោរ។ សហគមន៍អន្តរជាតិបានបរិហារថា នោះគឺជាការសម្លាប់រង្គាលមួយ ។
ដូចការព្យាករណ៍របស់ពួកប្រឆាំងកងទ័ពស៊ីរីមុនពេលបុណ្យរ៉ាម៉ាដាន បានធ្វើការបង្ហាញកម្លាំងនៅក្រុងហាម៉ាជាទីក្រុងឧទ្ទាមមួយស្ថិតនៅចម្ងាយ២១០គីឡូម៉ែត្រ ពីទីក្រុងដាម៉ាស់។ កងរថក្រោះបានបើកចូលទីក្រុងនេះ នាព្រឹកព្រលឹមស្រាងៗ ហើយបាញ់ប្រហារលើពួកជនស៊ីវិល។ អង្គការការពារសិទ្ធិមនុស្សជាតិមួយអះអាងថា មនុស្សដល់ទៅជាង១០០នាក់ ត្រូវស្លាប់ហើយជាច្រើននាក់ត្រូវរបួស ។ ពេញមួយថ្ងៃទី៣១ កក្កដា តុល្យការនៃជនរងគ្រោះឡើងខ្ពស់ជានិច្ច។ មនុស្ស៥នាក់ទៀតស្លាប់នៅទីក្រុង HOMS ពេលប្រជាជនលើកគ្នាធ្វើបាតុកម្មគាំទ្រទីក្រុងហាម៉ា ។ ចំណែកនៅខេត្ត IDLEB មានមនុស្សស្លាប់៣នាក់។
តួលេខចេញផ្សាយដោយបណ្តាសមាគមស៊ីរីរៀបរាប់ពីមនុស្សស្លាប់សរុប១៣៦នាក់។ លោករ៉ាមី អាប់ដែល រាហ៍ម៉ាន ប្រធានអង្គការសង្កេតការណ៍សិទ្ធិមនុស្សស៊ីរី OSDH ថ្លែងថា នេះជាទិវាយ៉ាងបង្ហូរឈាមមួយតាំងពីចាប់ផ្តើមការបះបោរនៅស៊ីរីពីថ្ងៃទី១៥ មីនា មក ។ សម្រាប់រដ្ឋមន្ត្រីការបរទេសអង់គ្លេស លោក WIL-LIAM HAGUE យល់ថា សកម្មភាពបែបនេះប្រឆាំងជនស៊ីវិលដែលលើកគ្នាធ្វើបាតុកម្មពុំអាចលើកហេតុផលអ្វីមកសំអាងបានឡើយ។
តាមអ៊ីនធើរណេតពួកសកម្មជននៃក្រុម «បដិវត្តន៍ស៊ីរី២០១១» ជាក្បាលម៉ាស៊ីននៃបាតុកម្មតវ៉ាបានអំពាវនាវឱ្យធ្វើបាតុកម្មសងសឹកវិញ នាយប់ថ្ងៃទី៣១ កក្កដា ក្រោយចេញពីសូត្រធម៌៕
ចែករំលែកព័តមាននេះ