សង្គ្រាមអ៉ីរ៉ង់ ៖ អ្នកទទួលខុសត្រូវជាន់ខ្ពស់បំផុតខាងសន្តិសុខអ៉ីរ៉ង់ លោកអាលីឡារីហ្សានី ថ្លែងថា ក្រុងតេហេរ៉ង់នឹងមិនចរចាឡើយ ជាមួយសហរដ្ឋអាមេរិក ដែលនោះ ជាការពង្រឹងជំហររបស់ប្រទេសពេលដែលអាមេរិក និងអ៉ីស្រាអែលកំពុងវាយប្រហារខ្លាំងក្លាលើអ៉ីរ៉ង់…
សង្គ្រាមអ៉ីរ៉ង់ ៖ អ្នកទទួលខុសត្រូវជាន់ខ្ពស់បំផុតខាងសន្តិសុខអ៉ីរ៉ង់ លោកអាលីឡារីហ្សានី ថ្លែងថា ក្រុងតេហេរ៉ង់នឹងមិនចរចាឡើយ ជាមួយសហរដ្ឋអាមេរិក ដែលនោះ ជាការពង្រឹងជំហររបស់ប្រទេសពេលដែលអាមេរិក និងអ៉ីស្រាអែលកំពុងវាយប្រហារខ្លាំងក្លាលើអ៉ីរ៉ង់ ដែលសម្លាប់មេដឹកនាំកំពូលប្រទេសនេះ លោកអាយ៉ាតុលាអាលីខាមេនី ។
ក្នុងសារមួយផ្សាយតាមបណ្ដាញសង្គមX លោកអាលីឡារីហ្សានីថ្លែងថា យើងនឹងមិនចរចាជាមួយអាមេរិកឡើយ ។ លោកបដិសេធព័ត៌មាននានាដែលថា ក្រុងតេហេរ៉ង់ស្វែងរកចរចាតាមរយៈអាជ្ញាកណ្ដាល ក្រោយការវាយប្រហារកាលពីចុងសប្ដាហ៍ ។ លោកឡារីហ្សានី ជាលេខាធិការក្រុមប្រឹក្សាកំពូលនៃសន្តិសុខជាតិអ៉ីរ៉ង់ ក៏ចោទប្រកាន់ផងដែរ ប្រធានាធិបតីអាមេរិក លោកដូណាល់ត្រាំថា ជាអ្នកធ្វើឲ្យតំបន់ធ្លាក់ចូលក្នុងភាពច្របូកច្របល់ ហើយចែកចាយក្ដីសង្ឃឹមក្លែងក្លាយនានាទាក់ទិនខាងការទូត ។
ការធ្វើអត្ថាធិប្បាយរបស់លោកធ្វើឡើង ពេលការប្រយុទ្ធ កំពុងមានការកើនឡើងក្នុងតំបន់។ អ៉ីស្រាអែលធ្វើការវាយប្រហារថ្មីលើក្រុងតេហេរ៉ង់ នាថ្ងៃទី១ មីនា ចំណែកអ៉ីរ៉ង់ និងបណ្ដាក្រុមសម្ព័ន្ធមិត្តបានបាញ់មីស៊ីលស្រោចលើអ៉ីស្រាអែល និងលើបណ្ដាគោលដៅទាក់ទិននឹងអាមេរិកនៅ
មជ្ឈឹមបូព៌ា ។ លោកត្រាំថ្លែងនាយប់ថ្ងៃទី២ មីនា ថា ប្រតិបត្តិការយោធាអាមេរិក និងអ៉ីស្រាអែលនឹងបន្តទៀត ហើយអាចមានរយៈពេលច្រើនសប្ដាហ៍ ។ លោកបានប្រាប់ដល់បណ្ដាមេដឹកនាំអ៉ីរ៉ង់និងកងកម្លាំងសន្តិសុចអ៉ីរ៉ង់ឲ្យចុះចាញ់ ឬត្រូវប្រឈមមុខនឹងការវាយប្រហារថ្មីៗ ។
ការបដិសេធមិនចរចារបស់លោកឡារីហ្សានីកំណត់ពីរបត់ថ្មីមួយ បើប្រៀបធៀបទៅនឹងប៉ុន្មានថ្ងៃមុននេះ ពេលដែលបណ្ដាមេដឹកនាំអ៉ីរ៉ង់នៅប្រកាសជាសាធារណៈពីការរក្សាលទ្ធភាពនៃកិច្ចព្រមព្រៀងនុយក្លេអ៊ែរមួយ ជាមួយក្រុងវ៉ាស៊ីនតោន ប្រសិនបើគេប្រកាន់យកផ្លូវការទូត ។
ក្នុងសេចក្ដីប្រកាសមួយចេញផ្សាយកាលពីថ្ងៃទី១ មីនា ប្រធានាធិបតីអ៉ីរ៉ងវាយតម្លៃថា ការសម្លាប់លោកអាលីខាមេនី គឺជាការប្រកាសសង្គ្រាមមួយប្រឆាំងសាសនិកអ៊ិស្លាម ពិសេសប្រឆាំងពួកស៊ី
អ៉ីតគ្រប់ទីកន្លែងលើពិភពលោក ។
ប្រធានាធិបតីរូបនោះ លោកម៉ាស់ស៊ូដប៉េហ្សេសស្គីយ៉ាន់អះអាងបថា ការសងសឹកចំពោះការសម្លាប់មេដឹកនាំកំពូលអ៉ីរ៉ង់ គឹជាសិទ្ធិនិងការតព្វកិច្ចស្របច្បាប់ សម្រាប់អ៉ីរ៉ង់ ។ ចំណែកប្រមុខក្រុមប្រឹក្សាជាន់ខ្ពស់នៃសន្តិសុខជាតិអ៉ីរ៉ង់លោកអាលីឡារីហ្សានី សន្យាក្នុងសារមួយតាមបណ្ដាញសង្កមXូថា នឹងវាយប្រហារអាមេរិក និងអ៉ីស្រាអែល ជាមួយកម្លាំងដែលពួកគេមិនដែលដឹង៕ ប្រភព៖ fr.news.yahoo.com
ចែករំលែកព័តមាននេះ