ខេត្តព្រះសីហនុ ៖ ក្រសួងសាធារណការ និងដឹកជញ្ជូន បានបង្ហាញពីសារៈសំខាន់នៃផ្លូវខេត្តលេខ ១៤៦B (ឬវិថីសុវត្ថិភាព សម្តេចព្រះសង្ឃរាជ ទេព វង្ស)…
ខេត្តព្រះសីហនុ ៖ ក្រសួងសាធារណការ និងដឹកជញ្ជូន បានបង្ហាញពីសារៈសំខាន់នៃផ្លូវខេត្តលេខ ១៤៦B (ឬវិថីសុវត្ថិភាព សម្តេចព្រះសង្ឃរាជ ទេព វង្ស) ដែលជាខ្សែផ្លូវវាងក្រុងដ៏មានសក្ដានុពលបំផុត ។
ក្រសួងសាធារណការ និងដឹកជញ្ជូន បានប្រកាសនាល្ងាចថ្ងៃទី៣១ ខែមីនានេះថា ៖ ផ្លូវខេត្តលេខ១៤៦B គឺជាខ្សែផ្លូវវាងក្រុងដ៏មានសក្តានុពល ដោយតភ្ជាប់ពីទីប្រជុំជនទៅជាយក្រុងទៅកាន់តំបន់ទេសចរណ៍ និងឆ្នេរធម្មជាតិ ព្រមទាំងតភ្ជាប់ជាមួយផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវទាំង៣៧ខ្សែ នៅក្រុងព្រះសីហនុ ខេត្តព្រះសីហនុ ។
ផ្លូវនេះដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ផងដែរ ។
សូមជម្រាបជូនថា ផ្លូវខេត្តលេខ១៤៦B ឬវិថីសុវត្ថិភាពសម្តេចព្រះសង្ឃរាជ ទេព វង្ស មានប្រវែងប្រមាណ២០,៦៧គីឡូម៉ែត្រ គិតចាប់ពីចំណុចបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ រហូតដល់ភូមិ១ ឃុំអូរត្រេះ ស្រុកស្ទឹងហាវ ដែលត្រូវបានស្ថាបនាដោយក្រាលបេតុងកៅស៊ូ AC កម្រាស់ ៩សង់ទីម៉ែត្រ និងមានទទឹងតួផ្លូវ ១១ម៉ែត្រ៕
ចែករំលែកព័តមាននេះ