កុំភ័យ! សង្គ្រាមនៅអ៊ីរ៉ង់មិនប៉ះពាល់ដល់តម្លៃអគ្គិសនីទេ
រាជធានីភ្នំពេញ ៖ លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានអះអាងថា ឥទ្ធិពល នៃសង្គ្រាមនៅអ៊ីរ៉ង់…
រាជធានីភ្នំពេញ ៖ លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានអះអាងថា ឥទ្ធិពល នៃសង្គ្រាមនៅអ៊ីរ៉ង់ នៅមជ្ឈឹមបូព៌ា តម្លៃអគ្គិសនីនៅកម្ពុជាមិនឡើងទេ ។
លោករដ្ឋមន្ត្រី បានអះអាងនៅថ្ងៃទី០៤ ខែមីនា ឆ្នាំ២០២៦នេះថា ដោយសារតែកម្ពុជា មានវារីអគ្គិសនី មានពន្លឺព្រះអាទិត្យជាគោល ដូច្នេះសំពាធ នៃតម្លៃប្រេង ដែលឡើងថ្លៃនៅលើពិភពលោក ដោយសារសង្គ្រាមនេះ មិនប៉ះពាល់ដល់តម្លៃអគ្គិសនីឡើយ ។
លោកបានបញ្ជាក់ថា «បើនិយាយអំពីសន្តិសុខ នៃថាមពល ជាពិសេស គឺអគ្គិសនី យើងធានាថ្លៃមិនត្រូវតម្លើង ហើយថាមពល ក៏មិនខ្វះដែរ» ។
លោកបានបន្តទៀតថា កុំបារម្ភ ពីព្រោះប្រភពថាមពលអគ្គិសនីយើងភាគច្រើន គឺទាញចេញពីប្រភពស្អាត ពោលគឺប្រភពបៃតងមិនប្រើប្រាស់ប្រេងឡើយ ៕
ចែករំលែកព័តមាននេះ