ឆ្លងចរន្តអគ្គិសនី ឆេះផ្ទះ១ខ្នង អស់ប្រមាណ៥ ម៉ឺនដុល្លារ នៅស្រុកពួក
- សៀមរាប
ខេត្តសៀមរាប ៖ បើតាមប្រសាសន៍របស់លោកវរសេនីយ៍ឯក ទេព ពុំសែន អធិការដ្ឋាននគរបាលស្រុកពួក បានប្រាប់តាមតេលេក្រាម នៅរសៀលថ្ងៃទី ៣ ខែមិនា…
ខេត្តសៀមរាប ៖ បើតាមប្រសាសន៍របស់លោកវរសេនីយ៍ឯក ទេព ពុំសែន អធិការដ្ឋាននគរបាលស្រុកពួក បានប្រាប់តាមតេលេក្រាម នៅរសៀលថ្ងៃទី ៣ ខែមិនា ឆ្នាំ ២០២៦ នេះថា ករណីអគ្គិភ័យភ្លើងឆេះផ្ទះចំនួន០១ខ្នង ដែលមានម្ចាស់ផ្ទះឈ្មោះ ជូ ពុន ភេទប្រុស អាយុ៥៧ឆ្នាំ ជាទីប្រឹក្សាក្រសួងមហាផ្ទៃ ស្ថិតនៅក្នុងភូមិអូតាប្រាក់ ឃុំពួក ស្រុកពួក ខេត្តសៀមរាប ។
ហេតុការណ៍ខាងលើនេះបង្កការភ្ញាក់ផ្អើលកើតឡើង នៅវេលាម៉ោង១០និង១១នាទីព្រឹកថ្ងៃទី៣ ខែ មីនា ឆ្នាំ២០២៦ រលត់វិញវេលាម៉ោង១០ និង ៥០នាទី ព្រឹក ថ្ងៃដដែល ដែលផ្ទះកើតហេតុមានទីតាំងស្ថិតនៅក្នុងភូមិអូតាប្រាក់ ឃុំពួក ស្រុកពួក ខេត្តសៀមរាប ។
លោកវរសេនីយ៍ ឯក បានបញ្ជាក់ថា ករណីឆេះផ្ទះនេះ បណ្តាលឱ្យរងខូចខាតរួមមាន ផ្ទះចំនួន០១ខ្នង់ ប្រភេទឈើលើ បន្ទប់ថ្មក្រោម ជញ្ជាំងក្ដារ ដំបូលប្រក់ក្បឿង ទំហំ៨ ម៉ែត្រ គុណ ៩ម៉ែត្រ តសំយ៉ាបឈើប្រក់ក្បឿង (ផ្ទះចាស់កំពុងជួសជុលថ្មីមិនទាន់រួចរាល់) ឆេះផ្នែកខាងលើទាំងស្រុង ។ខូចខាតទ្រព្យសម្បត្តិរួមមាន: សម្ភារៈសាងសង់ផ្ទះ សរុបជាប្រាក់ចំនួនប្រហែល ៥០០០០(ប្រាំម៉ឺន)ដុល្លារ និងពុំមានគ្រោះថ្នាក់ដល់មនុស្សនោះទេ។
លោកបញ្ជាក់បន្ថែមថា ការជួយអន្តរាគមន៍ក្នុងប្រតិបត្តិការខាងលើនេះប្រើប្រាស់រថយន្តពន្លត់អគ្គីភ័យចំនួន០៣គ្រឿង អស់ទឹកចំនួន០៤ឡានះ ១. ប្រើប្រាស់រថយន្តពន្លត់អគ្គីភ័យរបស់ស្នងការដ្ឋាននគរបាលខេត្តចំនួន ២ គ្រឿង អស់ទឹកចំនួន២ឡាន ។ ២.ប្រើប្រាស់រថយន្តពន្លត់អគ្គីភ័យរបស់អធិការដ្នាននគរបាលស្រុកពួកចំនួន ១គ្រឿង អស់ទឹកចំនួន២ ឡាន ។
មូលហេតុ បណ្ដាលមកពីឆ្លងចរន្តអគ្គិសនីនៅផ្នែកខាងលើផ្ទះ ព្រោះម្ចាស់មិននៅ។ បច្ចុប្បន្ន កម្លាំងជំនាញបានចុះអន្តរាគមន៍ជួយពន្លត់អគ្គីភ័យទាន់ពេលវេលា សំណាងល្អមិនបណ្តាលឱ្យរាលដាលដល់ផ្ទះអ្នកជិតខាង មិនបណ្តាលឱ្យមានមនុស្សរងរបួស ឬស្លាប់ឡើយ ក្នុងហេតុការណ៍ករណីអគ្គីភ័យឆេះផ្ទះរបស់លោក ពុន ភេទប្រុស អាយុ៥៧ឆ្នាំ ទីប្រឹក្សាក្រសួងមហាផ្ទៃ ស្ថិតនៅក្នុងភូមិអូតាប្រាក់ ឃុំពួក ស្រុកពួក ខេត្តសៀមរាប ៕
ចែករំលែកព័តមាននេះ