សង្គ្រាមអ៉ីរ៉ង់ ៖ ក្រុងតេហេរ៉ង់ កាលពីថ្ងៃទី១៧ មីនា បន្តរងការវាយប្រហារខ្លាំងក្លា ក៏ដូចជានៅអ៉ីរ៉ាក់ តំបន់ឈូងសមុទ្រពែរ្ស៍ និងនៅលីបង់ ខណៈសង្គ្រាមបង្កឡើងដោយអ៉ីស្រាអែល…
សង្គ្រាមអ៉ីរ៉ង់ ៖ ក្រុងតេហេរ៉ង់ កាលពីថ្ងៃទី១៧ មីនា បន្តរងការវាយប្រហារខ្លាំងក្លា ក៏ដូចជានៅអ៉ី
រ៉ាក់ តំបន់ឈូងសមុទ្រពែរ្ស៍ និងនៅលីបង់ ខណៈសង្គ្រាមបង្កឡើងដោយអ៉ីស្រាអែល និងអាមេរិកប្រឆាំងអ៉ីរ៉ង់បានឈានចូលដល់ថ្ងៃទី១៩ហើយ ។ ក្នុងសង្គ្រាមនោះ លោកត្រាំមិនបានទទួលជំនួយយោធាពីបណ្ដាសម្ព័ន្ធមិត្តឡើយ ដែលនាំឲ្យលោកខឹងខ្លាំង ។
តម្លៃប្រេងបានហោះឡើង៥%ទៀតនៅអាស៊ី ដោយសារការព្រួយបារម្ភរបស់ទីផ្សារប្រឈមមុខនឹងជម្លោះដែលបណ្ដាលឲ្យមានអស្ថេរភាពកាន់តែខ្លាំង ប៉ះពាល់ដល់បណ្ដាទីតាំងប្រេងនៅតំបន់ឈូងសមុទ្រ និងរារាំងដល់ការដឹកប្រេងរបស់បណ្ដានាវាដោយសារអ៉ីរ៉ង់បិទច្រកសមុទ្រហ័រមូស។ ប្រជាជនក្រុងតេហេរ៉ង់ជួបប្រទះការដាច់ភ្លើងនាពេលយប់ដែលគ្របដណ្ដប់ដោយភ្លៀងផ្គរ និងរន្ទះ ពេលរដ្ឋធានីអ៉ីរ៉ង់រងការវាយប្រហារខ្លាំងក្លាបន្តទៀត ។
នៅអ៉ីរ៉ាក់ស្ថានទូតអាមេរិករងការវាប្រហារជាលើកទី២ ។ នៅក្រុងបាដាដមនុស្ស៤នាក់បានត្រូវស្លាប់ នាព្រឹកព្រលឹមថ្ងៃទី១៧ មីនា ដោយសារមីស៊ីលក្នុងសង្កាត់មួយ ។ នេះបើតាមប្រភពរបស់បណ្ដាក្រុមប្រដាប់អាវុធស្និទ្ធអ៉ីរ៉ង់។ ស្ថានទូតអាមេរិកប្រចាំក្រុងបាដាដ រងការវាយប្រហារជាលើកទី២ ចន្លោះពេលគ្នាតែប៉ុន្មានម៉ោងកាលពីថ្ងៃទី១៦ និង១៧ មីនា ។ គេឃើញផ្នែកការពារអាកាសស្ទាក់កម្ទេចមីស៊ីលមួយ ចំណែកមីស៊ីលមួយទៀត បានធ្លាក់ចំស្ថានទូតអាមេរិក បណ្ដាលឲ្យមានការផ្ទុះបន្ទាប់មកឃើញមានផ្សែងខ្មៅហុយចេញ។ មីស៊ីល១គ្រាប់ ក៏បានធ្លាក់លើដំបូលអគារសណ្ឋាគារមួយ ស្ថិតក្នុងតំបន់បៃតងដដែលនោះ ។ ចំណែកបណ្ដាដ្រូននាវេលាល្ងាចបានវាយប្រហារចម្ការប្រេងកាតសំខាន់មួយនាភាគខាងត្បូងអ៉ីរ៉ាក់ ដែលធ្លាប់រងការវាយប្រហាររួចមកហើយ ។
មីស៊ីលអ៉ីរ៉ង់១គ្រាប់ នាថ្ងៃទីន១៨ មីនា បានធា្លក់ នៅជិតទីបញ្ជាការដ្ឋានយោធាអូស្ត្រាលីប្រចាំ
មជ្ឈឹមបូព៌ា ស្ថិតក្នុងមូលដ្ឋានយោធាALMOINHAD ប្រទេសអេមីរ៉ាត់អារ៉ាប់រួម ។ តាមនាយករដ្ឋមន្ត្រីអូស្ត្រាលីថា ការវាយប្រហារនោះមិនបណ្ដាលឲ្យមានអ្នករងរបួសឡើយ។
ចំណែកមីស៊ីលបាលីស្ទិក១គ្រាប់ ត្រូវស្ទាក់កម្ទេចនៅជិតមូលដ្ឋានអាកាសចរណ៍ PRINCE SULTAN ភាគអាគ្នេយ៍ក្រុងរីយ៉ាដ រាជធានីអារ៉ាប៊ីសាអូឌីត ដែលនៅទីនោះមានវត្តមានកងទាហានអាមេរិក។ តាមក្រសួងការពារប្រទេសអារ៉ាប៊ីសាអូឌីតថា បណ្ដាដ្រូនក៏ត្រូវបានស្ទាក់កម្ទេចនៅភាគខាងកើតប្រទេសដែរ។ អាជ្ញាធរអេមីរ៉ាត់អារ៉ាប់រួម កាតានិងគុយវ៉ែតក៏ប្រកាសពីការស្ទាក់កម្ទេចបណ្ដាមីស៊ីលដែរ ។
នៅអ៉ីរ៉ង់មជ្ឈមណ្ឌលនុយក្លេអ៊ែរស៊ីវិល BOUCHEHR ភាគខាងត្បូងប្រទេសរងការវាយប្រហារដោយមីស៊ីល១គ្រាប់ កាលពីយប់ថ្ងៃទី១៧ មីនា តែមិនបណ្ដាលឲ្យមានការខូចខាត ឬជនរងគ្រោះឡើយ ។ កងទ័ពអាមេរិក ក៏វាយប្រហារបណ្ដាទីតាំងមីស៊ីលអ៊ីរ៉ង់ នៅជិតច្រកសមុទ្រហ័រមូស ។
អាមេរិកបានទម្លាក់គ្រាប់បែក ដោយជោគជ័យលើបណ្ដាទីតាំងមីស៊ីលប្រឆាំងនាវារបស់អ៉ីរ៉ង់នៅជិតច្រកសមុទ្រហ័រមូស ជាមួយគ្រាប់បែកប្រឆាំងរូងក្រោមដី ។ នេះជាការអះអាង កាលពីថ្ងៃទី១៧មីនារបស់កងទ័ពអាមេរិក ។ ទីបញ្ជាការដ្ឋានកងទ័ពអាមេរិកនៅមជ្ឈឹមបូព៌ារៀបរាប់ថា កងទ័ព
អាមេរិកបានប្រើគ្រាប់បែកទម្លុះទម្ងន់២,៣តោនជាច្រើនគ្រាប់ ប្រឆាំងបណ្ដាទីតាំងមីស៊ីលតាមឆ្នេរសមុទ្ររបស់អ៉ីរ៉ង់ ជិតច្រកសមុទ្រហ័រមូស ។
មនុស្ស២នាក់ថ្មីទៀត បានត្រូវស្លាប់កាលពីយប់ថ្ងៃទី១៧ មក ១៨ មីនា នៅជិតក្រុងតែលអាវីវ ។ ប៉ូលិសអ៉ីស្រាអែលរាយការណ៍ពីការធ្លាក់មីស៊ីលដែលហោះមកពីអ៉ីរ៉ង់ ក្នុងតំបន់នោះ។ ក្រុមជួយសង្ក្រោះអ៉ីស្រាអែលបានផ្សាយរូបភាពនានាបង្ហាញពីការខូចខាតច្រើន ពិសេស វីដេអូមួយបង្ហាញពីរថយន្ត១ក្រឿងកំពុងមានភ្លើងឆេះ និងបណ្ដាបំណែកក្នុងទីតាំងជាច្រើន ។ ម្យ៉ាងវិញទៀត ស្នូរផ្ទុះយ៉ាងខ្លាំង២លាន់ឮនៅក្រុងហ្សេរុយសាឡឹមនាព្រឹកព្រលឹមថ្ងៃទី១៨ មីនា បន្ទាប់ពីការប្រកាសពីការបាញ់ស្រោចមីស៊ីលថ្មីៗរបស់អ៉ីរ៉ង់ ៕ ប្រភព៖ YahooNews
ចែករំលែកព័តមាននេះ