សង្គ្រាមអ៉ីរ៉ង់-អ៉ីស្រាអែល និងអាមេរិក ៖ អ៉ីរ៉ង់អះអាងពីការវាយប្រហារមួយ កាលពីថ្ងៃទី២៨ កុម្ភៈត្រូវចំសាលារៀនមួយនាភាគខាងត្បូងប្រទេស បណ្ដាលឲ្យស្លាប់ជាង១០០នាក់ ។ ទាំងអ៉ីស្រាអែលទាំងអាមេរិក មិនទាន់អះអាងពីព័ត៌មាននោះនៅឡើយ…
សង្គ្រាមអ៉ីរ៉ង់-អ៉ីស្រាអែល និងអាមេរិក ៖ អ៉ីរ៉ង់អះអាងពីការវាយប្រហារមួយ កាលពីថ្ងៃទី២៨ កុម្ភៈត្រូវចំសាលារៀនមួយនាភាគខាងត្បូងប្រទេស បណ្ដាលឲ្យស្លាប់ជាង១០០នាក់ ។ ទាំងអ៉ីស្រា
អែលទាំងអាមេរិក មិនទាន់អះអាងពីព័ត៌មាននោះនៅឡើយ ។
អ៉ីស្រាអែលនិយាយថា មិនបានដឹងពីការវាយប្រហារណាមួយរបស់អាមេរិក ឬអ៉ីស្រាអែល លើអគារសិក្សាមួយនៅអ៉ីរ៉ង់ឡើយ ហើយក្រុងវ៉ាស៊ីនតោនអះអាងពីការស៊ើបអង្កេតមួយលើព័ត៌មាននោះ ។ រូបភាពវីដេអូដែលថតពីកន្លែងចតរថយន្តមួយ គេឃើញផ្សែងខ្មៅហុយយ៉ាងក្រាស់ចេញអគារមួយដែលរងការកម្ទេច ។ តាមរូបភាពវីដេអូគេសន្មត់ថា អគារសាលារៀននោះស្ថិតនៅក្រុងមីណាបខេត្តហ័រម៉ូសហ្កានភាគខាងត្បូងប្រទេស។
ទូរទស្សន៍រដ្ឋអ៉ីរ៉ង់អះអាងថា ទីតាំងរងការវាយប្រហារនោះជាសាលាបឋមសិក្សាមួយសម្រាប់កុមារីគឹសាលាSHAJARE TAYYABEH ក្រុងមីណាប។ កាលពីថ្ងៃទី២៨កុម្ភៈអាជ្ញាធរមូលដ្ឋានអះអាងថា បណ្ដាមីស៊ីលរបស់អ៉ីស្រាអែល បានវាយប្រហារអគារសាលាSHAJARE TAYYABEH ស្ថិតនៅជិតច្រកសមុទ្រORMUZជាផ្លូវសមុទ្រយុទ្ធសាស្ត្រមួយ។
បន្ទាប់មកកាកបាទក្រហមអ៉ីរ៉ង់បានផ្ដល់តុល្យការមួយពីសិស្សសាលាស្លាប់ដល់១០៨នាក់ ដែលតុល្យការដំបូងនិយាយពីមនុស្សស្លាប់ត្រឹម៥នាក់។ មកដល់ថ្ងៃទី១ មីនា អភិបាលខេត្តប្រកាសពីចំនួនអ្នកស្លាប់ថា មានដល់ទៅ១៦៥នាក់ឯណោះ និងប្រកាសបញ្ឈប់ការរុករក ៕ ប្រភព៖ ទូរទស្សន៍បារាំងFRANCE 24
ចែករំលែកព័តមាននេះ