ខេត្តស្វាយរៀង ៖ សេចក្តីរាយការណ៍ពីខេត្តស្វាយរៀងឲ្យដឹងថា កាលពីថ្ងៃទី១៥ ខែមីនា ឆ្នាំ២០១៦ កម្លាំងសមត្តកិច្ចនគរបាលមូលដ្ឋានស្រុកស្វាយជ្រុំ ខេត្តស្វាយរៀង បានធ្វើការឃាត់ខ្លួនសង្សាមួយគូរ ដោយជាប់ពាក់ពន្ធពីបទ.លួច…
ខេត្តស្វាយរៀង ៖ សេចក្តីរាយការណ៍ពីខេត្តស្វាយរៀងឲ្យដឹងថា កាលពីថ្ងៃទី១៥ ខែមីនា ឆ្នាំ២០១៦ កម្លាំងសមត្តកិច្ចនគរបាលមូលដ្ឋានស្រុកស្វាយជ្រុំ ខេត្តស្វាយរៀង បានធ្វើការឃាត់ខ្លួនសង្សាមួយគូរ ដោយជាប់ពាក់ពន្ធពីបទ.លួច និងបានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី ។
ជនសង្ស័យ២ នាក់ដែលជាសង្សាគ្នានោះមាន ៖ ម្នាក់ឈ្មោះ ពេជ ពន្លឺ ភេទប្រុស អាយុ១៧ ឆ្នាំ និងម្នាក់ឈ្មោះ ឃាង ស្រីរ័ត្ន ភេទស្រី អាយុ២២ ឆ្នាំ មុខរបរ មិនពិតប្រាកដ ។
សេចក្តីរាយការណ៍ឲ្យដឹងទៀតថា កាលពីរសៀលថ្ងៃទី១៥ ខែមីនា ឆ្នាំ២០២៦ ជនសង្ស័យទាំង២នាក់បានជិះម៉ូតូឌុបគ្នាទៅលេងព្រះសង្ឃមួយអង្គ គង់នៅវត្តត្នោតជ្រំ ភូមិឬស្សីព្រៃ ឃុំកំពង់ចំឡង ស្រុកស្វាយជ្រំ ខេត្តស្វាយរៀង ដែលអតីតព្រះសង្ឃអង្គនោះជាមិត្តភក្តិធ្លាប់សិស្សរៀនសូត្រជាមួយគ្នា ។
ខណៈពេលទៅដល់វត្ត ជនសង្ស័យទាំងពីរ បានក្រាបថ្វាយបង្គំសំណេះណាលលេងជាមួយព្រះសង្ឃអតីត(មិត្តភក្តិ) ។ លុះមួយសន្ទុះ ព្រះអង្គបាននិមន្តចូលបន្ទប់ទឹក ដោយបានទុកទូរស័ព្ទដៃសាកថ្មនៅលើគ្រែ ដែលអង្គុយជជែកគ្នាលេងនោះ ហើយទូរស័ព្ទនោះត្រូវបានសង្សាមួយគូនោះលួចយក និងមានបំណងគេចខ្លួន តែត្រូវបានសមត្តកិច្ចឃាត់ខ្លួន នៅពេលមានពាក្យបណ្តឹងផ្ទាល់មាត់ពីព្រះ អង្គព្រះនាម មិន ជីវ័ន្ត ព្រះជន្មាយុ១៨ ព្រះវស្សា ជាម្ចាស់ទូរស័ព្ទ ហើយទូរស័ព្ទដៃនោះក៏ត្រូវបានសមត្តកិច្ចដកហូត ពីជនសង្ស័យប្រគេនជូនព្រះអង្គវិញដែរ ។ នេះហើយហៅថា រពឹសដៃផ្ទៃជាប់គុក ថ្ងៃក្រោយសុំកុំរៀង ៕
ចែករំលែកព័តមាននេះ