សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ថ្លែងកាលពីថ្ងៃទី១៥ មីនា ថា អ៉ីរ៉ង់ចង់ចុះហត្ថលេខាលើកិច្ចព្រមព្រៀងមួយ ហើយខ្ញុំមិនចង់ធ្វើឡើយ ព្រោះខ្លឹមសារនៃកិច្ចព្រៀងនោះមិនសូវល្អ…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ថ្លែងកាលពីថ្ងៃទី១៥ មីនា ថា អ៉ីរ៉ង់ចង់ចុះហត្ថលេខាលើកិច្ចព្រមព្រៀងមួយ ហើយខ្ញុំមិនចង់ធ្វើឡើយ ព្រោះខ្លឹមសារនៃកិច្ចព្រៀងនោះមិនសូវល្អ ។
ជាង២សប្ដាហ៍បន្ទាប់ពីសង្គ្រាមនៅមជ្ឈឹមបូព៌ា ដែលធ្វើឲ្យសេដ្ឋកិច្ចពិភពដាំក្បាលចុះ លោកត្រាំ ក្នុងដំណាក់កលនេះ បដិសេធគំនិតនៃកិច្ចព្រមព្រៀងមួយជាមួយអ៉ីរ៉ង់។ អាមេរិកនិងអ៉ីស្រាអែលអះអាងថា បានធ្វើឲ្យអ៉ីរ៉ង់ធ្លាក់ទន់ខ្សោយយ៉ាងខ្លាំង បន្ទាប់ពីពួកគេវាយប្រហារប្រទេសនោះមក ដែលប្រតិបត្តិការពួកគេ គឺកម្ទេចមីស៊ីលបាលីស្ទិក និងនុយក្លេអ៊ែររបស់អ៉ីរ៉ង់ និងអាចផ្លាស់ប្ដូរ
របបនោះទៀតផង។ ក្នុងបទសម្ភាសន៍មួយជាមួយទូរទស្សន៍NBC លោកត្រាំថ្លែងថា អ៉ីរ៉ងចង់ចុះហត្ថលេចខាលើកិច្ចព្រមព្រៀង តែខ្ញុំមិនចង់ធ្វើឡើយព្រោះពាក្យពេចន៍នៃកិច្ចព្រមព្រៀងនៅមិនទាន់ល្អនៅឡើយ។
លោកយល់ថា ខ្លឺមសារនៃកិច្ចព្រមព្រៀងនេះត្រូវតែរាំងមាំបំផុត ហើយមានបញ្ចូលទាំងការសន្យារបស់អ៉ីរ៉ង់ បោះបង់ចោលមហិច្ឆិតានុយក្លេអ៊ែរ។ អ៉ីរ៉ង់រហូតមកទល់ពេលនេះ បានបដិសេធការចរចា ដើម្បីឲ្យមានបទឈប់បាញ់គ្នាមួយ ក្នុងជម្លោះដែលរាលដាលដល់តំបន់ទាំងមូល និងធ្វើឲ្យតម្លៃប្រេងឡើងយ៉ាងខ្ព្ស់ ។
ពេលដែលអ៉ីស្រាអែលប្រកាសកាលពីថ្ងៃទី១៥មីនា ពីការវាយប្រហារថ្មីៗ លើភាគខាងលិចអ៉ីរ៉ង់ ជីវភាពហាក់ដូចជាវិលត្រឡប់មកវិញសន្សឹមៗនៅក្រុងតេហេរ៉ង់។ ហាងកាហ្វេនិងភោជនីយដ្ឋានទាំងឡាយដែលបិទទ្វារ រយៈពេលប៉ុន្មានថ្ងៃចុងក្រោយនេះ ចាប់បើកឡើងវិញណ្ដើរៗក៏ដូចជាហាងទំនិញនានា។ បណ្ដារថយន្តក្រុងតេហេរ៉ង់ក៏ដំណើរការឡើងវិញដែរ ។
អ៉ីស្រាអែលរៀបរាប់ពីមីស៊ីលថ្មីៗ ដែលអ៉ីរ៉ង់ វាយប្រហារនិងពីការស្ទាក់កម្ទេច ដោយប្រព័ន្ធការពារអាកាស។ កាលពីថ្ងៃទី១៥មីនាកងឆ្មាំំបដិវត្តន៍អ៉ីរ៉ង់សច្ចាថា នឹងតាមប្រមាញ់និងសម្លាប់ នាយករដ្ឋមន្ត្រីអ៉ីស្រាអែលលោកបេនចាមីននេតាន់យ៉ាហ៊ូ ៕ ប្រភព៖ Yahoo
ចែករំលែកព័តមាននេះ