សង្គ្រាមអ៉ីរ៉ង់ ៖ មីស៊ីលអ៉ីរ៉ង់២គ្រាប់ កាលពីថ្ងៃទី២១ មីនា វាយប្រហារលើទីក្រុង២ នាភាគខាងត្បូងអ៉ីស្រាអែល ដោយមីស៊ីល១គ្រាប់ ធ្លាក់ក្បែរមជ្ឈមណ្ឌលយុទ្ធសាស្ត្រស្រាវជ្រាវនុយក្លេអ៊ែរ បណ្ដាលឲ្យមនុស្សជាង១០០នាក់…
សង្គ្រាមអ៉ីរ៉ង់ ៖ មីស៊ីលអ៉ីរ៉ង់២គ្រាប់ កាលពីថ្ងៃទី២១ មីនា វាយប្រហារលើទីក្រុង២ នាភាគខាងត្បូងអ៉ីស្រាអែល ដោយមីស៊ីល១គ្រាប់ ធ្លាក់ក្បែរមជ្ឈមណ្ឌលយុទ្ធសាស្ត្រស្រាវជ្រាវនុយក្លេអ៊ែរ បណ្ដាលឲ្យមនុស្សជាង១០០នាក់ រងរបួសនិងខូចខាតសម្ភារធ្ងន់ធ្ងរ ។
ទូរទស្សន៍អ៉ីស្រាអែលទាំងអស់ បានផ្សាយបណ្ដារូបភាពគួរឲ្យភ្ញាក់ផ្អើលនានា នៃការបំផ្លាញនិងបណ្ដាអ្នកជួយសង្គ្រោះខិតខំគាស់កាយគំនរបាក់បែកអគារទាំងឡាយ។ នាយករដ្ឋមន្ត្រីអ៉ីស្រា
អែលលោកបេនចាមីននេតាន់យ៉ាហ៊ូ ទទួលស្គាល់ថា ពេលនេះ យើងជួបប្រទះថ្ងៃដ៏លំបាកបំផុតមួយ ក្នុងការប្រយុទ្ធដើម្បីអនាគតរបស់យើង។ យើងប្ដេជ្ញាបន្តវាយប្រហារពួកសត្រូវលើគ្រប់រណសិរ្ស ។
មីស៊ីលដំបូង នាវេលាល្ងាចវាយប្រហារទីក្រុងយុទ្ធសាស្ត្រDIMONA ដែលទីក្រុងនោះមានជាពិសេស មជ្ឈមណ្ឌលស្រាវជ្រាវនុយក្លេអ៊ែរ NIGUEV SHIMON PERES ជាទីតាំងនុយក្លេអ៊ែរសម្រាប់ស្រាវជ្រាវ ដែលតាមសារព័ត៌មានបរទេសថា មជ្ឈមណ្ឌលនោះ ចូលរួមក្នុងការផលិតអាវុធនុយក្លេអ៊ែរ រយៈពេលប៉ុន្មានទសវត្សចុងក្រោយនេះ។ ចំណែកមីស៊ីលមួយគ្រាប់ទៀត វាយប្រហារទីក្រុងស្ថិតនៅចម្ងាយជិត៥គីឡូម៉ែត្រពីមជ្ឈមណ្ឌលស្រាវជ្រាវនុយក្លេអ៊ែរ។ ការវាយប្រហារនោះបណ្ដាលឲ្យមនុស្សប្រមាណជា៣០នាក់រងរបួស ។
កងទ័ពអ៉ីស្រាអែលនិយាយពីផលប៉ះពាល់ដោយផ្ទាល់ ដោយធ្វើអត្ថាធិប្បាយលើបណ្ដារូបភាព ផ្សាយតាមបណ្ដាញសង្គម បង្ហាញដុំភ្លើងជះទៅលើអាកាស។ រូបភាពបង្ហាញផ្ទះមួយត្រូវភ្លើងឆេះ។ ជុំវិញរណ្ដៅដ៏ធំមួយបណ្ដាអគារនៅជុំវិញនោះរងការបំផ្លាញមួយផ្នែកធំ។ អគារ២ដែលនៅក្បែររណ្ដៅរងការប៉ះពាល់ខ្លាំង។ បណ្ដាបំណែករ៉ាយប៉ាយហើយប្លុកបេតុងមានគរនៅទីតាំងវាយប្រហារមើលទៅដូចក្នុងទីលានប្រយុទ្ធ។
បន្ទាប់ពីនេះបន្តិចមីស៊ីលអ៉ីរ៉ង់មួយគ្រាប់ទៀត វាយប្រហារតំបន់ភាគខាងត្បូងអ៉ីស្រាអែលដដែលនោះ គឺចំទីក្រុងARAD ស្ថិតនៅចម្ងាយប្រមាណជា២៥គីឡូម៉ែត្រពីទីក្រុងDIMONA។ តាមបណ្ដាអ្នកជួយសង្គ្រោះថា នៅតំបន់ភាគខាងត្បូងនោះគឺនៅទីក្រុងDIMONAក៏ដូចនៅក្រុងARAD ដែរ ប្រព័ទ្ធការពារអាកាសត្រូវបានបាញ់ចេញដែរ តែមិនអាចច្ទាក់កម្ទេចបាន។ មីស៊ីលបាលីស្ទិកអ៉ីរ៉ង់ទាំង២គ្រាប់ ដែលបំពាក់ក្បាលគ្រាប់ទម្ងន់ច្រើនរយគីឡូក្រាមក៏បានផ្ទុះឡើង។ នៅក្រុងARAD មនុស្សយ៉ាងតិច៨៨នាក់រងរបួស និងបញ្ជូនទៅមន្ទីរពេទ្យក្នុងនោះ១០នាក់របួសធ្ងន់ ៕
ចែករំលែកព័តមាននេះ