រាជធានីភ្នំពេញ ៖ មន្ត្រីជាន់ខ្ពស់ក្រសួងការបទេស និងសហប្រតិបត្តិការអន្តរជាតិបានឲ្យដឹងថាកម្ពុជានឹងរៀបចំកិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុប លើកទី១៣ ដែលនឹងប្រព្រឹត្តទៅនៅចុងខែមីនាខាងមុខនេះ។ ការរៀបចំកិច្ចប្រជុំខណៈ ឯកឧត្តម កាន់ ផារិទ្ធ…
រាជធានីភ្នំពេញ ៖ មន្ត្រីជាន់ខ្ពស់ក្រសួងការបទេស និងសហប្រតិបត្តិការអន្តរជាតិបានឲ្យដឹងថាកម្ពុជានឹងរៀបចំកិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុប លើកទី១៣ ដែលនឹងប្រព្រឹត្តទៅនៅចុងខែមីនាខាងមុខនេះ។
ការរៀបចំកិច្ចប្រជុំខណៈ ឯកឧត្តម កាន់ ផារិទ្ធ រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ បានជួបពិភាក្សាការងារជាមួយ ឯកឧត្តម Igor Driesmans ឯកអគ្គរដ្ឋទូតវិសាមញ្ញ និងពេញសមត្ថភាពនៃសហភាពអឺរ៉ុប ប្រចាំព្រះរាជាណាចក្រកម្ពុជា នៅទីស្ដីការក្រសួងកាលពីរសៀលថ្ងៃទី៣ ខែមីនា ឆ្នាំ២០២៦។
នៅក្នុងជំនួប ភាគីទាំងពីរបានផ្លាស់ប្ដូរទស្សនៈលើការពង្រឹងកិច្ចសហប្រតិបត្តិការទ្វេភាគី រវាងកម្ពុជា-សហភាពអឺរ៉ុបឱ្យកាន់តែស៊ីជម្រៅ។
ក្នុងឱកាសនោះផងដែរ ឯកឧត្តមរដ្ឋលេខាធិការ ក៏បានចែករំលែកទស្សនៈរួម ជាមួយឯកឧត្តមឯកអគ្គរដ្ឋទូតសហភាពអឺរ៉ុបអំពីលទ្ធផលផ្លែផ្កានៃដំណើរទស្សនកិច្ចការងាររបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅទីក្រុងព្រុចសែល កាលពីចុងខែកុម្ភៈ
ឆ្នាំ២០២៦។
ឯកឧត្តមរដ្ឋលេខាធិការក៏បានជម្រាបជូនភាគីសហភាពអឺរ៉ុបអំពីដំណើរការនៃការត្រៀមរៀបចំកិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុប លើកទី១៣ ដែលនឹងប្រព្រឹត្តទៅនៅចុងខែមីនា ឆ្នាំ២០២៦ នៅរាជធានីភ្នំពេញ។
ភាគីទាំងពីរក៏បានធ្វើការផ្លាស់ប្ដូរទស្សនៈអំពីការវិវត្តថ្មីៗនៅក្នុងតំបន់ដែលជាផលប្រយោជន៍រួមគ្នា៕
ចែករំលែកព័តមាននេះ