សង្ក្រាមអ៉ីរ៉ង ៖ សង្គ្រាមនៅអ៉ីរ៉ង់នៅតែបន្តកាន់តែខ្លាំង និងកាន់តែរីកធំ ដោយកាលពីយប់ថ្ងៃទី៧មីនា អណ្ដាតភ្លើងបានជះពីលើទីតាំងស្តុកប្រេងមួយកន្លែងនៅក្រុងតេហេរ៉ង់ ហើយនាយករដ្ឋមន្ត្រីអ៉ីស្រាអែល លោកបេនចាមីននេតាន់យ៉ាហ៊ូ សន្យាជាច្រើនលើក ធ្វើឲ្យមានភ្ញាក់ផ្អើលនានា…
សង្ក្រាមអ៉ីរ៉ង ៖ សង្គ្រាមនៅអ៉ីរ៉ង់នៅតែបន្តកាន់តែខ្លាំង និងកាន់តែរីកធំ ដោយកាលពីយប់ថ្ងៃទី៧
មីនា អណ្ដាតភ្លើងបានជះពីលើទីតាំងស្តុកប្រេងមួយកន្លែងនៅក្រុងតេហេរ៉ង់ ហើយនាយករដ្ឋមន្ត្រីអ៉ីស្រាអែល លោកបេនចាមីននេតាន់យ៉ាហ៊ូ សន្យាជាច្រើនលើក ធ្វើឲ្យមានភ្ញាក់ផ្អើលនានា ក្នុងដំណាក់ខាងមុខនៃសង្គ្រាមដែលកើតមានចាប់តាំងពី១សប្ដាហ៍មកហើយ។
ចំណែកបណ្ដាសារព័ត៌មានអ៉ីរ៉ង់អះអាងពីការវាយប្រហារខ្លាំងក្លាដែរ រួចវីដេអូមួយរបស់ទីភ្នាក់ងារព័ត៌មានអាមេរិកAP បាន បង្ហាញពីផ្ទៃមេឃឡើងពណ៌ក្រហម ជះលើមេឃនារាត្រីនកាលនៅក្រុងតេហេរ៉ង់ ។ កងទ័ពអ៉ីស្រាអែលអះអាងពីការវាយប្រហារថ្មីៗនាំឲ្យញ័រកក្រើកនៅក្នុងបណ្ដាសង្កាត់ នាភាគខាងកើតនិងភាគខាងត្បូងក្រុងតេហេរ៉ង់ តែមិនបានធ្វើអត្ថាធិប្បាយក្នុងពេលភ្លាមៗពីបណ្ដាគោលដៅវាយប្រហារឡើយ។
វាហាក់ដូចជាលើកទីមួយដែលទីតាំងឧស្សាហកម្មស៊ីវិលមួយកន្លែង ក្លាយជាគោលដៅវាយប្រហារក្នុងសង្គ្រាមនោះ។ បណ្ដាសារព័ត៌មានរដ្ឋអ៉ីរ់ង់បានទម្លាក់ការទទួលខុសត្រូវ លើការវាយប្រហារនោះលើអាមេរិក និងអ៉ីស្រាអែល ប្រឆាំងទីតាំងផ្គត់ផ្គង់ដល់រដ្ឋធានីនិងបណ្ដាខេត្តជាប់ជិតខាង។
ប្រធានាធិបតីអ៉ីរ៉ង់លោកប៉ាមូដប៉េរេសគីយ៉ាន់ នាថ្ងៃទី៧មីនាបានសុំទោសបណ្ដាប្រទេសជិតខាង ចំពោះការវាយប្រហារលើប្រទេសទាំងឡាយក្នុងតំបន់ ខណៈបណ្ដាមីស៊ីលនិងបណ្ដាដ្រូនរបស់ខ្លួនហោះសំដៅទៅបណ្ដារដ្ឋអារ៉ាប់នៅតំបន់ឈូងសមុទ្រពែរ្ស៍ ។ ក្នុងវីដេអូមួយប្រធានាធិបតីរូបនោះថ្លែងថា បណ្ដាមេដឹកនាំនយោបាយអ៉ីរ៉ង់ មិនអាចត្រួតត្រាបានទាំងស្រុងលើកងទ័ពអ៉ីរ៉ង់ឡើយ។ លោកក៏បដិសេធដែរសំណើផ្ទួនៗរបស់ប្រធានាធិបតីអាមេរិកលោកដូណាល់ត្រាំដែលទាមទារឲ្យអ៉ីរ៉ង់សុំចុះចាញ់។
ក្រោយការសម្លាប់មេដឹកនាំកំពូលអ៉ីរ៉ង់លោកអាយាតុលាអាលីខាមេនីមក អ៉ីរ៉ង់ដឹកនាំដោយក្រុមប្រឹក្សាដឹកនាំត្រីភាគីមួយហើយប្រធានាធិបតីក៏ជាសមាជិកមួយរូបរបស់ក្រុមប៊ីក្សានេះដែរ។ បន្ទាប់ពីសារនោះរបស់ប្រធានាធិបតីអ៉ីរ៉ង់បន្តិច ប្រធានាធិបតីអាមេរិកលោកដូណាល់ត្រាំ បានព្រមានកាលពីថ្ងៃទី៧មីនាថា អ្នកទទួលខុសត្រូវអ៉ីរ៉ង់ដទៃៗទៀតនឹងក្លាយជាគោលដៅវាយប្រហារក្នុងសង្គ្រាមនោះ។
លោកត្រាំអះអាងថា ពេលនេះអ៉ីរ៉ង់នឹងរងការវាយប្រហារកាន់តែខ្លាំង។ លោកថាមកពីឥរិយាបថអាក្រក់់របស់អ៉ីរ៉ង់ បណ្ដាតំបន់និងក្រុមមនុស្សដែលមុននេះចាត់ទុកថា មិនមែនជាគោលដៅវាយប្រហារ នឹងក្លាយជាគោលដៅវាយប្រហារខ្លាំងក្លាដែរ។ ប្រធានាធិបតីអ៉ីរ់ង់បានបដិសេធ ការអំពាវនាវរបស់លោកត្រាំឲ្យអ៉ីរ៉ង់ចុះចាញ់ដោយគ្មានលក្ខខណ្ឌ ដោយលោកថ្លែងថា នោះវាគ្រាន់តែជាក្ដីស្រមៃមួយប៉ុណ្ណោះ ។
ប្រធានាធិបតីអ៉ីរ៉ង់ហាកដូចជាចង់ឲ្យឈប់វាយប្រហារប្រទេសអារ៉ាប់ដទៃៗទៀតក្នុងតំបន់។ លោកបន្តថា ពេលនេះកងឆ្មាំបដិវត្តន៍មិនត្រូវវាយប្រហារលើបណ្ដាប្រទេសជិតខាង ឬក៏បាញ់មី
ស៊ីលលើពួកគេ បើដរាបណាយើងមិនរងការវាយប្រហារពីពួកគេទេនោះ។ យើងត្រូវដោះស្រាយបញ្ហានោះតាមផ្លូវការទូត។
ទោះបីយ៉ាងណា សមាជិកមួយរូបទៀតរបស់ក្រុមប្រឹក្សាដឹកនាំលើកឡើងថា យុទ្ធសាស្ត្រនឹងមិនមានការផ្លាស់ប្ដូរទេ។ លោកថា ប្រទេសមួយចំនួនក្នុងតំបន់ដែលធ្វើសកម្មភាពបើកចំហ ឬដោយលាក់បាំងស្ថិតក្នុងដៃរបស់សត្រូវ ដូច្នេះ ចំណុចទាំងអស់នោះហើយដែលត្រូវបានប្រើប្រាស់ប្រឆាំងយើង ក្នុងអំពើឈ្លានពាន ។ ការវាយប្រហារលើគោលដៅទាំងនោះនឹងបន្តទៀត។ លោកបន្តថា បើដរាបណាបណ្ដាមូលដ្ឋានយោធាអាមេរិកក្នុងតំបន់នៅតែមាន នោះប្រទេសទាំងនេះនឹងមិនស្គាល់សន្តិភាពឡើយ។
មុននេះ វីដេអូមួយរបស់APបង្ហាញពីការផ្ទុះនានានៅខាងលិចក្រុងតេហេរ៉ង់ ខណៈអ៉ីស្រាអែលអះអាងថា បានវាយប្រហារព្រលានយន្តហោះក្រុងតេហេរ៉ង់មួយដែលប្រើសម្រាប់ផ្ទេរអាវុធនិងប្រាក់កាសដល់បណ្ដាក្រុមសកម្មជន ៕
ចែករំលែកព័តមាននេះ