ខេត្តកោះកុង ៖ លោកវរសេនីយ៍ឯក យស់ ចាន់វិចិត្រ អធិការនៃអធិការដ្ឋាន នគរបាលក្រុងខេមរៈភូមិន្ទបានបញ្ជាក់យ៉ាងដូច្នេះថាៈ មុននឹងឈានដល់ការបង្ក្រាប ក្រុមឃាតករអាវុធAKនិងបក្សពួករបស់វាបាន គឺកំលាំងចម្រុះរបស់យើងបានប្រើប្រាស់ពេលវេលាអស់យៈពេល៥៩ម៉ោង(2យប់3ថ្ងៃ)…
ខេត្តកោះកុង ៖ លោកវរសេនីយ៍ឯក យស់ ចាន់វិចិត្រ អធិការនៃអធិការដ្ឋាន នគរបាលក្រុងខេមរៈភូមិន្ទបានបញ្ជាក់យ៉ាងដូច្នេះថាៈ មុននឹងឈានដល់ការបង្ក្រាប ក្រុមឃាតករអាវុធAKនិងបក្សពួករបស់វាបាន គឺកំលាំងចម្រុះរបស់យើងបានប្រើប្រាស់ពេលវេលាអស់យៈពេល៥៩ម៉ោង(2យប់3ថ្ងៃ) និងជាពិសេស
ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ គណៈបញ្ជាការឯកភាពរដ្ឋាបាលខេត្តកោះកុង កម្លាំងស្នងការដ្ឋាននគរបាលខេត្តកោះកុង សហការជាមួយកម្លាំងនាយកដ្ឋានព្រហ្មទ័ណ្ឌ និងកំលាំអធិការដ្ឋាននគរបាលក្រុងខេមរភូមិន្ទ បានធ្វើការស្រាវជ្រាវបំបែកសំណុំរឿងឃាតកម្មបាញ់ប្រហារនៅកណ្តាលក្រុងខេមរភូមិន្ទ កាលពីថ្ងៃទី០៣ ខែមីនា ឆ្នាំ២០២៦ ។
លោកអធិការបញ្ជាក់ទៀតថា នៅថ្ងៃទី០៥ ខែមេសា ឆ្នាំ២០២៦ វេលាម៉ោង១៥និង២៥នាទី កំលាំងសមត្ថកិច្ចយើងបានឃាត់ខ្លួនជនសង្ស័យបានចំនួន៣នាក់ រួមមាន ៖
១-ឈ្មោះ សាយ សាន្ត ភេទប្រុស អាយុ៣៥ឆ្នាំ មុខរបរនគរបាល ព្រំដែនគោក បានប្រើប្រាស់អាវុធ AK បាញ់អស់ចំនួន៦គ្រាប់ ទៅលើជនរងគ្រោះ
២-ឈ្មោះ សាយ សៀវហ្វុង ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ជាបក្សពួកនៅក្នុងព្រឹត្តិការណ៍ជាមួយឃាតកររហូត
៣-ឈ្មោះ យុន ស្រីលាភ ភេទស្រី អាយុ២០ឆ្នាំ ជនជាតិខ្មែរ មុខរបរបុគ្គលិកភោជនីយដ្ឋានជាបក្សពួកនៅជាមួយគ្នាពេលចាប់ខ្លួន។
លោកអធិការបញ្ជាក់បន្ថែមទៀតថា ក្នុងពេលឃាត់ខ្លួនកំលាំងសមត្ថកិច្ចដកហូតបាន ៖
-អាវុធ AK ស្វាយបត់ ចំនួន១ដើម បង់ចំនួន១ គ្រាប់ចំនួន២៤គ្រាប់
-ម៉ូតូចំនួន២គ្រឿង Zoomer X ចំនួន១គ្រឿង និង PCX ចំនួន១គ្រឿង។
ពេលនេះកំលាំងជំនាញផ្នែកព្រហ្មទណ្ឌក្រុង កំពុងកសាងសំណុំរឿងបញ្ជូនទៅការិយាល័យជំនាញ ដើម្បីអនុវត្តតាមនិតិវិធីច្បាប់ ៕
ចែករំលែកព័តមាននេះ