សង្គ្រាមអ៉ីរ៉ង់ ៖ អ៉ីរ៉ង់ប្រកាស នាថ្ងៃទី៩ មីនា ពីការបាញ់ស្រោចមីស៊ីលជាថ្មីទៀតលើអ៉ីស្រាអែល ក្រោយការជ្រើសតាំងមេដឹកនាំកំពូលថ្មីរបស់ខ្លួន។ ប៉ុន្មានម៉ោងក្រោយការប្រកាសជាផ្លូវការពីការជ្រើសតាំងនោះ អ៉ីរ៉ង់បានបាញ់ស្រោចមីស៊ីលថ្មីៗដាក់អ៉ីស្រាអែល ។…
សង្គ្រាមអ៉ីរ៉ង់ ៖ អ៉ីរ៉ង់ប្រកាស នាថ្ងៃទី៩ មីនា ពីការបាញ់ស្រោចមីស៊ីលជាថ្មីទៀតលើអ៉ីស្រាអែល ក្រោយការជ្រើសតាំងមេដឹកនាំកំពូលថ្មីរបស់ខ្លួន។ ប៉ុន្មានម៉ោងក្រោយការប្រកាសជាផ្លូវការពីការជ្រើសតាំងនោះ អ៉ីរ៉ង់បានបាញ់ស្រោចមីស៊ីលថ្មីៗដាក់អ៉ីស្រាអែល ។
ប្រទេសគុយវ៉ែត នាយប់ថ្ងៃទី៨ មកទី៩មីនា រងការវាយប្រហារដោយមីស៊ីល និងដ្រូនជាថ្មីរបស់
អ៉ីរ៉ង់។ ស្នូរផ្ទុះខ្លាំងៗក៏លាន់ឮនាព្រឹកព្រលឹមថ្ងៃទី៩ មីនា នៅតាមចំណុចជាច្រើននៃក្រុងដូហារដ្ឋធានីកាតា ។ ប្រទេសបារ៉ែនរាយការណ៍នាយប់ថ្ងៃទី៨មីនា ពីជនស៊ីវិលច្រើននាក់រងរបួស ក្នុងនោះម្នាក់របួសធ្ងន់ ក្នុងការវាយប្រហាររបស់ដ្រូនអ៉ីរ៉ង់ បន្ទាប់ពីមុននេះ រាយការណ៍ពីការខូចខាតក្នុងស្ថានីយចម្រាញ់ទឹកសមុទ្រមកជាទឹកសាបមួយកន្លៃង ។
ជាសញ្ញានៃការកើនឡើងភាពតានតឹងក្នុងសង្គ្រាមក្នុងតំបន់់ឈូងសមុទ្រពែរ្ស៍ ក្រសួងការបរទេសអាមេរិកនាយប់ថ្ងៃទី៨ មីនា បានចេញបញ្ជាដល់បុគ្គលិកការទូតមិនសំខាន់ទាំងអស់ក៏ដូចជា
គ្រួសារចាកចេញពីអារ៉ាប៊ីសាអូឌីត មកពីគ្រោះថ្នាក់សម្រាប់សន្តិសុខពួកគេ ។
ក្នុងសង្ក្រាម១០ថ្ងៃមកនេះ តាមតំណាងអចិន្ត្រៃយ៍អ៉ីរ់ង់ប្រចាំអ.ស.បថា មនុស្សយ៉ាងតិច១៣៣២នាក់ បានត្រូវស្លាប់តាំងពីចាប់ផ្ដើមសង្គ្រាមមក ក្នុងនោះ ១៧៥នាក់ជាសិស្សសាលា និងបុគ្គលិកសិក្សា ក្នុងការវាយប្រហារលើសាលារៀនសម្រាប់នារីមួយនៅក្រុងមីណាបភាគខាងត្បូង
ប្រទេស ។ ចំណែកការវាយប្រហាររបស់អ៉ីស្រាអែលនៅលីបង់បណ្ដាលឲ្យមនុស្សស្លាប់៣៨៤នាក់ ចាប់តាំងពីអ៉ីស្រាអែលវាយប្រហារជាថ្មីលើលីបង់មក ។
អ៉ីស្រាអែលវាយប្រហារថ្មីៗលើអ៉ីរ់ង់ និងលីបង់ អ៉ីស្រាអែលគូសបញ្ជាក់ នាថ្ងៃទី៩ មីនា ពីការវាយប្រហាររលកថ្មីប្រឆាំងបណ្ដាហេដ្ឋារចនាសម្ព័ន្ធអ៉ីរ៉ង់នៅភាគកណ្ដាលប្រទេស ។ នោះជាការវាយប្រហារថ្មីលើកដំបូងហើយក្រោយពីអ៉ីរ៉ង់ជ្រើសរើសមេដឹកនាំកំពូលថ្មីមក ។
ការវាយប្រហាររបស់អ៉ីស្រាអែលក៏សំដៅលើបណ្ដាទីតាំងរបស់ហេសប៊ុលឡាហ៍នៅក្រុងបេរូត ដែលនៅទីនោះស្នូរផ្ទុះថ្មីៗបានលាន់ឮ ។ ការប្រយុទ្ធគ្នាខ្លាំងក្លានៅលើដីកើតមានកាលពីយប់ថ្ងៃទី៨មកទី៩មីនារវាងក្រុមហេសប៊ុលឡាហ៍ និងកងទ័ពអ៉ីស្រាអែល នៅភាគខាងកើតលីបង់ ៕
ចែករំលែកព័តមាននេះ