សង្គ្រាមអ៉ីរ៉ង់ ៖ ការចំណាយក្នុងសង្គ្រាមនៅអ៉ីរ៉ង់ពិតជាច្រើនមហាសាល ដោយក្នុង១ថ្ងៃអាមេរិកលោកត្រូវចំណាយដល់ខ្ទង់១ពាន់លានដុល្លារ ។ ប៉ុន្តែតម្លៃដែលត្រូវបង់ពិតជាមានខ្ពស់ជាងនោះទៀត បើតាមការយល់ឃើញរបស់ពួកអ្នកសាធារណរដ្ឋ ក៏ដូចជាពួកអ្នកប្រជាធិបតេយ្យដែរ ។ កាសែតញូវយ៉កថែមសរសេរក្នុងបទវិចារណកថាមួយថា…
សង្គ្រាមអ៉ីរ៉ង់ ៖ ការចំណាយក្នុងសង្គ្រាមនៅអ៉ីរ៉ង់ពិតជាច្រើនមហាសាល ដោយក្នុង១ថ្ងៃអាមេរិកលោកត្រូវចំណាយដល់ខ្ទង់១ពាន់លានដុល្លារ ។ ប៉ុន្តែតម្លៃដែលត្រូវបង់ពិតជាមានខ្ពស់ជាងនោះទៀត បើតាមការយល់ឃើញរបស់ពួកអ្នកសាធារណរដ្ឋ ក៏ដូចជាពួកអ្នកប្រជាធិបតេយ្យដែរ ។
កាសែតញូវយ៉កថែមសរសេរក្នុងបទវិចារណកថាមួយថា សង្គ្រាមនោះ បានក្លាយទៅជាសង្គ្រាមដែលចំណាយច្រើនបំផុតក្នុងអាណត្តិលោកដូណាល់ត្រាំ ។ ធ្វើឡើងរួមជាមួយអ៉ីស្រាអែល ជម្លោះនោះពេលនេះ ចាត់ទុកជាការសាកល្បងចម្បងមួយនៃអំណាចរបស់លោកត្រាំ និងសមត្ថភាពរបស់លោកក្នុងការត្រួតត្រា លើបណ្ដាផលវិបាក ដែលហាក់ដូចជាកំពុងរបូតទៅយ៉ាងច្បាស់។ លោកត្រាំស្នើសុំជំនួយសម្រាប់បំបែកការបិទខ្ទប់របស់អ៉ីរ៉ង់នូវច្រកសមុទ្រហ័រមូសតែគ្មានបទេសសម្ព័ន្ធណាហក់ចូលជួយឡើយ។
ដោយជ្រើសយកការប្រឈមមុខដោយផ្ទាល់របស់អាមេរិកចំពោះអ៉ីរ៉ង់ ដោយគ្មានការពិគ្រោះជាមុនជាមួយសភា គឺខុសពីបណ្ដាប្រធានាធិបតីមុនៗ ។ លោកត្រាំក៏ត្រូវប្រឈមមុខដែរនឹងគ្រោះថ្នាក់ធ្ងន់ធ្ងរទាក់ទិនរដ្ឋធម្មនុញ្ញ ។ មនុស្សជាច្រើន គឺជាពួកអ្នកដែលបរិហារពីការប្រើអំណាចនីតិប្រតិបត្តិហួសដែនកំណត់ ក្នុងនោះ ក៏រួមមានទាំងបណ្ដាមនុស្សស្ថិតក្នុងគណបក្សលោកផងដែរ។ ប្រតិបត្តិការយោធាមួយតាមទម្លាប់ ត្រូវសម្រេចដោយស្ថាប័នជាន់ខ្ពស់នានា ជាមួយជំនួយរបស់គណៈកម្មាធិការអ្នកជំនាញការ ។
បណ្ដាសមាជិកសភានៃគណបក្សប្រជាធិបតេយ្យជាសមាជិកគណៈកម្មការកិច្ចការបរទេសរបស់សភា ទាមទារនាពេលនេះ ឲ្យបណ្ដាអ្នកទទួលខុសត្រូវជាន់ខ្ពស់របស់រដ្ឋាភិបាលលោកត្រាំ បង្ហាញខ្លួននៅមុខពួកគេ ដើម្បីលើកហេតុផលនៃសកម្មភាពពួកគេនៅអ៉ីរ៉ង់ ។ បណ្ដាសមាជិកសភាបានចោទលើយុទ្ធសាស្ត្រមិនច្បាស់លាស់ និងការប្រើហួសដែនកំណត់អំណាចប្រធានាធិបតីលើការធ្វើសង្គ្រាម ។ គេបានរិះគន់ប្រធានាធិបតីថា ដឹកនាំតែម្នាក់ឯងមើលស្រាលតុល្យភាពនៃរដ្ឋធម្មនុញ្ញ ៕
ចែករំលែកព័តមាននេះ