រាជធានីភ្នំពេញ ៖ ផ្ទះជួលមួយកន្លែងត្រូវបានអគ្គីភ័យឆាប់ឆេះយ៉ាងសន្ធោសន្ធៅអស់៥បន្ទប់ និងឆេះរាលដាលទៅផ្ទះឈើលើថ្មក្រោម ១ខ្នង និងអគារផ្ទះជួលអស់៣បន្ទប់ រងការខូចខាតទាំងស្រុង។ ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោង ២០និង៤០នាទីយប់ ថ្ងៃទី១៨…
រាជធានីភ្នំពេញ ៖ ផ្ទះជួលមួយកន្លែងត្រូវបានអគ្គីភ័យឆាប់ឆេះយ៉ាងសន្ធោសន្ធៅអស់៥បន្ទប់ និងឆេះរាលដាលទៅផ្ទះឈើលើថ្មក្រោម ១ខ្នង និងអគារផ្ទះជួលអស់៣បន្ទប់ រងការខូចខាតទាំងស្រុង។
ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោង ២០និង៤០នាទីយប់ ថ្ងៃទី១៨ ខែមីនា ឆ្នាំ២០២៦ នៅ ផ្លូវរថភ្លើងក្រោយវិទ្យាស្ថានបច្ចេកទេសកម្ពុជាហៅសាលាតិចណូក្នុង ភូមិ៩ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
តាមសាក្សីបានឲ្យដឹងថា នៅមុនពេលកើតហេតុគេឃើញភ្លើងបានឆាប់ចេះចេញពីបន្ទប់មួយនៃផ្ទះជួលធ្វើអំពីឈើប្រក់ស័ង្កសីហើយឆេះរាលដាលយ៉ាងសន្ធោសន្ធៅទៅផ្ទះចំនួនពីរខ្នងទៀតដែលនៅជាប់នោះ។នៅក្នុងហេតុការណ៍នោះបង្កឲ្យមានការភ្ញាក់ផ្អើលហើយអ្នកស្នាក់នៅផ្ទះជួរនៅអាគារក្បែរនោះក៏បាននាំគ្នារើអីវ៉ាន់ចេញ។ភ្លាមៗអាជ្ញាធរមូលដ្ឋាននិងសមត្ថកិច្ចក៏បានចុះទៅកន្លែងកើតហេតុហើយទាក់ទងរថយន្តពន្លត់អគ្គិភ័យជាច្រើនគ្រឿងបានទៅអន្តរាគមន៍បាញ់ពន្លត់។ទោះបីជាយ៉ាងណាគេពុំទាន់ដឹងពីមូលហេតុនៃការកើតមានអគ្គិភ័យនេះឡើយ។បើតាមព័ត៌មានពីរម្ចាស់ផ្ទះដើមភ្លើងបានឲ្យដឹងថាបណ្ដាលមកពីឆ្លងចរន្តអគ្គិសនីដែលចេះចេញពីបន្ទប់ជួលដែលពុំមានមនុស្សស្នាក់។
តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នោះរថយន្តពន្លត់អគ្គីភ័យចំនួន ២០ គ្រឿងបានទៅអន្តរាគមន៍បាញ់ពន្លត់ដែលក្នុងនោះរថយន្តការិល័យ បង្ការពន្លត់អគ្គីភ័យនិងសង្គ្រោះចំនួន ១៧គ្រឿង ប្រេីប្រាស់ទឹកអស់ចំនួន ៣៤ឡាន ស្មើនឹង ១៣៦ម៉ែត្រគូប , រថយន្តអគ្គិភ័យក្រសួងមហាផ្ទៃចំនួន ០២គ្រឿង ពុំបានប្រើប្រាស់ទឹកនោះទេ និងរថយន្តអគ្គិភ័យស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប ហើយភ្លើងបានរលត់ទៅវិញនៅម៉ោង ២១នឹង៤០នាទីយប់ នាថ្ងៃខែ ឆ្នាំដដែល ។
តាមនគរបាលបានឲ្យដឹងទៀតថា អគ្គីភ័យនេះបានឆាប់ឆេះចេញពីផ្ទះជួលធ្វើពីឈើប្រក់ស័ង្កសីដែលមានម្ចាស់ឈ្មោះ ភេទ ចាន់ ភេទប្រុស អាយុ ៥៦ឆ្នាំ ។
តាមនគរបាលបានឲ្យដឹងទៀតថា អគ្គីភ័យនេះបណ្ដាលឲ្យផ្ទះជួលមួយខ្នងមាន៥បន្ទប់ត្រូវភ្លើងឆេះរងការខូចខាតទាំងស្រុងនិងឆេះរាលដាលទៅផ្ទះឈើលើថ្មក្រោមចំនួន ០១ខ្នង និងផ្ទះថ្មចំនួន ០១ជាន់មាន០៣បន្ទប់ ការខូចខាតទាំងស្រុង។ទោះបីជាយ៉ាងណាពុំបណ្ដាឲ្យមនុស្សរងគ្រោះថ្នាក់ឡើយ។ចំពោះមូលហេតុនគរបាលពុំទាន់ឲ្យដឹងនោះឡើយ កំពុងតែធ្វើការស្រាវជ្រាវ៕
ចែករំលែកព័តមាននេះ