សង្ក្រាមអ៉ីរ៉ង់-អ៉ីស្រាអែលនិងអាមេរិក៖ ការតបតវិញរបស់អ៉ីរ៉ង់ចំពោះការវាយប្រហាររបស់អ៉ីស្រាអែល និងអាមេរិក អ៉ីស្រាអែលគេចមិនផុតឡើយ ដោយនាយប់ថ្ងៃទី២៨មក១មីនា មានការប្រកាសអាសន្នច្រើនលើកនៅតាមទីក្រុងសំខាន់ៗរបស់អ៉ីស្រាអែល។
នាយប់ថ្ងៃទី២៨ កុម្ភៈ ប្រជាជនអ៉ីស្រាអែលជួបស្នូរស៊ីរ៉ែន ប្រកាសអាសន្នចំំពោះការវាយប្រហារខ្លាំងក្លារបស់អ៉ីរ៉ង់ ហើយប្រព័ន្ធការពារអាកាសអ៉ីស្រាអែលមិនអាចស្ទាក់កម្ទេចអស់មីស៊ីលរបស់អ៉ីរ៉ង់ដែលបាញ់ស្រោចមកឡើយ ។
សង្កាត់មួយនាភាគកណ្ដាលក្រុងតែលអាវីវរងការប៉ះពាល់។ អគាររស់នៅមួយរងការកម្ទេចបណ្ដាលឲ្យស្លាប់នារីម្នាក់ ហើយមនុស្សច្រើននាក់ទៀតរងរបួស។ ក្នុងសង្កាត់នោះអគារ៤០រងការកម្ទេចនាពេលយប់។ មនុស្សប្រមាណជា២០០នាក់បាត់បង់ជម្រក ហើយត្រូវរកកន្លែងរស់នៅថ្មី។
ទន្ទឹមនឹងនេះ មនុស្សយ៉ាងតិច៩នាក់បានត្រូវស្លាប់ កាលពីថ្ងៃទី១មីនានា ភាគកណ្ដាលអ៉ីស្រា
អែល ពេលអគារមួយត្រូវបាក់បន្ទាប់ពីការវាយប្រហារដោយផ្ទាល់នៃមីស៊ីលអ៉ីរ៉ង់។ នេះបើតាមការអះអាងរបស់ភ្នាក់ងារជួយសង្គ្រោះ។
នៅក្រុងហ្សេរុយសាឡឹមជម្រកប្រឆាំងមីស៊ីលមួយរងការវាយប្រហារ។ នៅក្រុង BET SHRMESH ពួកអ្នកជួយសង្គ្រោះរកឃើញសាកសពមនុស្ស៩នាក់ ។ នាគ្រាដំំបូងអ្នករបួស២៨នាក់ត្រូវបានដឹកចេញក្នុងនោះ២នាក់របួសធ្ងន់។ ក្រោយមកតុល្យការអ្នករបួសកើនដល់៥១នាក់ហើយប៉ូលិសប្រកាសពីមនុស្ស១១នាក់បាត់ខ្លួន។
នៅទីក្រុងស្ថិតនៅខាងលិចក្រុងហ្សេរុយសាឡឹមនោះ ការវាយប្រហាររបស់អ៉ីរ់ង់បង្កការបំផ្លាញធ្ងន់ធ្ងរ ជាមួយផ្សែងពណ៌ប្រផេះហុយជះចេញពីគំនរបាក់ បែក។ វាហាក់ដូចជាអគារមួយរងការកម្ទេចទាំងស្រុង រួចអគារមួយទៀតនៅក្បែរគ្នាក៏រងការកម្ទេចទាំងស្រុងដែរ ។ សេណារីយ៉ូដែលគេនឹកស្មានមិនដល់មួយបានកើតឡើង។ បណ្ដាប្រព័ន្ធការពារមិនអាចទប់មីស៊ីលអ៉ីរ៉ង់ជាប់ទាំងអស់ឡើយ ។
នាយករដ្ឋមន្ត្រីអ៉ីស្រាអែលលោកបេនចាមីននេតាន់យ៉ាហ៊ូ នៅក្រសួងការពារប្រទេសលើកឡើងថា នោះជាថ្ងៃដែលឈឺចាប់បំផុតសម្រាប់អ៉ីស្រាអែល។ លោកថា ពេលនេះកងទ័ពបានដាក់ពង្រាយកម្លាំងការពារវដែលខ្លាំងជាងពេលណាទាំងអស់ ដើម្បីធានាដល់អត្ថភាពនិងអនាគតរបស់ប្រទេសយើង ៕ ប្រភព៖ RFI
ចែករំលែកព័តមាននេះ