ខេត្តព្រៃវែង ៖ ផ្ទះចំនួន4ខ្នង ត្រូវបានខ្យល់កន្ត្រាក់បក់កួចយកដំបូលទៅអស់ នៅសល់តែតួផ្ទះ និងផ្ទះជាច្រើនខ្នងទៀត ត្រូវខ្យល់កួចប៉ើងដាច់ជញ្ជាំង សំយ៉ាបផ្ទះ ក្នុងពេលដែលមេឃកំពុងធ្លាក់ភ្លៀងខ្លាំង។ ករណីខ្យល់កន្ត្រាក់បក់ប៉ើងផ្ទះប្រជាពលរដ្ឋនេះ…
ខេត្តព្រៃវែង ៖ ផ្ទះចំនួន4ខ្នង ត្រូវបានខ្យល់កន្ត្រាក់បក់កួចយកដំបូលទៅអស់ នៅសល់តែតួផ្ទះ និងផ្ទះជាច្រើនខ្នងទៀត ត្រូវខ្យល់កួចប៉ើងដាច់ជញ្ជាំង សំយ៉ាបផ្ទះ ក្នុងពេលដែលមេឃកំពុងធ្លាក់ភ្លៀងខ្លាំង។
ករណីខ្យល់កន្ត្រាក់បក់ប៉ើងផ្ទះប្រជាពលរដ្ឋនេះ បានកើតឡើងកាលពីវេលាម៉ោង ២ និង ៤០នាទីរសៀល ថ្ងៃទី៤ មិនា នៅចំណុចភូមិតាណាល ឃុំជ្រៃឃ្មុំ ស្រុកស៊ីធរកណ្ដាល ខេត្តព្រៃវែង។
យោងតាមរបាយការណ៍របស់សមត្ថកិច្ចមូលដ្ឋានបានអោយដឹងថា នៅរសៀលថ្ងៃកើតហេតុ មានភ្លៀងធ្លាក់១មេធំ ហើយក៏មានខ្យល់កន្ត្រាក់បោកបក់មកជាមួយយ៉ាងខ្លាំងផងដែរ ដោយបានធ្វើអោយផ្ទះប្រជាពលរដ្ឋចំនួន៤ខ្នង រងការខូចខាតធ្ងន់ធ្ងរ ដោយប៉ើងដំបូលផ្ទះទៅអស់ទាំងស្រុងនៅសល់តែតួផ្ទះ និងផ្ទះជាង១០ខ្នងផ្សេងទៀត ក៏រងការខូចខាតផងដែរ ដោយខ្លះប៉ើងជញ្ជាំង ខ្លះប៉ើងសំយ៉ាបផ្ទះ និងខ្លះប៉ើងរោងបាយ។
ទោះជាយ៉ាងណា គ្រោះខ្យល់កន្ត្រាក់១នេះ មិនបានបណ្តាលឲ្យមានមនុស្សរបួសឬស្លាប់នោះទេ ដោយគ្រាន់តែខូចខាតទ្រព្យសម្បត្តិប៉ុណ្ណោះ។
បច្ចុប្បន្ននេះ ទាំងអាជ្ញាធរ និង មន្ត្រីកាកបាទក្រហមក្នុងស្រុកស៊ីធរកណ្តាល កំពុងចុះស្រង់ស្ថិតិ និងចាត់ការបន្តទៅតាមជំនាញរៀងៗខ្លួន ៕
ចែករំលែកព័តមាននេះ