សង្គ្រាមអ៉ីរ៉ង់ ៖ អ៉ីស្រាអែល កាលពីថ្ងៃទី២០ មីនា បានវាយប្រហារលើទីក្រុងតេហេរ៉ង់ នាឱកាសបុណ្យចូលឆ្នាំថ្មីអ៉ីរ៉ង់AN PERSAN ។ ការវាយប្រហារទាំងនេះធ្វើឡើង…
សង្គ្រាមអ៉ីរ៉ង់ ៖ អ៉ីស្រាអែល កាលពីថ្ងៃទី២០ មីនា បានវាយប្រហារលើទីក្រុងតេហេរ៉ង់ នាឱកាសបុណ្យចូលឆ្នាំថ្មីអ៉ីរ៉ង់AN PERSAN ។ ការវាយប្រហារទាំងនេះធ្វើឡើង ១ថ្ងៃបន្ទាប់ពីអ៉ីស្រាអែលសន្យាផ្អាកការវាយប្រហារថ្មីៗលើទីតាំងឧស្ម័នយុទ្ធសាស្ត្រអ៉ីរ៉ង់ ដែលការវាយប្រហារលើទីតាំងឧស្ម័នសំខាន់របស់ខ្លួននោះ នាំឲ្យអ៉ីរ៉ង់សងសឹកវិញ តាមរយៈការវាយប្រហារលើទីតាំងឧស្ម័នសំខាន់របស់កាតាធ្វើឲ្យតម្លៃឧស្ម័នរាវកាន់តែឡើងខ្ពស់ថែមទៀត ។
ស្នូរផ្ទុះខ្លាំង២លាន់ឮកក្រើកក្រុងឌូបៃ នាព្រឹកព្រលឹមថ្ងៃទី២០ មីនា ខណៈកងការពារអាកាសខិតខំស្ទាក់កម្ទេចមីស៊ីល និងដ្រូនពីលើក្រុងនោះ ដែលប្រជាជនកំពុងប្រារព្ធបុណ្យអាអ៉ីតអាល់ហ្វីត្រកំណត់ពីការបញ្ចប់ខែរ៉ាម៉ាដាន។ អ៉ីរ៉ង់បានបង្កើនការវាយប្រហារប្រឆាំងបណ្ដាទីតាំងថាមពល របស់ប្រទេសជិតខាងខ្លួនទាំងឡាយនៅតំបន់ឈូងសមុទ្រ ដោយនាថ្ងៃទី១៩ មីនា វាយប្រហាររោងចក្រចម្រាញ់ប្រេងកាតអារ៉ាប៊ីសាអូឌីតនៅជាប់សមុទ្រក្រហម និងវាយប្រហារឆេះបណ្ដាទីតាំងឧស្ន័នធម្មជាតិរាវរបស់កាតា ព្រមទាំងវាយប្រហាររោងចក្រចម្រាញ់់ប្រេង២នៅគុយវ៉ែត។
ទន្ទឹមនឹងនេះ យោងតាមទូរទស្សន៍អាមេរិកCNNថា យន្តហោះប្រដេញអាមេរិកទំនើបធុនF-35មួយគ្រឿង មានតម្លៃជាង១០០លានដុល្លារ ត្រូវចុះចតបន្ទាន់នៅមូលដ្ឋានអាកាសចរណ៍អាមេរិកមួយនៅមជ្ឈឹមបូព៌ា បន្ទាប់ពីរងការបាញ់ប្រហាររបស់អ៉ីរ៉ង់ ។
យន្តហោះបំបាំងកាយជំនាន់ទី៥នោះ បានហោះបំពេញបេសកកម្មប្រយុទ្ធពីលើប្រទេសអ៉ីរ៉ង់ ពេលត្រូវបង្ខំចុះជាបន្ទាន់។ នេះបើតាមអ្នកនាំពាក្យរបស់ទីបញ្ជាការដ្ឋានយោធាអាមេរិកនៅមជ្ឈឹមបូព៌ា ។ យន្តហោះអាចចុះដោយគ្មានបញ្ហារួចការស៊ើបអង្កេតមួយកំពុងធ្វើ។ អ្នកបើកក៏មិនមានបញ្ហាដែរ។ តាំងពីចាប់ផ្ដើមមានសង្ក្រាមជាមួយអ៉ីរ៉ង់មក អាមេរិកបានបាត់បង់យន្តហោះប្រដេញធុនF-15ចំនួន៣គ្រឿងដោយសារការបាញ់ច្រឡំ របស់កងការពារអាកាសគុយវ៉ែត។
សមាជិកក្រុមយានិកនៃយន្តហោះទាំងនោះ ៦នាក់អាចលោតចេញតាមឆ័ត្រយោងផុតពីគ្រោះថ្នាក់។ ប៉ុន្តែទាហានអាមេរិក៦នាក់ស្ថិតក្នុងយន្តហោះចាក់ប្រេងលើអាកាសធុនKC-135 ដែលធ្លាក់នៅភាគខាងលិចអ៉ីរ៉ាក់ កាលពីសប្ដាហ៍មុនបានត្រូវស្លាប់ ដែលតាមព័ត៌មាននានាថា ដោយការវាយប្រហាររបស់ក្រុមប្រដាបអាវុធស្និទ្ធអ៉ីរ៉ង់នៅអ៉ីរ៉ាក់។ ព័ត៌មានអាក្រក់មួយទៀតសម្រាប់រដ្ឋការលោកដូណាល់ត្រាំ គឹនាវាផ្ទុកយន្តហោះUSS GERALD FORD ត្រូវវិលមកកាន់មូលដ្ឋានវិញដោយសារមានភ្លើងឆាបឆេះសង្ស័យដោយការវាយប្រហាររបស់អ៉ីរ៉ង់ តែគេថាមកពីបញ្ហាទុយយោ៕ ប្រភព៖ yahoo
ចែករំលែកព័តមាននេះ