សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ដែលនាំអាមេរិកធ្វើសង្គ្រាមប្រឆាំងអ៉ីរ៉ង់ ដោយមិនបាច់ឆ្លងកាត់ការអនុម័តរបស់សភា ពេលនេះ សមាជិកសភាកាន់តែច្រើនឡើងបានចោទសួរថា តើពេលណាទៅសង្គ្រាមនោះ ត្រូវបានបញ្ចប់និងសួរពីបណ្ដាបែបបទ…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ដែលនាំអាមេរិកធ្វើសង្គ្រាមប្រឆាំងអ៉ីរ៉ង់ ដោយមិនបាច់ឆ្លងកាត់ការអនុម័តរបស់សភា ពេលនេះ សមាជិកសភាកាន់តែច្រើនឡើងបានចោទសួរថា តើពេលណាទៅសង្គ្រាមនោះ ត្រូវបានបញ្ចប់និងសួរពីបណ្ដាបែបបទ និងតម្លៃនៃការបញ្ចប់សង្គ្រាមនោះជាមួយអ៉ីរ៉ង់ ។
លើស៣សប្ដាហ៍ហើយ ក្រោយចាប់ផ្ដើមសង្គ្រាមនោះ ដោយតុល្យការមើលទៅកាន់តែធ្ងន់ធ្ងរ។ ទាហានអាមេរិកយ៉ាងតិច១៣នាក់ បានស្លាប់រួចហើយ និងជាង២៣០នាក់រងរបួស។ ទឹកប្រាក់ដល់ទៅ២០០ពាន់លានដុល្លារ ត្រូវបានមន្ទីរប៉ង់តាហ្គោនស្នើ សម្រាប់ផ្គត់ផ្គង់សង្គ្រាម ។ បណ្ដាសម្ព័ន្ធមិត្តអាមេរិករងការវាយប្រហារ តម្លៃប្រេងកាន់តែឡើងខ្ពស់ ហើយទាហានអាមេរិកច្រើនពាន់នាក់ ដាក់ពង្រាយនៅមជ្ឈឹមបូព៌ាពុំដឹងថា តើនៅយូរប៉ុណ្ណាទៀត។
ប្រធានាធិបតីអាមេរិកលោកដូណាល់ត្រាំ គូសបញ្ជាក់កាលពីយប់ថ្ងៃទី២០ មីនា ថា លោកគ្រោងកាត់បន្ថយជាបន្តបន្ទាប់ ប្រតិបត្តិការយោធាអាមេរិក តែលោកលើកឡើងពីទិសដៅនិងគោលដៅ
ថ្មីៗ ។ មែនហើយសភាអាមេរិកគ្រប់គ្រងដោយពួកអ្នកសាធារណរដ្ឋ ដែលសមាជិកសភានៃគណបក្សនោះភាគច្រើនគាំទ្រលោកត្រាំ តែសមាជិកសភាទាំងនោះពេលនេះ ប្រឈមមុខនឹងការជ្រើសរើសថា តើត្រូវបន្តសង្គ្រាមដែលមានផលវិបាកធ្ងន់ធ្ងរយូរតទៅទៀតឬយ៉ាងណា។
យោងតាមច្បាប់ស្ដីពីអំណាចនៃសង្គ្រាម ប្រធានាធិបតីអាចធ្វើប្រតិបត្តិសង្គ្រាម ក្នុងរយៈពេល៦០ថ្ងៃដោយមិនបាច់មានការអនុម័តរបស់សភា ។ រហូតមកទល់ពេលនេះ បណ្ដាអ្នកសាធារណរដ្ឋបានបដិសេធគម្រោងសេចក្ដីសម្រេចចិត្តជាច្រើន របស់ពួកអ្នកប្រជាធិបតេយ្យ ដែលចង់បញ្ចប់ប្រតិបត្តិការយោធានោះ។ ប៉ុន្តែរដ្ឋការលោកត្រាំ ត្រូវបង្ហាញយុទ្ធសាស្ត្រសកលមួយសម្រាប់អនាគត បើមិនដូច្នោះទេ អាចជួបការរារាំងរបស់សភា ក្នុងការអនុម័តនាពេលខាងមុខលើសំណើមានទឹកដល់២០០ពាន់លានដុល្លារសម្រាប់បន្តសង្គ្រាម។
ប្រធានសភាជាអ្នកសាធារណរដ្ឋលោកម៉ៃចនសុនលើកឡើង នាសប្ដាហ៍មុនថា បេសកកម្មដំបូងមកទល់ពេលនេះ ស្ទើរតែបំពេញបានទាំងស្រុង។ យើងស្វែងរកកម្ទេចបណ្ដាមីស៊ីលបាលីស្ទិក
របស់អ៉ីរ៉ង និងមធ្យោបាយផលិតកម្ម និងកម្ទេចកងម៉ារីនអ៉ីរ៉ង់ ហើយទិសដៅទាំងនោះជិតបានសម្រេចហើយ ។
ទោះបីយ៉ាងណា លោកទទួលស្គាល់ថា សមត្ថភាពរបស់អ៉ីរ៉ង់អាចគំរាមកំហែងបណ្ដានាវាក្នុងច្រកសមុទ្រហ័រមូស ដែលនាំឲ្យសភាពការណ៍នៅអូសបន្លាយពេលយូរ ពេលដែលបណ្ដាសម្ព័ន្ធមិត្តអាមេរិក បានបដិសេធសំណើសុំជំនួយរបស់លោកត្រាំ ។ លោកបន្តថាពេលណាយើងអាចសម្រាលសភាពការណ៍នោះខ្ញុំគិតថាអ្វីៗទាំងអស់នឹងត្រូវបញ្ចប់ហើយ ៕
ចែករំលែកព័តមាននេះ