រាជធានីភ្នំពេញ ៖ កំណាត់ផ្លូវ មួយខ្សែ ត្រូវទឹកស្អុយ ជន់លិចរាប់ខែ នៅរដូវប្រាំងនិងកំពុងតែបង្កអោយផ្លូវរងការខូចខាតបណ្តើរៗព្រមទាំងប៉ះពាល់ដល់បរិស្ថាននិងសោភ័ណ្ឌភាពរាជធានីដោយពុំត្រូវបានអាជ្ញាធរមូលដ្ឋាន យកចិត្តទុកដាក់ឡើយ។ ទន្ទឹមនឹងនោះ ប្រជាពលរដ្ឋក៏បានទទូចក៏ស្នើសុំ…
រាជធានីភ្នំពេញ ៖ កំណាត់ផ្លូវ មួយខ្សែ ត្រូវទឹកស្អុយ ជន់លិចរាប់ខែ នៅរដូវប្រាំងនិងកំពុងតែបង្កអោយផ្លូវរងការខូចខាតបណ្តើរៗព្រមទាំងប៉ះពាល់ដល់បរិស្ថាននិងសោភ័ណ្ឌភាពរាជធានីដោយពុំត្រូវបានអាជ្ញាធរមូលដ្ឋាន យកចិត្តទុកដាក់ឡើយ។
ទន្ទឹមនឹងនោះ ប្រជាពលរដ្ឋក៏បានទទូចក៏ស្នើសុំ អាជ្ញាធរសង្កាត់កាកាបទី២ ក៏ដូចជាអាជ្ញាធរខណ្ឌពោធិ៍សែន ជ័យមេត្តាចុះទៅត្រួតពិនិត្យនិងជួសជុលប្រព័ន្ធលូដើម្បីបញ្ជ្រៀសទឹកដក់ រងការខូចខាតផ្លូវផងដែរ។ កំណាត់ផ្លូវ ខាងលើ ស្ថិតនៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រជាពលរដ្ឋបានឲ្យដឹងថា កំណាត់ផ្លូវនោះ បានស្ទះលូ ហើយទឹកស្អុយហូរចេញជន់លិចផ្លូវប្រមាណ២ទៅ៣ខែមកហើយ ដោយប្រជាពលរដ្ឋនៅតំបន់នោះបានទប់ទំនប់មុខផ្ទះរបស់ខ្លួនជាកង់ៗដើម្បីធ្វើដំណើរចេញចូលផ្ទៈរបស់ខ្លួនយ៉ាងវេទនាបំផុត។
ប្រជាពលរដ្ឋបានឲ្យដឹងទៀតថា ទឹកស្អុយដែលជន់លិចផ្លូវ នោះកំពុងបង្កឲ្យប៉ះពាល់ដល់បរិស្ថាននិង សោភ័ណភាព រាជធានីភ្នំពេញយ៉ាងធ្ងន់ធ្ងរ និងបង្ករឲ្យផ្លូវបេតុងកំពុងតែ រងការខូចខាតបណ្តើរៗ។ ជុំវិញការជនលិចផ្លូវនេះគេពុំដឹងពីមូលហេតុអ្វីពិតប្រាកដឡើយ។
បើតាមប្រជាពលរដ្ឋខ្លះ ថា បណ្តាលមកពីលូស្ទះនិងខ្លះទៀតថា មកពីលូនៅតំបន់នោះមិនទាន់បានតភ្ជាប់ ។ ទោះបីជាយ៉ាងណា អាជ្ញាធរគូចុះទៅមើលជួលជុលឬក៏ចលនាប្រជាពលរដ្ឋឲ្យដាក់លូរំដោះទឹកបើពួកគាត់គ្មានលទ្ធភាពគួរអាជ្ញាធរធ្វើបដិភាគ កុំទុកទឹកស្អុយហូរចេញលិចផ្លូវរាបខែបែបនេះ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព៕
ចែករំលែកព័តមាននេះ