ប្រទេសវេណេស៊ុយអេឡា ៖ ប្រធានាធិបតីស្ដីទីវេណេស៊ុយអេឡា លោកស្រីដែលស៊ីរ៉ូឌ្រីហ្គេស កាលពីថ្ងៃទី១៨ មីនា បានសម្រេចដកតំណែងរដ្ឋមន្ត្រីការពារប្រទេស ឧត្ដមសេនីយ វ្ល៉ាឌីមៀរ ប៉ាឌ្រីណូឡូប៉េស…
ប្រទេសវេណេស៊ុយអេឡា ៖ ប្រធានាធិបតីស្ដីទីវេណេស៊ុយអេឡា លោកស្រីដែលស៊ីរ៉ូឌ្រីហ្គេស កាលពីថ្ងៃទី១៨ មីនា បានសម្រេចដកតំណែងរដ្ឋមន្ត្រីការពារប្រទេស ឧត្ដមសេនីយ វ្ល៉ាឌីមៀរ ប៉ាឌ្រីណូឡូប៉េស ដែលដឹកនាំកងទ័ពតាំងពីប្រធានាធិបតីលោកនីកូឡាស់ ម៉ាឌីរ៉ូ ឡើងកាន់អំណាច
រហូតដល់ពេលអាមេរិកចាប់ខ្លួន ។
ក្រោមការគាបសង្កត់របស់អាមេរិក លោកស្រីរ៉ូឌ្រីហ្គេស ហាក់ដូចជាឈានទៅក្ដាប់កងទ័ពក្នុងដៃ ដើម្បីឈានទៅដកតំណែងឧត្ដមសេនីយវ្ល៉ាឌីមៀរប៉ាឌ្រីណូឡូប៉េស ដែលខ្លួនលោកផ្ទាល់ក៏មានការអាម៉ាស់ដែរ ដែលកងទ័ពគ្មានសមត្ថភាពក្នុងការការពារប្រមុខរដ្ឋ ។
តាមតេឡេក្រាម លោកស្រីរ៉ូឌ្រីហ្គេសសរសេរថា យើងសូមអរគុណឧត្ដមសេនីយវ្ល៉ាឌីមៀរប៉ាទ្រីណូឡូប៉េស ដែលបានបម្រើប្រទេសជាតិ ដោយស្មោះត្រង់ ហើយដែលបណ្ដាឆ្នាំកន្លងទៅ ជាទាហានដំបូងគេ ក្នុងកិច្ចការពារប្រទេសយើង។ យើងជឿជាក់ថា លោកនឹងបំពេញដោយមានការទទួលខុសត្រូវ និងក្នុងកិត្តិយសដូចគ្នានេះដែរ ពេលទទួលតំណែងថ្មីដែលនឹងប្រគល់ជូនលោក ។
លោកស្រីប្រធានាធិបតីស្ដីទីបានជ្រើសតាំងឧត្ដមសេនីយហ្គូសស្តាវ៉ូហ្គង់ហ្សាឡែសឡូប៉េស ប្រមុខកងការពារប្រធានាធិបតី និងជាប្រមុខខាងប្រឆាំងចារកម្មចាប់តាំងពីការចាប់ខ្លួនលោកម៉ាឌូរ៉ូមក ជារដ្ឋមន្ត្រីការពារប្រទេសថ្មី។
ពីមុនលោកក៏ធ្លាប់ដឹកនាំផ្នែកស៊ើបការណ៍ ។ ទន្ទឹមនឹងនេះដែរ លោកស្រីប្រធានាធិបតីបានតែងតាំងឧត្ដមសេនីយ ហេនរីណាវ៉ាសរុមបូស ជាប្រមុខកងការពារប្រធានាធិបតី និងឧត្ដមនាវីហ្ស័រ
ម៉ាន់ហ្គោមេសឡារេស ជាប្រមុខផ្នែកប្រឆាំងចារកម្ម ។
ចាប់តាំងពីឡើងកាន់តំណែងប្រធានាធិបតីស្ដីទីមក លោកស្រីរ៉ូឌ្រីហ្គេស បានដកចេញមនុស្សជំនិតលោកម៉ាឌូរ៉ូច្រើននាក់ចេញពីរង្វង់អំណាច ៕
ចែករំលែកព័តមាននេះ