រាជធានីភ្នំពេញ ៖ មានករណីប្រជាពលរដ្ឋប្រទះឃើញ បុរសចំណាស់វ័យជាង ៦០ឆ្នាំ ម្នាក់ សង្ស័យគាំងបេះដូង ដេកស្លាប់នៅលើស៊ីក្លូ ក្បែរវាលព្រះមេរុ ។…
រាជធានីភ្នំពេញ ៖ មានករណីប្រជាពលរដ្ឋប្រទះឃើញ បុរសចំណាស់វ័យជាង ៦០ឆ្នាំ ម្នាក់ សង្ស័យគាំងបេះដូង ដេកស្លាប់នៅលើស៊ីក្លូ ក្បែរវាលព្រះមេរុ ។
ហេតុការណ៍នេះបង្កភ្ញាក់ផ្អើលកាលពីវេលាម៉ោង២រសៀលថ្ងៃទី ៣១ ខែមីនា ឆ្នាំ២០២៦ នៅក្បែរវាលព្រះមេរុ តាមបណ្តោយផ្លូវលេខ ១៧៨ សង្កាត់ជ័យជំនះ ខណ្ឌដូនពេញ រាជធានីភ្នំពេញ ។
បុរសចំណាស់ មានវ័យប្រហែលជាង៦០ឆ្នាំ ប៉ុន្តែនៅមិនទាន់ស្គាល់អត្តសញ្ញាណនោះឡើយ ។
តាមការបញ្ជាក់ពីប្រជាពលរដ្ឋបានអោយដឹងថា បុរសវ័យចំណាស់ខាងលើមានវ័យប្រហែល ៦០ឆ្នាំ ជាអ្នកនៅក្បែរៗនោះ ឬមិនមែនជាម្ចាស់សុីក្លូនោះទេ ។ ចំណែកឯម្ចាស់ស៊ីក្លូបានផ្តាំផ្ញើ អ្នករត់ស៊ីក្លូដូចគ្នា អោយជួយមកមើលអោយគាត់ផង ព្រោះគាត់ត្រូវទៅលេងស្រុកកំណើត ។ រហូតមកដល់យប់មិញថ្ងៃទី ៣០ ខែមីនា ឆ្នាំ២០២៦ បុរសវ័យចំណាស់ខាងលើ បានមកសុំអ្នកនៅក្បែរនោះ ថា សុំសម្រាកនៅលើសុីក្លូមួយយប់ រួចក៏សម្រាន្តលង់លក់បាត់ទៅ ។
ប្រភពព័ត៍មានដដែលបន្តថា លុះមកដល់វេលាម៉ោង ០២រសៀលថ្ងៃទី៣១ ខែមីនា ឆ្នាំ២០២៦ ប្រជាពលរដ្ឋបានដើរទៅដាស់គាត់ ព្រោះឃើញសម្រាកតាំងពីយប់មកម្ល៉េះ តែមិនទាន់ឃើញភ្ញាក់ទៀត ។ ទើបសម្រេចចិត្តដាស់ តែជាអកុសល បុរសចំណាស់រូបនោះ បានបាត់បង់ជីវិតបាត់ទៅហើយ ។ ដោយពលរដ្ឋសង្ស័យថា ស្លាប់មកពីមូលហេតុ គាំងបេះដូង ។
ក្រោយកើតហេតុ សមត្ថកិច្ចមូលដ្ឋាន បានសហការជាមួយនគរបាលជំនាញចក្ខុកោសល្យវិច័យ ធ្វើការត្រួតពិនិត្យសពរងគ្រោះ ដើម្បីស្វែងរកមូលហេតុ និងបានយកទៅតម្កល់ រងចាំគ្រួសារសាច់ញាតិមកទទួលធ្វើបុណ្យតាមប្រពៃណី ៕
ចែករំលែកព័តមាននេះ