រាជធានីភ្នំពេញ ៖ ប្រយ័ត្នជាប់ពាក់ព័ន្ធបទល្មើសដោយមិនដឹងខ្លួន ប្រសិនបើផ្ដល់ ឬជួលគណនីធនាគារ (កុង) ទៅឱ្យគេប្រើប្រាស់ ។ នេះបើយោងតាមផេកអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ…
រាជធានីភ្នំពេញ ៖ ប្រយ័ត្នជាប់ពាក់ព័ន្ធបទល្មើសដោយមិនដឹងខ្លួន ប្រសិនបើផ្ដល់ ឬជួលគណនីធនាគារ (កុង) ទៅឱ្យគេប្រើប្រាស់ ។ នេះបើយោងតាមផេកអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានប្រកាសនាពេលកន្លងមកថ្មីៗនេះ ។
អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានបន្តថា ការផ្តល់គណនីធនាគារ (ឬកុងធនាគារ) ទៅឱ្យអ្នកដទៃប្រើប្រាស់ ដើម្បីទទួលបានកម្រៃជើងសារ អាចធ្វើឱ្យអ្នកប្រឈមមុខនឹងការចូលរួមប្រព្រឹត្ត បទល្មើស ជាមួយក្រុមឧក្រិដ្ឋជន ។
ការទទួលប្រាក់ជំនួស ការជួល ឬការលក់គណនីធនាគាររបស់ខ្លួន ឱ្យទៅបុគ្គលដទៃប្រើប្រាស់ក្នុ ងគោលបំណងណាមួយ ឬដើម្បីបានប្រាក់កម្រៃ គឺជាការផ្តល់នូវមធ្យោបាយប្រព្រឹត្តបទល្មើស ។
ចំពោះអ្នកផ្តល់មធ្យោបាយក្នុងការប្រព្រឹត្តនូវបទល្មើស គឺត្រូវចាត់ទុកថាជា «សហចារី» ដែលនឹងត្រូវទទួលទោសទណ្ឌដូចជា «ចារី» (អ្នកប្រព្រឹត្តផ្ទាល់) ដែរ ។ ក្នុងន័យនេះ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ សូមក្រើនរំលឹកដល់បងប្អូនប្រជាពលរដ្ឋ ដូចខាងក្រោម ៖
១. កុំលក់ ឬជួល គណនីធនាគាររបស់ខ្លួនឱ្យទៅបុគ្គលដទៃប្រើប្រាស់ជាដាច់ខាត។
២. កុំទទួលប្រាក់តាមគណនីធនាគារ ដែលពុំមានប្រភពច្បាស់លាស់ ជំនួសមិត្តភក្តិ ឬអ្នកដទៃ។
៣. កុំទាក់ទង ជាមួយជនអនាមិក ឬមិត្តភក្តិ ដែលព្យាយាមលួងលោម ឬសន្យាផ្តល់ផលប្រយោជន៍ ក្រោមរូបភាពខ្ចីប្រើប្រាស់កុងធនាគារ ៕
ចែករំលែកព័តមាននេះ