សង្គ្រាមអ៉ីរ៉ង់ ៖ ទីតាំងប្រេងកាតជាច្រើនកន្លែងនៅតំបន់ឈូងសមុទ្រពែរ្ស៍ជាគោលដៅនៃការវាយប្រហារ កាលពីថ្ងៃទី១៦ មីនា ដោយដ្រូនអ៉ីរ៉ង់។ នេះបើតាមអាជ្ញាមូលដ្ឋាន ។ នៅអេមីរ៉ាត់អារ៉ាប់រួមអគ្គិភ័យកើតមាននៅតំបន់ចម្ការប្រេង SHAH…
សង្គ្រាមអ៉ីរ៉ង់ ៖ ទីតាំងប្រេងកាតជាច្រើនកន្លែងនៅតំបន់ឈូងសមុទ្រពែរ្ស៍ជាគោលដៅនៃការវាយប្រហារ កាលពីថ្ងៃទី១៦ មីនា ដោយដ្រូនអ៉ីរ៉ង់។ នេះបើតាមអាជ្ញាមូលដ្ឋាន ។ នៅអេមីរ៉ាត់
អារ៉ាប់រួមអគ្គិភ័យកើតមាននៅតំបន់ចម្ការប្រេង SHAH ស្ថិតនៅចម្ងាយប្រមាណជា២៣០គីឡូម៉ែត្រ ខាងត្បូងក្រុងអាប៊ូដាប៊ី ។ អាជ្ញាធរប្រទេសនោះអះអាងថា ការវាយប្រហារនោះ មិនបណ្ដាលឲ្យមនុស្សណាម្នាក់រងរបួសឡើយ ។
ទីតាំងប្រេង FUJAIRAH នេះ មានសមត្ថភាពផលិតកម្មប្រេងឆៅប្រមាណជា៧០.០០០ធុងក្នុងមួយថ្ងៃ។ នេះបើតាមការលើកឡើងរបស់ក្រុមហ៊ុនប្រេងជាតិអេមីរ៉ាត់អារ៉ាប់រួមADNOC។ អាជ្ញាធរមិនបានផ្ដល់ភាពលម្អិតពីទំំហំនៃការខូចខាតដោយសារការឆេះនោះឡើយ។ បណ្ដាដ្រូនអ៉ីរ៉ង់វាយប្រហារប៉ះពាល់ធ្ងន់ធ្ងរ ដល់បណ្ដាទីតាំងថាមពលរបស់អេមីរ៉ាត់អារ៉ាប់រួម។
យោងតាមក្រសួងការពារប្រទេសអេមីរ៉ាត់អារ៉ាប់រួមថា តាំងពីចាប់ផ្ដើមសង្គ្រាមមកអ៉ីរ៉ង់បានវាយប្រហារដោយមីស៊ីល និងដ្រូនដល់ជាង១៩០០គ្រឿង លើអេមីរ៉ាត់អារ៉ាប់រួមនាំឲ្យមានភាពច្របូកច្របល់ ដល់ជីវភាពរស់នៅរបស់ប្រជាជនប្រទេសដ៏រុងរឿង និងជាទីតាំងហិរញ្ញវត្ថុដ៏ធំ
នោះ។ មួយផ្នែកនៃការវាយប្រហារនោះ ត្រូវបានស្តាក់កម្ទេចដោយកងទ័ពបារាំង ដែលប្រទេសទាំង២មានកិច្ចព្រមព្រៀងខាងកិច្ចការពារ ។
នៅអ៉ីរ៉ាក់ចម្ការប្រេងកាតមួយកន្លែងទៀត ក៏រងការវាយប្រហាដែរ កាលពីយប់ថ្ងៃទី១៦ មីនា ។ ចម្ការប្រេង MAJNOON នេះ ស្ថិតក្នុងខេត្តបាស្រាធ្លាប់រងការវាយប្រហារម្ដងរួចមកហើយ កាលពីថ្ងៃទី១៣ មីនា ដោយដ្រូន២គ្រឿង ហើយដ្រូនមួយបុកចំបង្គោលទូរគមនាគមន៍មួយ។ នេះបើតាមការលើកឡើងរបស់អ្នកនាំពាក្យក្រសួងប្រេងអ៉ីរ៉ាក់លោកសាហ៊ីបបាហ្សូន ។
តាមអ្នកនាំពាក្យនោះថា ការវាយប្រហារនេះមិនបណ្ដាលមានខូចខាតអ្វីឡើយនៅទីតាំងប្រេងនោះ។ ទីតាំងប្រេងនេះជាទីតាំងប្រេងសំខាន់មួយក្នុងចំណោមទីតាំងប្រេងសំខាន់ៗ នៅភាគខាងត្បូងអ៉ីរ៉ាក់បានបញ្ឈប់សកម្មភាពរួចហើយពេលរងការវាយប្រហារ ៕
ចែករំលែកព័តមាននេះ