សង្ក្រាមអ៉ីរ៉ង់ ៖ ការវាយប្រហាររបស់អ៉ីរ៉ង់ប្រឆាំងបណ្ដារចនាសម្ព័ន្ធប្រេងក្នុងតំបន់ ហើយការសន្យារបស់ប្រទេសនោះរាំងខ្ទប់ផ្លូវសមុទ្រ បន្តគាបសង្កត់ទីផ្សារប្រេងកាលពីថ្ងៃទី១០ មីនា ខណៈសហរដ្ឋអាមេរិក សន្យាពីការវាយប្រហារយ៉ាងបំផ្លិចបំផ្លាញថ្មីៗថែមទៀតលើអ៉ីរ៉ង់ ។ សង្គ្រាមនោះ…
សង្ក្រាមអ៉ីរ៉ង់ ៖ ការវាយប្រហាររបស់អ៉ីរ៉ង់ប្រឆាំងបណ្ដារចនាសម្ព័ន្ធប្រេងក្នុងតំបន់ ហើយការសន្យារបស់ប្រទេសនោះរាំងខ្ទប់ផ្លូវសមុទ្រ បន្តគាបសង្កត់ទីផ្សារប្រេងកាលពីថ្ងៃទី១០ មីនា ខណៈសហរដ្ឋអាមេរិក សន្យាពីការវាយប្រហារយ៉ាងបំផ្លិចបំផ្លាញថ្មីៗថែមទៀតលើអ៉ីរ៉ង់ ។
សង្គ្រាមនោះ ពេលនេះបានឈានចូលដល់ថ្ងៃទី១២ហើយ ដែលមើលទៅហាក់ដូចជាមិនទាន់រកច្រកបញ្ចប់បាននៅឡើយ ហើយឥទ្ធិពលរបស់វាគ្របដណ្ដប់លើតំបន់ទាំងមូល និងហួសពីនេះទៀត ។ ទាំងសងខាងសុទ្ធតែពង្រឹងវោហារសាស្ត្រ ដោយនៅតែប្រកាន់ជំហររឹងដូចគ្នា ។ រដ្ឋមន្ត្រីក្រសួងសង្គ្រាមអាមេរិកលោក PETE HEGSHETH បានគំរាមវាយប្រហារខ្លាំងក្លាថ្មីៗនាពេលនេះ ចំណែកបណ្ដាមេដឹកនាំអ៉ីរ៉ង់បដិសេធរាល់ការចរចា និងគំរាមដោយផ្ទាល់ចំពោះប្រធានាធិបតី
អាមេរិកលោកដូណាល់ត្រាំ ។
អ៉ីរ៉ង់បានធ្វើការវាយប្រហារថ្មីលើអ៉ីស្រាអែល និងបណ្ដាប្រទេសនៅឈូងសមុទ្រពែរ្ស៍ ។ ចំណែក
អ៉ីស្រាអែលសម្ព័ន្ធមិត្តអាមេរិក ក្នុងជម្លោះនេះ បានធ្វើការវាយប្រហារតាមអាកាសថ្មីៗ លើក្រុងតេហេរ៉ង់ និងលើលីបង់ ប្រឆាំងក្រុមហេសប៊ុលឡាហ៍ស្និទ្ធអ៉ីរ៉ង់ ។ ប្រជាជនក្រុងតេហេរ៉ង់រៀបរាប់ថា រងការវាយប្រហារដ៏សាហាវមួយចំនួន ជាមួយការដាច់ភ្លើងក្នុងកន្លែងមួយចំនួននៃក្រុងតេហេរ៉ង់ ។
អេមីរ៉ាត់ អារ៉ាប់រួម រាយការណ៍ពីមនុស្សស្លាប់ថ្មី២នាក់ បន្ទាប់ពីដ្រូន៩គ្រឿង វាយប្រហារប្រទេសនេះ ចំណែកដ្រូន និងមីស៊ីលច្រើនគ្រាប់ត្រូវបានស្ទាក់កម្ទេច ។ មានភ្លើងឆាបឆេះក្នុងទីក្រុងឧស្សាហកម្មRUWAIS ដែលមានបណ្ដារោងចក្រចម្រាញ់ប្រេងកាត បន្ទាប់ពីការវាយប្រហាររបស់ដ្រូន
អ៉ីរ៉ង់ ។ អាជ្ញាមូលដ្ឋានអះអាងថា ពុំមានជនរងគ្រោះណាម្នាក់ត្រូវបានរាយការណ៍នៅទីនោះ
ឡើយ។
ការវាយប្រហារប្រឆាំងប្រទេសអ្នកមាននោះ ក្នុងតំបន់ឈូងសមុទ្រ ដែលមានទីតាំងពាណិជ្ជកម្មនិងទេសចរណ៍សំខាន់គឹក្រុងឌូបៃបណ្ដាលឲ្យមនុស្សស្លាប់៦នាក់និងរបួស១២២នាក់ ចាប់តាំងពីអាមេរិកនិងអ៉ីស្រាអែល វាយប្រហារប្រឆាំងអ៉ីរ៉ង់ពីថ្ងៃទី២៨ កុម្ភៈ មក ដែលនាំឲ្យមានការតបតរបស់ក្រុងតេហេរ៉ង់ក្នុងតំបន់ទាំងមូល ។
នៅបារ៉ែនអាជ្ញាធររាយការណ៍ពីការវាយប្រហារមួយរបស់អ៉ីរ៉ង់ ត្រូវចំអគារស្នាក់នៅមួយនៃរដ្ឋធានីម៉ាណាម៉ា បណ្ដាលឲ្យស្លាប់នារីម្នាក់អាយុ២៩ឆ្នាំ ហើយមនុស្ស៨នាក់ទៀតរងរបួស។ ក្រសួងការពារប្រទេសបារ៉ែនអះអាងថា បានស្ទាក់មីស៊ីលបាលីស្ទិកអ៉ីរ៉ង់១០០គ្រាប់ និងដ្រូន១៧៥គ្រឿងតាំងពីចាប់ផ្ដើមសង្គ្រាមមក ។ អារ៉ាប៊ីសាអូឌីតអះអាងពីការកម្ទេចដ្រូន២គ្រឿង ចំណែកកងឆ្មាំជាតិគុយវ៉ែតនិយាយថា បានបាញ់ទម្លាក់ដ្រូន៦គ្រឿង ។
ស្នូរស៊ីរ៉ែនបានលាន់ឮនៅក្រុងហ្សេរុយសាឡឹម ហើយស្នូរផ្ទុះនានាលាន់ឮនៅក្រុងតែលអា
វីវ ខណៈប្រព័ន្ធការពារអាកាសអ៉ីស្រាអែលខិតខំបាញ់ស្ទាក់ការបាញ់ស្រោចមីស៊ីលរបស់អ៉ីរ៉ង់។
រីឯក្រុមហេសប៊ុលឡាហ៍ចាប់ផ្ដើមបាញ់លើអ៉ីស្រាអែល ក្រោយចាប់ផ្ដើមសង្គ្រាមហើយបានបាញ់មីស៊ីលជាថ្មីលើអ៉ីស្រាអែល ។
នៅក្រុងវ៉ាស៊ីនតោនក្នុងមន្ទីរប៉ង់តាហ្កោនរដ្ឋមន្ត្រីក្រសួងសង្គ្រាមអាមេរិក លោកPETE HEGSHETH កាលពីថ្ងៃទី១០ មីនា បានព្រមានវាយប្រហារខ្លាំងក្លាបំផុតថ្មីប្រឆាំងអ៉ីរ៉់់ង់។ លោករៀបរាប់ថា យន្តហោះប្រដេញក្នុងចំនួនដ៏ច្រើន និងបណ្ដាយន្តហោះទម្លាក់គ្រាប់បែកយុទ្ធសាស្ត្រ នឹងចេញវាយប្រហារខ្លាំងក្លាបំផុតលើអ៉ីរ៉ង់។ លោកPETE HEGSHETH បន្តថា រយៈពេល២៤ម៉ោងចុងក្រោយនេះ អ៉ីរ៉ង់បានបាញ់មីស៊ីល ហាក់ដូចជាតិចពុំធ្លាប់មាន ។
ចំណែកនាយអគ្កសេនាធិការកងទ័ពអាមេរិកឧត្ដមសេនីយDAN CAINE គូសបញ្ជាក់ថា កងទ័ព
អាមេរិកបានវាយប្រហារគោលដៅជាង៥០០០នៅអ៉ីរ៉ង់។ មន្ទីរប៉ង់តាហ្គោនវិញគូសបញ្ជាក់ដាច់ដោយឡែកកាលពីថ្ងៃទី១០ មីនា ថា ទាហានអាមេរិកប្រមាណចជា១៤០នាក់រងរបួសក្នុងសង្គ្រាម ដោយភាគច្រើនរបួសស្រាល។ ទាហានអាមេរិក៨នាក់របួសធ្ងន់និង៧នាក់ស្លាប់ ។
នៅអ៉ីរ៉ង់មនុស្សយ៉ាងតិច១២៣០នាក់ស្លាប់ ចំណែកអ្នកស្លាប់នៅលីបង់ដោយសារការវាយប្រហាររបស់អ៉ីស្រាអែលប្រឆាំងក្រុមហេសប៊ុលឡាហ៍ ចំនួនអ្នកស្លាប់ឡើងដល់យ៉ាងតិច៣៩៧នាក់ ហើយមនុស្ស១២នាក់ស្លាប់នៅអ៉ីស្រាអែល។
បណ្ដាមេដឹកនាំអ៉ីរ៉ង់នៅតែមិនញញើត ក្រោយច្រើនថ្ងៃនៃការវាយប្រហារខ្លាំងក្លារបស់អាមេរិក និងអ៉ីស្រាអែល សំដៅលើបណ្ដាមេដឹកនាំប្រទេស កងទ័ព មីស៊ីលបាលីស្ទិក និងកម្មវិធីនុយក្លរអ៊ែរអ៉ី
រ៉ង់។ ប្រធានសភាអ៉ីរ៉ង់លោកម៉ូហាម៉ាដបាក់ហ័រកាលីបាហ្វថ្លែងថា អ៉ីរ៉ង់ដាច់ខាតមិនស្វែងរកបទឈប់បាញ់គ្នាមួយឡើយ។
លោកថា ពួកឈ្លានពានត្រូវតែដាល់ឲ្យបែកមាត់ ដើម្បីឲ្យស្គាល់មេរៀនហើយនឹងលែងគិត វាយប្រហារប្រទេសយើងលើកក្រោយទៀត។ ចំណែកអ្នកទទួលខុសត្រូវជាន់ខ្ពស់ខាងសន្តិសុខជាតិ
អ៉ីរ៉ង់លោកអាលីឡារីហ្សានីហាក់ដូចជាគំរាមលោកត្រាំវិញ ដោយសរសេរតាមបណ្ដាញសង្គមXថា អ៉ីរ៉ង់មិនខ្លាចការគំរាមប្រហោងធ្លុងរបស់អ្នកឡើយ ។ ទោះជាអ្នកខ្លាំងជាងលោកទៀតក៏មិនអាចកម្ទេចអ៉ីរ៉ង់បានដែរចាំចុះ សូមលោកកុំកម្ទេចខ្លួនឯងអី ។
លើសពីការវាយប្រហារដោយមីស៊ីល និងដ្រូនលើអ៉ីស្រាអែល និងបណ្ដាប្រទេសជាសម្ព័ន្ធមិត្តនៅតំបន់ឈូងសមុទ្រ អ៉ីរ៉ង់ក៏វាយប្រហារបណ្ដាហេដ្ឋារចនាសម្ព័ន្ធថាមពលផងដែរ។ ការវាយប្រហារទាំងនោះហាក់ឌូចជាសំដៅ បង្កការលំបាកខាងសេដ្ឋកិច្ចពិភពលោក ដើម្បីគាបសង្កត់លើអាមេរិកនិងអ៉ីស្រាអែលឲ្យបញ្ចប់ការវាយប្រហារ។
តម្លៃ្លប្រេងឆៅBRENTបានហក់ឡើងខ្ពស់ កាលពីថ្ងៃទី៩ មីនា ដល់ជិត១២០ដុល្លារក្នុង១ធុង មុនពេលចុះមកវិញត្រឹម៩០ដុល្លារក្នុង១ធុង។ កងឆ្មាំបដិវត្តន៍អ៉ីរ៉ង់ថ្លែងថា ខ្លួននឹងមិនអនុញ្ញាតឲ្យនាំប្រេងចេញ ពីតំបន់មួយលីត្រណាឡើយ ទៅកាន់ពួកប្រទូស្តរ៉ាយនិងបណ្ដាដៃគូពួកគេ រហូតដល់មានបទបញ្ជាជាថ្មី ៕
ចែករំលែកព័តមាននេះ