រាជធានីភ្នំពេញ ៖ Online Investment Scam ការក្លែងបន្លំជាស្ថាប័នធនាគារ ដើម្បីឱ្យជនរងគ្រោះវិនិយោគរូបិយប័ណ្ណក្លែងក្លាយ ។ នេះបើយោងតាមផេកអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានប្រកាសនាថ្ងៃទី០៦ ខែមេសានេះ ។
ជាការពិតណាស់ Telegram ជាបណ្តាញទំនាក់ទំនងសង្គមដ៏ពេញនិយមបំផុតក្នុងសម័យកាលឌីជីថលនេះ ។ ទន្ទឹមនឹងនេះ Telegram បានក្លាយជាគោលដៅរបស់ក្រុមឧក្រិដ្ឋជនបច្ចេកវិទ្យា ក្នុងការបោកប្រាស់ក្លែងបន្លំជនរងគ្រោះផងដែរ ។
ថ្មីៗនេះ ក្រុមការងារបច្ចេកទេសបានសង្កេតឃើញ ក្រុមឧក្រិដ្ឋជនបច្ចេកវិទ្យាប្រើប្រាស់ឧបាយកលបោកប្រាស់ដោយបង្កើតជាគ្រុប ប្រើប្រាស់រូបភាពថ្នាក់ដឹកនាំកំពូលៗ និងក្លែងបន្លំជាស្ថាប័នធនាគារ ក្នុងគោលបំណងអូសទាញជនរងគ្រោះឱ្យវិនិយោគជាមួយ Platform ក្លែងក្លាយ នៅលើបណ្តាញទំនាក់ទំនង Telegram ៖ វិធីសាស្ត្ររបស់ក្រុមឧក្រិដ្ឋជនប្រើប្រាស់:
-ប្រើប្រាស់កម្មវិធីចុះឈ្មោះ ឬ Platform ក្លែងក្លាយ
-បង្កើត Group និងគណនីក្លែងក្លាយដោយប្រើប្រាស់រូបភាពថ្នាក់ដឹកនាំលើបណ្តាញទំនាក់ទំនង Telegram
-អូសទាញជនរងគ្រោះឱ្យចុះឈ្មោះដាក់ប្រាក់វិនិយោគលើ Platform ក្លែងក្លាយ
-លួចយក ឬដកប្រាក់ជនរងគ្រោះដោយសម្ងាត់
វិធីសាស្ត្រការពារខ្លួន សូមអនុវត្តតាមការណែនាំដូចខាងក្រោម៖
-ពិភាក្សាជាមួយក្រុមគ្រួសារ ឬប្រឹក្សាជាមួយស្ថាប័នជំនាញមុននឹងសម្រេចចិត្តដាក់ប្រាក់វិនិយោគ
-ត្រួតពិនិត្យ និងសិក្សា ស្រាវជ្រាវ ឈ្វេងយល់អំពី Platform វិនិយោគឱ្យបានច្បាស់លាស់មុននឹងសម្រេចចិត្តដាក់ប្រាក់វិនិយោគ ៕
ចែករំលែកព័តមាននេះ