ប្រទេសចិន ៖ មកពីការពឹងផ្អែកខ្លាំងលើប្រេងមកពីមជ្ឈឹមបូព៌ា ចិនតំណាងឲ្យអ្នកខាតបង់សំខាន់មួយ ដោយសារជម្លោះដែលអាមេរិក និងអ៉ីស្រាអែល បានបង្កឡើងប្រឆាំងអ៉ីរ៉ង់។ តែចិនសម្រាប់ពេលនេះ មើលទៅហាក់កំពុងជម្នះព្យុះនេះដែលបំផ្លាញបណ្ដាទីផ្សារថាមពលពិភពលោក ជាមួយតម្លៃប្រេងឡើងកាន់តែខ្ពស់…
ប្រទេសចិន ៖ មកពីការពឹងផ្អែកខ្លាំងលើប្រេងមកពីមជ្ឈឹមបូព៌ា ចិនតំណាងឲ្យអ្នកខាតបង់សំខាន់មួយ ដោយសារជម្លោះដែលអាមេរិក និងអ៉ីស្រាអែល បានបង្កឡើងប្រឆាំងអ៉ីរ៉ង់។ តែចិនសម្រាប់ពេលនេះ មើលទៅហាក់កំពុងជម្នះព្យុះនេះដែលបំផ្លាញបណ្ដាទីផ្សារថាមពលពិភពលោក ជាមួយតម្លៃប្រេងឡើងកាន់តែខ្ពស់ ដែលកាលពីថ្ងៃទី១៦ មីនា មានដល់ជាង១០០ដុល្លារក្នុង១ធុង ។
ក្នុងឆ្នាំ២០២៥ មជ្ឈឹមបូព៌ាតំណាងឲ្យជិត៥៧%នៃការនាំប្រេងឆៅចូលដោយផ្ទាល់របស់ចិន ដឹកកាត់សមុទ្រពិសេសមកពីអ៉ីរ៉ង់ ។ ដោយរាំងខ្ទប់ច្រកសមុទ្រហ័រមូសដែលភ្ជាប់ទៅសមុទ្រពែរស៊ិកមកកាន់មហាសមុទ្រឥណ្ឌា កងឆ្មាំបដិវត្តន៍អ៉ីរ៉ង់បានបិទចំណុចឆ្លងកាត់សំខាន់នោះដែលប្រេង២០%នៃសេចក្ដីត្រូវការប្រេងពិភពលោកដឹកឆ្លងកាត់ ។
និយាយដោយចំមកចិនពិតជាមានការព្រួយបារម្ភ ។ ចិនជាប្រទេសប្រើប្រេងធំជាងគេទី២នៃពិភពលោកបន្ទាប់ពីអាមេរិក និងជាអ្នកនាំប្រេងចូលធំជាងគេទីមួយ ហើយក័ជាអ្នកនាំចូលឧស្ម័នធម្មជាតិរាវធំទីមួយនៃពិភពលោកដែរ ដែលភាគច្រើននាំចូលមកពីមជ្ឈឹមបូព៌ា ។
ទោះបីយ៉ាងណា ចិនមានវិធីច្រើនសម្រាប់កម្រិតផលប៉ះពាល់ ។ ពិសេស ចិនមានប្រេងស្តុកបម្រុងយុទ្ធសាស្ត្រច្រើន ដែលចាត់ទុកជាសំណាញ់សន្តិសុខសម្រាប់សេដ្ឋកិច្ចចិន។ សារព័ត៌មានជាច្រើនបានលើកឡើងថា ចិនមានប្រេងបម្រុងរវាងពី១,២ទៅ១,៤ពាន់លានបារ៉ែលដែលអាចទប់ទល់ការខ្វះប្រេងបានប្រមាណ១០០ថ្ងៃ។ នេះបើតាមការលើកឡើងរបស់កាសែតអាមេរិកWALL STREET JOURNAL ។
មានសញ្ញាដែលចិនបានរៀបចំសេណារីយ៉ូ សម្រាប់ការវាយប្រហាររបស់អាមេរិកលើអ៉ីរ៉ង់ ដោយតាមបណ្ដាទិន្នន័យគយចេញផ្សាយកាលពីសប្ដាហ៍មុនបង្ហាញថា ការនាំចូលប្រេងឆៅរបស់ចិន មានការកើនឡើងដល់ជិត១៦%រយៈពេល២ខែដំបូងនៃឆ្នាំ២០២៦ បើប្រៀបធៀបទៅនឹងដំណាក់កាលដូចគ្នានោះកាលពីឆ្នាំមុន។
ចិនក៏បានចាប់ផ្ដើមផងដែររកប្រភពផ្គត់ផ្គង់ដទៃៗទៀត ដោយផ្អែកជាពិសេសលើប្រេង
រុស្ស៊ី ក៏ទោះមានទណ្ឌកម្មរបស់ពួកលោកខាងលិច ទាក់ទិនការលុកលុយចូលអ៊ុយក្រែន។ សង្គ្រាមនៅអ៉ីរ៉ង់អាចជម្រុញគម្រោងចាស់នៃបំពង់បង្ហូរប្រេងថ្មីដែលភ្ជាប់ប្រទេសទាំង២ ដែលគម្រោងនោះមានឈ្មោះថា POWER OF SIBERIA 2 ។
ដើម្បីពង្រឹងស្វ័យភាពថាមពល រដ្ឋាភិបាលចិនក៏ទ្រទ្រង់ដែរដោយផលិតកម្មប្រេងក្នុងស្រុក ចាប់តាំងពីឆ្នាំ២០១៩មក។ មកទល់ពេលនេះផលិតកម្មប្រេងក្នុងស្រុកមានដល់៤លានធុងក្នុង១ថ្ងៃ។ ដូច្នេះហើយបានជាចិនអាចទប់តម្លៃប្រេងក្នុងប្រទេសមិនឲ្យឡើងថ្លៃខ្ពស់បាន ដោយតម្លៃប្រេង៥០លីតឡើងថ្លៃថែមប្រមាណតែ២៧,៥យន់(៣,៤អឺរ៉ូ)ប៉ុណ្ណោះ។
ម្យ៉ាងទៀតដើម្បីការពារតម្លៃប្រេងក្នុងស្រុកចិនបានផ្អាកការនាំចេញប្រេងចម្រាញ់ដែលភាគច្រើនមកកាន់បណ្ដាប្រទេសនៅអាស៊ីអាគ្នេយ ៕
ចែករំលែកព័តមាននេះ