អាកាសធាតុនៅពេលនេះក្តៅខ្លាំង ហើយវានឹងរឹតតែក្តៅបន្ថែមទៀត នៅអំឡុងពេលពិធីបុណ្យចូលឆ្នាំប្រពៃណីជាតិ នៅពេលខាងមុខនេះ ដោយសីតុណ្ហភាពត្រូវព្យាករណ៍ថា អាចឡើងដល់៤០អង្សាសេ ។ ក្រសួងធនធានទឹក និងឧតុនិយម បានប្រកាសនៅថ្ងៃទី០៥…
អាកាសធាតុនៅពេលនេះក្តៅខ្លាំង ហើយវានឹងរឹតតែក្តៅបន្ថែមទៀត នៅអំឡុងពេលពិធីបុណ្យចូលឆ្នាំប្រពៃណីជាតិ នៅពេលខាងមុខនេះ ដោយសីតុណ្ហភាពត្រូវព្យាករណ៍ថា អាចឡើងដល់៤០អង្សាសេ ។
ក្រសួងធនធានទឹក និងឧតុនិយម បានប្រកាសនៅថ្ងៃទី០៥ ខែមេសា ឆ្នាំ២០២៦ថា សីតុណ្ហភាពក្តៅបំផុតនៅក្នុងប្រទេសត្រឹមរង្វង់៣៧អង្សារ ប៉ុន្តែនៅមុននេះបានព្រមានថា ពីថ្ងៃទី១២ ដល់១៧ មេសាវាអាចឡើងដល់ទៅ៤០អង្សាសេ ។
នៅពេលអាកាសធាតុក្តៅ ឬកំពុងមានរលកកម្តៅ បែបនេះ អង្គការសុខភាពពិភពលោក បានណែនាំអោយមនុស្សទទួលទានទឹកឲ្យបានច្រើន ។
ស្ថាប័នផ្នែកសុខភាពក្រោមឆ័ត្ររបស់អង្គការសហប្រជាជាតិនេះបានណែនាំថា ពេលអាកាសធាតុ ក្តៅទឹកធម្មតាដែលត្រូវបានដាំអោយពុះ គឺជាជម្រើសល្អបំផុត ហើយគួរទទួលទានជាបន្តបន្ទាប់ ទោះបីមិនទាន់មានអារម្មណ៍ស្រេកក៏ដោយ ។ ការទទួលទានទឹកច្រើនវាអាចជួយរក្សាសំណើមក្នុងរាងកាយ និងបន្ថយហានិភ័យខ្វះទឹក។
នៅក្នុងករណីអ្នកមានធនធាន អាចស្វែងរកប្រភេទភេសជ្ជៈមានអេឡិចត្រូលីត ដោយសារតែវាអាច
ជួយបំពេញជាតិអំបិល និងសារធាតុរ៉ែ ដែលបាត់បង់តាមញើស ។
ដោយឡែកភេសជ្ជធម្មជាតិ ដូចជា ពពួកទឹកផ្លែឈើស្រស់ ដែលមិនត្រូវបន្ថែមស្ករ ដូចជា ទឹកដូង
ផ្លែឈើមានទឹកច្រើន ដូចជា ឪឡឹក ត្រសក់ ក៏ជួយផ្គត់ផ្គង់ទឹកបានដែរ ។
ដោយឡែក ភេសជ្ជដែលគួរតែជៀសវាង គឺពពួកភេសជ្ជៈមានស្ករច្រើន ភេសជ្ជៈមានកាហ្វេអ៊ីន ច្រើនពេក និងពពួកគ្រឿងស្រវឹង ព្រោះអាចបង្កឲ្យរាងកាយខ្វះទឹកកាន់តែខ្លាំង។
ចែករំលែកព័តមាននេះ