ខេត្តក្រចេះ ៖ មន្ទីរសាធារណការ និងដឹកជញ្ជូនខេត្តក្រចេះ បានប្រកាសពីការផ្អាកចរាចរណ៍បណ្តោះអាសន្នសម្រាប់យានយន្តធុនធំ ដើម្បីបង្កលក្ខណៈងាយស្រួលដល់ការដ្ឋានសាងសង់ស្ពាន ។ ជាក់ស្តែង មន្ទីរសាធារណការ និងដឹកជញ្ជូនខេត្តក្រចេះ…
ខេត្តក្រចេះ ៖ មន្ទីរសាធារណការ និងដឹកជញ្ជូនខេត្តក្រចេះ បានប្រកាសពីការផ្អាកចរាចរណ៍បណ្តោះអាសន្នសម្រាប់យានយន្តធុនធំ ដើម្បីបង្កលក្ខណៈងាយស្រួលដល់ការដ្ឋានសាងសង់ស្ពាន ។
ជាក់ស្តែង មន្ទីរសាធារណការ និងដឹកជញ្ជូនខេត្តក្រចេះ បានប្រកាសនាព្រឹកថ្ងៃទី៩ ខែមីនា ឆ្នាំ២០២៦នេះថា ៖ ការបិទចរាចរណ៍យានយន្តធុនធំគ្រប់ប្រភេទ ចាប់ពីទម្ងន់១៥ តោន ធ្វើចរាចរណ៍លើកំណាត់ផ្លូវខេត្តលេខ ៣៧១ (ឆ្លូង-រកាខ្នុរ) ចាប់ពីថ្ងៃទី១០ ខែមីនា ឆ្នាំ២០២៦ តទៅ ដើម្បីស្ថាបនាស្ពានព្រែកសំរោង ដោយរុះរើស្ពានដែកបេឡេត៍ រួចសាងសង់ឡើងវិញ អំពីបេតុងសរសៃដែក ស្ថិតក្នុងឃុំខ្សាច់អណ្តែត ស្រុកឆ្លូង ខេត្តក្រចេះ ។
មន្ទីរសាធារណការ និងដឹកជញ្ជូនខេត្តក្រចេះ បានបញ្ជាក់ថា ចំពោះរថយន្តធុនតូច ប្រភេទទេសចរណ៍ រថយន្តលក្ខណៈគ្រួសារ រថយន្តដឹកទំនិញ ធុញតូច ចាប់ពី១៥តោនចុះ និងម៉ូតូ -កង់អាចធ្វើចរាចរណ៍បានធម្មតា តាមរយៈផ្លូវវាងប្រវែង ៤គីឡូម៉ែត្រ ៕
ចែករំលែកព័តមាននេះ