សង្គ្រាមអ៉ីរ៉ង់ ៖ អ៉ីរ៉ង់បានវាយប្រហារ កាលពីព្រឹកថ្ងៃទី៣ មីនា ប្រឆាំងស្ថានទូតអាមេរិកនៅទីក្រុងរីយ៉ាដ រាជធានីអារ៉ាប៊ីសាអូឌីត ជាមួយដ្រូន និងដោយបន្តវាយប្រហារបណ្ដាគោលដៅក្នុងតំបន់ ។…
សង្គ្រាមអ៉ីរ៉ង់ ៖ អ៉ីរ៉ង់បានវាយប្រហារ កាលពីព្រឹកថ្ងៃទី៣ មីនា ប្រឆាំងស្ថានទូតអាមេរិកនៅទីក្រុង
រីយ៉ាដ រាជធានីអារ៉ាប៊ីសាអូឌីត ជាមួយដ្រូន និងដោយបន្តវាយប្រហារបណ្ដាគោលដៅក្នុងតំបន់ ។ ចំណែកសហរដ្ឋអាមេរិក និងអ៉ីស្រាអែលវិញ បន្តវាយប្រហារអ៉ីរ៉ង់ក្នុងក្របខណ្ឌអ្វីដែលប្រធានាធិបតីអាមេរិក លោកដូណាល់ត្រាំ ចាត់ទុកថា ជាការចាប់ផ្ដើមយុទ្ធនាការដែលអាចមានរយៈពេលលើសពី១ខែ ។
តាមក្រសួងការពារប្រទេសអារ៉ាប៊ីសាអូឌីតថា ការវាយប្រហារដោយដ្រូន២គ្រឿងប្រឆាំងស្ថានទូតអាមេរិក ប្រចាំក្រុងរីយ៉ាដ បណ្ដាលឲ្យមានភ្លើងឆាបឆេះមានកម្រិត និងការខូចខាតស្រាល ។ ការវាយប្រហារនោះ កើតមានបន្ទាប់ពីការវាយប្រហារនាពេលមុននេះ របស់អ៉ីរ៉ង់ប្រឆាំងស្ថានទូតអាមេរិកប្រចាំប្រទេសគុយវ៉ែត ។ ប្រទេសជាច្រើនដែលចាត់ទុកថា ជាប្រទេសសុខសាន្តបំផុតនៅ
មជ្ឈឹមបូព៌ារងការវាយប្រហាររបស់អ៉ីរ៉ង់ជាការសងសឹក ចំពោះការវាយប្រហាររបស់អាមេរិកនិង
អ៉ីស្រាអែល ។
ក្នុងចំណោមគោលដៅវាយប្រហារនាពេលថ្មីៗនេះ រួមមាន មជ្ឈមណ្ឌលពាណិជ្ចកម្ម២របស់អាម៉ាហ្សូន នៅអេមីរ៉ាតអារ៉ាប់រួម ហើយដ្រូនមួយបានធ្លាក់ជិតមជ្ឈមណ្ឌលពាណិជ្ជកម្មរបស់អាម៉ាហ្សូនមួយទៀត នៅបារ៉ែនបណ្ដាលឲ្យមានការខូចខាតនានា ។ អ៉ីរ៉ង់ក៏វាយប្រហារដែរ បណ្ដាទីតាំងថាមពលនៅកាតា និងអារ៉ាប៊ីសាអូឌីត និងវាយប្រហារនាវាច្រើនគ្រឿង ក្នុងច្រកសមុទ្រORMUZ ជាច្រកឆ្លងកាត់១ភាគ៥នៃការដឹកប្រេង និងឧស្ម័នឆ្លងកាត់ បណ្ដាលឲ្យតម្លៃប្រេង និងឧស្ម័នពិភពលោកឡើងថ្លៃខ្ពស់ ។
ក្រសួងការបរទេសអាមេរិក បានស្នើដល់ពលរដ្ឋអាមេរិក ឲ្យចាកចេញពីប្រទេស១២ នៅមជ្ឈឹម
បូព៌ាមកពីគ្រោះថ្នាក់ដល់សន្តិសុខពួកគេ ។ ប៉ុន្តែការបិទផ្នែកមួយដ៏ធំនៃដែនអាកាសរារាំងពួកគេភាគច្រើនមិនអាចចាកចេញពីតំបន់នោះបាន ។ លោកដូណាល់ត្រាំលើកឡើងថា ប្រតិបត្តិការយោធាត្រូវមានរយៈពេលពី៤ ទៅ៥សប្ដាហ៍ តែត្រៀមអូសបន្លាយពេលយូរជាងនេះទៀត។
តុល្យការបណ្ដោះអាសន្ននៃចំនួនមនុស្សស្លាប់ចំពោះចំនួនអ្នកស្លាប់មកដល់ពេលនេះដោយសារសង្ក្រាមដ៏សាហាវនោះ អឌ្ឍចន្ទក្រហមអ៉ីរ៉ង់ថ្លែងថា ការវាយប្រហាររបស់អាមេរិក និងអ៉ីស្រាអែល បណ្ដាលឲ្យមនុស្សស្លាប់យ៉ាងតិច៥៥៥នាក់នៅអ៉ីរ៉ង់ ។ នៅអ៉ីស្រាអែលដែលកន្លែងជាច្រើនរងការវាយប្រហារដោយមីស៊ីលអ៉ីរ៉ង់មនុស្ស១១នាក់បានត្រូវស្លាប់ ។
ចំណែកការវាយប្រហារសងសឹករបស់អ៉ីស្រាអែលលើលីបង់់ ចំពោះការវាយប្រហាររបស់ក្រុម
ហេសប៊ុលឡា បណ្ដាលឲ្យមនុស្សស្លាប់ជាង៥០នាក់។ អាមេរិកអះអាងពីការស្លាប់ទាហានខ្លួន៦នាក់។ ទាហានទាំង៦នាក់នោះ ស្ថិតក្នុងកងទ័ពជើងគោកបម្រើការខាងផ្នែកភស្ដុភារនៅគុយវ៉ែត។ មនុស្ស៣នាក់ស្លាប់ នៅអេមីរ៉ាត់អារ៉ាប់រួម ម្នាក់នៅគុយវ៉ែត និងម្នាក់ទៀតនៅបារ៉ែន ៕ ប្រភព៖ associations press
ចែករំលែកព័តមាននេះ