រាជធានីភ្នំពេញ ៖ អគារជាន់ទី៤បានឆាបឆេះផ្អើលពលរដ្ឋនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង៩និង៥០នាទីយប់ថ្ងៃទី០២ខែមិនាឆ្នាំ២០២៦ ចំនុចអគារមួយកន្លែង ជាន់ទី៤ ផ្លូវ២៩២កែងផ្លូវ១៥៣ សង្កាត់អូឡាំពិក ខណ្ឌបឹងកេងកង រាជធានីភ្នំពេញ…
រាជធានីភ្នំពេញ ៖ អគារជាន់ទី៤បានឆាបឆេះផ្អើលពលរដ្ឋនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង៩និង៥០នាទីយប់ថ្ងៃទី០២ខែមិនាឆ្នាំ២០២៦ ចំនុចអគារមួយកន្លែង ជាន់ទី៤ ផ្លូវ២៩២កែងផ្លូវ១៥៣ សង្កាត់អូឡាំពិក ខណ្ឌបឹងកេងកង រាជធានីភ្នំពេញ ។
ប្រភពព័ត៌មានពីប្រជាពលរដ្ឋបានអោយដឹងថា មុនពេលកើតហេតុ គេមិនដឹងថាក្នុងបន្ទប់អាគារខាងលើមានបញ្ហាអ្វីនោះទេ ស្រាប់តែមានអណ្ដាតភ្លើងឆេះសន្ធោសន្ធៅចេញពីបន្ទប់ជាន់ទី៤ ទើបនាំគ្នីគ្នាឆោឡោ និងរាយការណ៍ជូនអាជ្ញាធរនិងសមត្ថកិច្ចចេញរថយន្តពន្លត់អគ្គីភ័យមកជួយអន្តរាគមន៍បាញ់ពន្លត់ផងដែរ ។
បន្ទាប់ពីកើតហេតុមានរថយន្តពន្លត់អគ្គីភ័យ របស់ការិយាល័យបង្ការនិងពន្លត់អគ្គីភ័យចំនួន៥គ្រឿង បានសហការគ្នាបានបាញ់ពន្លត់រហូតដល់ម៉ោង ១០និង២០នាទីយប់ថ្ងៃដដែលវិញ។ អគ្គីភ័យនេះមិនមានគ្រោះថ្នាក់ដល់មនុស្សណាម្នាក់នោះទេ គឺគ្រាន់តែខូចខាតសំភារៈក្នុងបន្ទប់អស់មួយចំនួនតែប៉ុណ្ណោះ ចំពោះមូលហេតុសមត្ថកិច្ចកំពុងបន្តធ្វើការស្រាវជ្រាវ ៕
ចែករំលែកព័តមាននេះ