សង្គ្រាមអ៉ីរ៉ង់ ៖ នាល្ងាចថ្ងៃទី១២ មីនា ទីបញ្ជាការដ្ឋានកណ្ដាលកងទ័ពអាមេរិកនៅមជ្ឈឹមបូព៌ា ប្រកាសពីការធ្លាក់យន្តហោះដឹកជញ្ជូនយោធាអាមេរិកធុនC-135មួយគ្រឿងនៅភាគខាងលិច
អ៉ីរ៉ាក់ដោយបញ្ជាក់ថា ការបាត់បង់យន្តហោះចាក់ប្រេងលើអាកាសនោះ មិនមែនដោយសារការវាយប្រហាររបស់សត្រូវ ឬការបាញ់ច្រឡំរបស់សម្ព័ន្ធមិត្តឡើយ ហើយយន្តហោះដឹកជញ្ជូនយោធាចាក់ប្រេងលើអាកាសមួយគ្រឿងទៀត អាចចុះចតដោយសុវត្ថិភាព។
ពុំមានសេចក្ដីរាយការលម្អិតពីចំនួនមនុស្សស្ថិតក្នុងយន្តហោះធ្លាក់នោះឡើយ ក៏ដូចជាស្ថានភាពសុខភាពពួកគេ។ ប្រតិបត្តិការជួយសង្គ្រោះកំពុងបន្ត ។
ចំណែកកងទ័ពអ៉ីរ៉ង់វិញ ក្នុងសេចក្ដីប្រកាសមួយចេញផ្សាយដោយទូរទស្សន៍រដ្ឋអះអាងថា យន្តហោះនោះត្រូវគ្រាប់មីស៊ីល១គ្រាប់ បាញ់ដោយចលនាប្រដាប់អាវុធស្និទ្ធអ៉ីរ៉ង់នៅភាគខាងលិចអ៉ីរ៉ាក់និងថា ពួកយានិកនៃយន្តហោះនោះគ្មាននរណាម្នាក់នៅរស់រានមានជីវិតឡើយ។
ចំណែកសេនាធិការដ្ឋានកងទ័ពបារាំងវិញមុននេះបន្តិចអះអាងពីទាហានបារាំង៦នាក់រងរបួសកាលពីថ្ងៃទី១២ មីនា ដោយសារការវាយប្រហាររបស់ដ្រូនលើតំបន់ឃើតឌីស្ថានភាគខាងជើង
អ៉ីរ៉ាក់ ៕
ចែករំលែកព័តមាននេះ