សង្ក្រាមអ៉ីរ៉ង ៖ កាលពីថ្ងៃទី៣ មីនា អ៉ីស្រាអែលបានបង្កើនការវាយប្រហារតាមអាកាសប្រឆាំងអ៉ីរ់ង់ សំដៅជាពិសេសលើបណ្ដារោងចក្រ និងមីស៊ីលអ៉ីរ៉ង់ ហើយអ៉ីរ៉ង់បានវាយតបតអ៉ីស្រាអែលវិញ ព្រមទាំងវាយប្រហារក្នុងទូទាំងតំបន់ឈូងសមុទ្រពែរ្ស៍តែម្ដង ដែលនាំឲ្យស្ទះដល់ការផ្កត់ផ្គង់ថាមពល…
សង្ក្រាមអ៉ីរ៉ង ៖ កាលពីថ្ងៃទី៣ មីនា អ៉ីស្រាអែលបានបង្កើនការវាយប្រហារតាមអាកាសប្រឆាំង
អ៉ីរ់ង់ សំដៅជាពិសេសលើបណ្ដារោងចក្រ និងមីស៊ីលអ៉ីរ៉ង់ ហើយអ៉ីរ៉ង់បានវាយតបតអ៉ីស្រាអែលវិញ ព្រមទាំងវាយប្រហារក្នុងទូទាំងតំបន់ឈូងសមុទ្រពែរ្ស៍តែម្ដង ដែលនាំឲ្យស្ទះដល់ការផ្កត់ផ្គង់ថាមពល និងការធ្វើដំណើរ ។
ខណៈស្នូរផ្ទុះខ្លាំងៗលាន់ឮក្នុងទីក្រុងតេហេរ៉ង់ និងនៅលីបង់ ដែលអ៉ីស្រាអែលប្រកាសវាយប្រហារក្រុមហេសប៊ុលឡាហ៍ ស្ថានទូតអាមេរិកប្រចាំអារ៉ាប៊ីសាអូឌីត រងការវាយប្រហារដោយដ្រូនអ៉ីរ៉ង់ ។ ក្រោយចាប់ផ្ដើមសង្គ្រាមនោះ ដែលប្រធានាធិបតីអាមេរិកលោកដូណាល់ត្រាំអះអាងថា អាចមានរយៈពេលច្រើនសប្ដាហ៍ មនុស្សច្រើនរយនាក់បានត្រូវស្លាប់រួចហើយ ភាគច្រើននៅអ៉ីរ៉ង់។ បណ្ដាព័ត៌មានមកពីអ៉ីរ៉ង់មានកម្រិតមកពីបញ្ហាគមនាគមន៍ ការវាយប្រហារតាមអាកាសមិនឈប់ឈរ និងការរឹតដ្បិតខ្លាំងចំពោះអ្នកកាសែត ។
អ៉ីរ៉ង់បានបាញ់មីស៊ីលបាលីស្ទិកច្រើនសឹបគ្រាប់លើអ៉ីស្រាអែល នាំឲ្យស្នូរស៊ីរ៉ែនលាន់ឮក្នុងប្រទេសអ៉ីស្រាអែលទាំងមូល ។ សង្វាក់នៃការវាយប្រហារហាក់ដូចជាចុះថយ ហើយអ៉ីស្រាអែលបានស្ទាក់កម្ទេចមីស៊ីលភាគច្រើន តែមីស៊ីលមួយចំនួនបានធ្លាក់ចំគោលដៅបណ្ដាលឲ្យពលរដ្ឋ
អ៉ីស្រាអែលមួយចំនួនស្លាប់ និងរបួស ។
បញ្ហាដែលលើកឡើងគឹថា តើសង្គ្រាមនោះត្រូវចប់នៅពេលណា និងដោយរបៀបណា។ លោកត្រាំហាក់ដូចជាលើកដោយចំហពីលទ្ធភាពនៃការចូលរួមកាន់តែខ្លាំងរបស់អាមេរិកក្នុងសង្គ្រាមនោះ ដោយនាពេលមុននេះ លោកថ្លែងទៅកាន់កាសែតញូវយ៉កប៉ុស្តិ៍ថា លោកមិនបដិសេធឡើយលទ្ធភាពនៃការបញ្ជូនកងទ័ពជើងគោក ។
រដ្ឋការអាមេរិកបានលើកពីទិសដៅផ្សេងៗ ។ ពេលដែលការវាយប្រហារដំបូងៗរបស់អ៉ីស្រាអែលនិងអាមេរិក សម្លាប់មេដឹកនាំកំពូលអ៉ីរ៉ង់លោកអាយ៉ាតុលាអាលីខាមេនី ហើយដែលលោកត្រាំស្នើដល់ពលរដ្ឋអ៉ីរ៉ង់ឲ្យផ្ដួលរំលំរដ្ឋាភិបាលខ្លួន បណ្ដាអ្នកទទួលខុសត្រូវជាន់ខ្ព្ស់អាមេរិកអះអាងថា ការផ្ដួលរំលំរបបអ៉ីរ៉ង់មិនមែនជាទិសដៅរបស់យើងឡើយ ។
ប្រធានាធិបតីអាមេរិកធ្លាប់ថ្លែង កាលពីថ្ងៃទី២ មីនា ថា ទិសដៅ៤នៃយុទ្ធនាការយោធាប្រឆាំងអ៉ីរ៉ង់គឺកម្ទេចសមត្ថភាពបាលីស្ទិករបស់អ៉ីរ៉ង់ កម្ទេចកងម៉ារីន រារាំងកុំឲ្យអ៉ីរ៉ង់មានអាវុធនុយក្លេអ៊ែរ និងធានាថា អ៉ីរ៉ង់មិនអាចបន្តជួយទ្រទ្រង់ ដល់បណ្ដាក្រុមប្រដាប់អាវុធជាសម្ព័ន្ធមិត្ត ។ រួចនាថ្ងៃទី៣
មីនា លោកត្រាំលើកឡើងថា មនុស្សខ្លះក្នុងរបបអ៉ីរ៉ង់អាចជាការជ្រើសរើសដ៏ប្រសើរ សម្រាប់កាន់អំណាច ក្រោយពេលបញ្ចប់យុទ្ធនាការយោធារបស់អ៉ីស្រាអែល និងអាមេរិក ។ លោកបញ្ជាក់ថាព្រះអង្គម្ចាស់រេហ្សាប៉ាហ៍ឡាវីបុត្រា របស់ស្ដេចសាដែលត្រូវផ្ដួលរំលំមិនមែនជាមនុស្សដែលរដ្ឋការលោកគ្រោងសម្រាប់ការមកកាន់អំណាចនៅអ៉ីរ៉ង់ឡើយ ។
កងទ័ពអ៉ីស្រាអែលថ្លែងថា បានវាយប្រហារតាមអាកាសមួយចំនួន ប្រឆាំងបណ្ដាទីតាំងផលិតនិងស្តុកមីស៊ីលបាលីស្ទិកអ៉ីរ៉ង់នៅក្រុងតេហេរ៉ង់ និងក្រុងអ៉ីស្ប៉ាហាន់ ។ ការវាយប្រហារបណ្ដាលឲ្យមានការផ្ទុះខ្លាំងៗក្នុងទីតាំងវិទ្យុ និងទូរទស្សន៍មួយនៅក្រុងតេហេរ៉ង់ ។ នេះជាការគូសបញ្ជាក់របស់ទូរទស្សន៍រដ្ឋអ៉ីរ៉ង់ដែលបន្តថា ពុំមានមនុស្សណាម្នាក់រងរបួសឡើយ។ ចំណែកទីតាំងនុយក្លេអ៊ែរអ៉ីរ់ង់ NATANZ ពុំមានការសាយភាយវិទ្យុសកម្មឡើយ ។
អាមេរិកបានវាយប្រហារទីតាំងនុយក្លេអ៊ែរនោះ ក្នុងសង្ក្រាម១២ថ្ងៃកាលពីខែមិថុនាកន្លងទៅ។ ដោយពុំមានផ្ដល់ភស្ដុតាងនាយករដ្ឋមន្ត្រីអ៉ីស្រាអែល លោកបេនចាមីននេតាន់យ៉ាហ៊ូលើកឡើងថាអ៉ីរ៉ង់កំពុងកសាងឡើងវិញ ទីតាំងក្រោមដីថ្មីៗ សម្រាប់ផលិតគ្រាប់បែកនុយក្លេអ៊ែរ ។ អ៉ីរ៉ង់អះអាងថា ខ្លួនពុំបានចម្រាញ់អ៊ុយរ៉ានីញ៉ូមឡើយ ចាប់តាំងពិខែមិថុនាមក តែដោយរក្សាសិទ្ធិបន្តកម្មវិធីនុយក្លេអ៊ែរស៊ីវិល ។
អំពីជនរងគ្រោះដោយសារសង្ក្រាមថ្មីនេះ អឌ្ឍចន្ទក្រហមអ៉ីរ៉ង់ថ្លែងថា ប្រតិបត្តិការយោធារបស់អាមេរិក និងអ៉ីស្រាអែល បណ្ដាលឲ្យមនុស្សស្លាប់យ៉ាងតិច៧៨៧នាក់ ។ នៅអ៉ីស្រាអែលដែលកន្លែងជាច្រើនរងគ្រាប់មីស៊ីលអ៉ីរ៉ង់ មានសេចក្ដីរាយការណ៍ពីមនុស្សស្លាប់ត្រឹម១១នាក់ ។ កងទ័ពអាមេ
រិកអះអាងពីទាហានខ្លួនស្លាប់៦នាក់ ។
ក្នុងសង្គ្រាមនេះ កើតមានការបាញ់ច្រឡំត្រូវបណ្ដាយន្តហោះគ្នាឯង ពេលកងទ័ពអាមេរិកប្រកាសថា គុយវ៉ែតបានបាញ់ច្រឡំត្រូវយន្តហោះប្រយុទ្ធខ្លួន៣គ្រឿង ពេលអ៉ីរ៉ង់វាយប្រហារ។ អ្នកបើកយន្តហោះ៦នាក់ អាចលោតចេញតាមឆ័ត្រយោងរួចផុតពីគ្រោះថ្នាក់។ អ៉ីរ៉ង់បានវាយប្រហាលើប្រទេសអេមីរ៉ាត់អារ៉ាប់រួម ត្រូវចំទីតាំងអាម៉ាហ្សូន២កន្លែង ហើយដ្រូនអ៉ីរ៉ង់មួយវាយប្រហារទីតាំងអាម៉ា់ហ្សូនមួយនៅបារ៉ែន បណ្ដាលឲ្យមានការខូចខាត។
អ៉ីរ៉ង់ក៏វាយប្រហារបណ្ដាទីតាំងថាមពលនៅប្រទេសកាតា និងអារ៉ាប៊ីសាអូឌីត និងវាយប្រហារបណ្ដានាវានៅច្រកសមុទ្រORMUZ ។ ការបិទច្រកសមុទ្រនោះនាំឲ្យប្រេង និងឧស្ម័នឡើងថ្លៃខ្ពស់ព្រោះជាផ្លូវសមុទ្រពាណិជ្ចកម្មសំខាន់បំផុតមួយពិសេសការដឹកប្រេងនិងឧស្ម័នឆ្លងកាត់ ៕
ចែករំលែកព័តមាននេះ