ប្រទេសកូរ៉េខាងជើង ៖ មេដឹកនាំកូរ៉េខាងជើង លោកគីម ជុងអ៊ុន កាលពីថ្ងៃទី១៤ មីនា បានទៅត្រួតពិនិត្យការបាញ់សាកល្បងប្រព័ន្ធរ៉ុក្កែតចម្រុះទំហំ៦០០មីលីម៉ែត្រ ដែលអាចបាញ់ចំៗគោលដៅ និងត្រួតពិនិត្យកងកាំភ្លើង២កង។…
ប្រទេសកូរ៉េខាងជើង ៖ មេដឹកនាំកូរ៉េខាងជើង លោកគីម ជុងអ៊ុន កាលពីថ្ងៃទី១៤ មីនា បានទៅត្រួតពិនិត្យការបាញ់សាកល្បងប្រព័ន្ធរ៉ុក្កែតចម្រុះទំហំ៦០០មីលីម៉ែត្រ ដែលអាចបាញ់ចំៗគោលដៅ និងត្រួតពិនិត្យកងកាំភ្លើង២កង។ នេះបើតាមការគូសបញ្ជាក់របស់ទីភ្នាក់ងារព័ត៌មានកូរ៉េខាងជើងKCNA ។
តាមKCNA លោកគីមជុងអ៊ុនថ្លែងនាឱកាសនោះថា តាមរយៈការបាញ់សាក ពួកសត្រូវ អាចរងការវាយប្រហារក្នុងរង្វង់ដល់៤២០គីឡូម៉ែត្រនឹងអាចជួបកម្លាំងបំផ្លាញដ៏ខ្លាំងដូចនុយក្លេអ៊ែរតាក់
ទិក។ អាវុធថ្មីនោះ ត្រូវបានកូរ៉េខាងជើងបង្ហាញជាផ្លូវការកាលពីខែកុម្ភៈថា ជាអាវុធស៊ីដាច់គេលើពិភពលោក ដែលអាចបំពាក់ក្បាលគ្រាប់នុយក្លេអ៊ែរ។
KCNAអះអាងទៀតទៀតថា គ្រាប់រ៉ុក្កែតនោះអាចវាយប្រហារគោលដៅលើកោះមួយនៃសមុទ្រខាងកើត ក្នុងចម្ងាយប្រមាណជា៣៦៤,៤គីឡូម៉ែត្រ ជាមួយការបាញ់ចំគោលដៅ១០០% និងមានសមត្ថភាពបំផ្លាញខ្លាំងបំផុត។ មេដឹកនាំកូរ៉េខាងជើងបានសម្ដែងការអបអរសាទរចំពោះប្រព័ន្ធបាញ់រ៉ុក្កែតនេះដែលលោកថាជាអាវុធមហាប្រល័យនិងគួរឲ្យទាក់ទាញបំផុត។
ការបាញ់សាកល្បងប្រព័ន្ធរ៉ុក្កែតចម្រុះធុនធំនេះ ធ្វើឡើងប៉ុន្មានថ្ងៃបន្ទាប់ពីសមយុទ្ធយោធារួមដែលគ្រោងធ្វើរហូតដល់ដល់ថ្ងៃទី១៩មីនាចូលរួមដោយកងទាហានកូរ៉េខាងត្បូងនិងអាមេរិកប្រមាណ១៨០០០នាក់៕
ចែករំលែកព័តមាននេះ