ខេត្តព្រៃវែង ៖ ក្រោមបញ្ជាផ្ទាល់របស់លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង និងមានការសម្របសម្រួលនិតិវិធីពីឯកឧត្ដម កូយ កាន់យ៉ា ព្រះរាជអាជ្ញាអមសាលាដំបូងខេត្តព្រៃវែង…
ខេត្តព្រៃវែង ៖ ក្រោមបញ្ជាផ្ទាល់របស់លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង និងមានការសម្របសម្រួលនិតិវិធីពីឯកឧត្ដម កូយ កាន់យ៉ា ព្រះរាជអាជ្ញាអមសាលាដំបូងខេត្តព្រៃវែង នៅវេលាម៉ោង៣ និង២០នាទីរសៀលថ្ងៃទី១៨ មីនា កម្លាំងមន្ទីរស្រាវជ្រាវ នឹងបង្ក្រាបបទល្មើសកងរាជអាវុធហត្ថខេត្តព្រៃវែង ដឹកនាំដោយលោកវរសេនីយ៍ទោ ផាត់ សុជោត ប្រធានមន្ទីរស្រាវជ្រាវ និងបង្ក្រាបបទល្មើស បានចុះបង្ក្រាបបទល្មើសជួញដូរចែកចាយ និងប្រើប្រាស់គ្រឿងញៀន នៅចំណុចភូមិឧត្តម ឃុំព្រែកខ្សោយ(ក) ស្រុកពាមរក៏ ខេត្តព្រៃវែង ដោយបានឃាត់ខ្លួនជនសង្ស័យចំនួន 8 នាក់ និងដកហូតបានវត្ថុតាងថ្នាំញៀនចំនួន 8 កញ្ចប់ធំ។
លោក ផាត់ សុជោត ប្រធានមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តព្រៃវែងបានឱ្យដឹងថា ដោយអនុវត្តតាមវិធានការញុះញង់ ធ្វើឲ្យជនសង្ស័យបានបញ្ចេញវត្ថុតាងជាសារធាតុញៀន យកមកលក់ចែកចាយ ទើបកម្លាំងរបស់លោកបានចូលសង្គ្រប់ក្រសោបចាប់ជនសង្ស័យជាបន្តបន្ទាប់សរុបបានចំនួន8នាក់ និងដកហូតបានវត្ថុតាង ប្រភេទម្សៅក្រាមពណ៌សចំនួន៨កញ្ចប់ ក្នុងនោះតូច២កញ្ចប់ និងធំ 8 កញ្ចប់ ព្រមទាំងថ្នាំគ្រាប់ក្រហម WY ចំនួន 7 គ្រាប់ រួមទាំងឧបករណ៍សម្រាប់ជក់ថ្នាំមួយចំនួន។
ដោយមានការសារភាពពីជនសង្ស័យដែលត្រូវចាប់ខ្លួន កម្លាំងកងរាជអាវុធហត្ថខេត្តព្រៃវែងក៏បានកសាងសំណុំរឿងបញ្ជូនជនសង្ស័យ និងវត្ថុតាងទៅបញ្ជាការដ្ឋានកងរាជអាវុធហត្ថខេត្ត ដើម្បីកសាងសំណុំរឿងនិងចាត់ការបន្ត ទៅតាមនីតិវិធី នៅរសៀលថ្ងៃទី19 មីនា នេះ ។
ចែករំលែកព័តមាននេះ