សង្ក្រាមអ៉ីរ៉ង ៖ សង្គ្រាមនៅអ៉ីរ៉ង់ក៏កំពុងរាលដាលដល់លីបង់ ដែលនៅទីនោះកងទ័ពអ៉ីស្រាអែលបន្តវាយប្រហារលើបណ្ដាទីតាំងរបស់ក្រុមហេសប៊ុលឡាហ៍លីបង់ស្និទ្ធអ៉ីរ៉ង់ ដែលយោងតាមតុល្យការផ្លូវការថ្មីចេញ នាថ្ងៃទី២ មីនាថា ការវាយប្រហារទាំងនោះ បណ្ដាលឲ្យមនុស្សស្លាប់់ដល់៥២នាក់ និងរបួស១៥៤នាក់។…
សង្ក្រាមអ៉ីរ៉ង ៖ សង្គ្រាមនៅអ៉ីរ៉ង់ក៏កំពុងរាលដាលដល់លីបង់ ដែលនៅទីនោះកងទ័ពអ៉ីស្រាអែលបន្តវាយប្រហារលើបណ្ដាទីតាំងរបស់ក្រុមហេសប៊ុលឡាហ៍លីបង់ស្និទ្ធអ៉ីរ៉ង់ ដែលយោងតាមតុល្យការផ្លូវការថ្មីចេញ នាថ្ងៃទី២ មីនាថា ការវាយប្រហារទាំងនោះ បណ្ដាលឲ្យមនុស្សស្លាប់់ដល់៥២នាក់ និងរបួស១៥៤នាក់។
តុល្យការលើកមុនរៀបរាប់ពីមនុស្សស្លាប់៣១នាក់ និងរបួស១៤៩នាក់ ។ ការវាយប្រហារតាមអាកាសរបស់អ៉ីស្រាអែលសំដៅលើជាយក្រុងខាងត្បូងនៃក្រុងបេរ៉ូត ភាគខាងត្បូង និងភាគខាងកើតប្រទេស ដែលនាំឲ្យមានការរត់ភៀសខ្លួនរបស់មនុស្ស២៨.៥០០នាក់ ។
ម្យ៉ាងវិញទៀត រដ្ឋាភិបាលលីបង់ប្រកាសពីការហាមឃាត់សកម្មភាពយោធារបស់ក្រុមហេសប៊ុលឡាហ៍ ក្រោយការវាយប្រហាររបស់ចលនានោះប្រឆាំងអ៉ីស្រាអែលដែលនាំឲ្យលីបង់ធ្លាក់ចូលក្នុងសង្គ្រាមតំបន់ជាមួយអ៉ីរ៉ង់ដែរ ។
សេចក្ដីសម្រេចចិត្តនោះធ្វើឡើង បន្ទាប់ពីក្រុមហេសប៊ុលឡាហ៍វាយប្រហារលើដែនដីអ៉ីស្រាអែលកាលពីថ្ងៃទី២ មីនា ។ ជាការតបតវិញអ៉ីស្រាអែលបានទម្លាក់គ្រាប់បែកខ្លាំងក្លាលើបណ្ដាទីតាំងក្រុមស្និទ្ធអ៉ីរ៉ង់នោះ នៅជាយក្រុងខាងត្បូងនៃរដ្ឋធានីបេរូត ភាគខាងត្បូងនិងភាគខាងកើត
ប្រទេស។
កងទ័ពអ៉ីស្រាអែលអះអាងថា ការវាយប្រហារទាំងនោះ សំដៅលើបណ្ដាអ្នកទទួលខុសត្រូវរបស់ហេសប៊ុលឡាហ៍ ។ គោលដៅជាង៧០របស់ហេសប៊ុលឡាហ៍រងការវាយប្រហារនៅលីបង់។ ទីតាំងទាំងនោះមានដូចជាឃ្លាំងអាវុធនិងជើងទម្របាញ់មីស៊ីលជាដើម ។
ប្រធានាធិបតីលីបង់លោកចូសេបអាអ៊ូន បានបរិហារជាថ្មីម្ដងទៀត ការប្រើលីបង់ជាទីតាំងសម្រាប់សង្គ្រាមដែលខ្លួនមិនទាក់ទិន ។ ស្ថានទូតអាមេរិកប្រចាំលីបង់បានអំពាវនាវជាថ្មី នាថ្ងៃទី២មីនា ឲ្យជនជាតិអាមេរិកចាកចេញជាបន្ទាន់ពីលីបង់ ៕ ប្រភព៖ fr.news.yahoo.com
ចែករំលែកព័តមាននេះ