មន្ត្រីពន្ធនាគារខេត្តសៀមរាប បើកប្រតិបត្តិការឆែកឆេររកវត្ថុ និងសម្ភារហាមឃាត់ក្នុងពន្ធនាគារ
- សៀមរាប
ខេត្តសៀមរាប ៖ ឯកឧត្តម ឧត្តមអគ្គានុរក្សថ្នាក់លេខ១ តោ ពន្លក អគ្គនាយករង នៃអគ្គនាយកដ្ឋានពន្ធនាគារ តំណាងដ៏ខ្ពង់ខ្ពស់ ឯកឧត្តម…
ខេត្តសៀមរាប ៖ ឯកឧត្តម ឧត្តមអគ្គានុរក្សថ្នាក់លេខ១ តោ ពន្លក អគ្គនាយករង នៃអគ្គនាយកដ្ឋានពន្ធនាគារ តំណាងដ៏ខ្ពង់ខ្ពស់ ឯកឧត្តម ឈន សាណាត អគ្គនាយក នៃអគ្គនាយកដ្ឋានពន្ធនាគារ បានដឹកនាំចុះឆែកឆេររកវត្ថុ ឬសម្ភារ: ហាមឃាត់ឱ្យបានម៉ឺងម៉ាត់ និងមានប្រសិទ្ធភាពខ្ពស់នៅក្នុងពន្ធនាគារខេត្តសៀមរាប ដោយមានការចូលរួមពីលោកឧត្តមអគ្គានុរក្សថ្នាក់លេខ២ ភាន ឆវ័ន្ត ប្រធានពន្ធនាគារ លោក-លោកស្រី អនុប្រធានពន្ធនាគារ និងជាប្រធានក្រុមការងារត្រួតពិនិត្យ ចុះឆែកឆេរអគារឃុំឃាំងជនជាប់ ឃុំ ដឹកនាំកម្លាំងមន្ត្រីគ្រប់ការិយាល័យ ធ្វើការត្រួតពិនិត្យឆែកឆេរគ្រប់អគារឃុំឃាំង និង ប៉ុស្តិ៍សុខភាពក្នុងពន្ធនាគារ ក្នុងកិច្ចប្រជុំនោះផងដែរ ។
បើតាមប្រសាសន៍របស់លោកឧត្តមអគ្គានុរក្សថ្នាក់លេខ២ ភាន ឆវ័ន្ត ប្រធានពន្ធនាគារខេត្តសៀមរាបបានប្រាប់ឱ្យដឹងនៅថ្ងៃទី៧ ខែ មេសាឆ្នាំ២០២៦ នេះថា កាលពីថ្ងៃទី ៤ ខែ មេសា ឆ្នាំ២០២៦ ឯកឧត្តម ឧត្តមអគ្គានុរក្សថ្នាក់លេខ១ តោ ពន្លក អគ្គនាយករង នៃអគ្គនាយកដ្ឋានពន្ធនាគារ តំណាងដ៏ខ្ពង់ខ្ពស់ ឯកឧត្តម ឈន សាណាត អគ្គនាយក នៃអគ្គនាយកដ្ឋានពន្ធនាគារ បានដឹកនាំចុះត្រួត ពិនិត្យ និង ឆែកឆេររកវត្ថុ ឬ សម្ភារ:ហាមឃាត់ឱ្យបានម៉ឺងម៉ាត់ និងមានប្រសិទ្ធភាពខ្ពស់ នៅក្នុងពន្ធនាគារ ខេត្តសៀមរាប ។
លោកបន្ថែមថា ដោយយោងតាមកិច្ចប្រជុំបើករបស់ឯកឧត្តម ឧត្តមអគ្គានុរក្សថ្នាក់លេខ ១ តោ ពន្លក អគ្គនាយករង នៃអគ្គនាយកដ្ឋានពន្ធនាគារ ស្តីពីការត្រួតពិនិត្យឆែកឆេររកវត្ថុ ហាមឃាត់នៅតាមមណ្ឌលអប់រំកែប្រែ និង ពន្ធនាគាររាជធានី ខេត្ត របស់អគ្គនាយកដ្ឋានពន្ធនាគារ ។ ណែនាំការត្រួតពិនិត្យឆែកឆេរ និងបែងចែកក្រុមការងារតាមអគារ។
បានចុះត្រួតពិនិត្យឆែកឆេរ អគារ ” ក ” អគារ “ខ ” អគារ “គ ” អគារ “ឃ ” អគារ “ង ” អគារ ” ច ” អគារ ” ឆ ” អគារ ” ជ ” អគារ ប៉ុស្តិ៍សុខភាពបុរស , អគារ ប៉ុស្តិ៍ សុខភាព ស្ត្រី និង តំបន់ជុំវិញ បរិវេណពន្ធនាគារ ជាលទ្ធផលះ ពេលឃើញវត្តហាមឃាត់ទេ។
លោកបញ្ជាក់ថា ពេលប្រជុំបិទក្រុមការងារបានណែនាំដូចខាងក្រោម បង្កើនការត្រួត ពិនិត្យឆែកឆេរ និង ឆ្មក់ការត្រួតពិនិត្យឆែកឆេរមិនឱ្យដឹងមុន។ – បង្កើនការធ្វើអនាម័យ ។ – រកវិធីសាស្ត្រធ្វើកន្លែងសម្រាប់ជនជាប់ឃុំជក់បារី ។ – រៀបចំកន្លែងផ្ទះបាយឱ្យជនជាប់ឃុំអង្គុយធ្វើបន្លែ ត្រី សាច់ សម្រាប់ដាំ ស្លរឱ្យបានសមរម្យ។ – គួរដាក់ម៉ាស៊ីនត្រជាក់នៅកង់ទីន កុំឱ្យខូចគុណភាពសម្ភារៈ និង ម្ហូប អាហារ នោះផងដែរ ៕
ចែករំលែកព័តមាននេះ