ខេត្តបាត់ដំបង ៖ ផ្ដើមចេញពីការ«លេងខូច» លេងបៀរ (លេងកាប់ហាយ) ចាញ់គេសល់ហាយដល់ទៅ០២ ព្យាយាមលាក់មមិនព្រមឲ្យដៃគូរឆែក ក៏ក្លាយជាអំពើហឹង្សាយ៉ាងកំរោល។ អ្នកចាញ់ទាញដុំថ្មវាយក្បាលអ្នកឈ្នះ លុះអ្នកឈ្នះតបតវិញទាញកូនកន្ត្រៃចាក់សម្លាប់នៅក្នុងវង់ល្បែងតែម្ដង…
ខេត្តបាត់ដំបង ៖ ផ្ដើមចេញពីការ«លេងខូច» លេងបៀរ (លេងកាប់ហាយ) ចាញ់គេសល់ហាយដល់ទៅ០២ ព្យាយាមលាក់មមិនព្រមឲ្យដៃគូរឆែក ក៏ក្លាយជាអំពើហឹង្សាយ៉ាងកំរោល។ អ្នកចាញ់ទាញដុំថ្មវាយក្បាលអ្នកឈ្នះ លុះអ្នកឈ្នះតបតវិញទាញកូនកន្ត្រៃចាក់សម្លាប់នៅក្នុងវង់ល្បែងតែម្ដង ហើ់យសមត្ថកិច្ចក៏ចុះអន្តរាគមន៏តាមជនខ្លួនជនដៃដល់បានភ្លាមៗដែរ។
អំពើឃាតកម្មដែលផ្ដើមចេញពីការប្រព្រឹត្តល្បែងស៊ីសងនេះ បានកើតឡើង កាលពីវេលាម៉ោង១១និង៣០នាទីថ្ងៃងត្រង់ ថ្ងៃទី ២៨ កុម្ភៈ នៅម្ដុំស្ថានីយរថភ្លើង ស្ថិតក្នុងភូមិទូលតាឯក សង្កាត់ទូលតាឯក ក្រុងបាត់ដំបង។
តាមរយៈរបាយការណ៏ អធិការក្រុងបាត់ដំបង លោក ពេជ្រ សារ៉ែន បានឲ្យដឹងថា ជនសង្ស័យឈ្មោះ រឿន មករា ភេទប្រុសអាយុ៤៥ឆ្នាំ នៅភូមិអូរតាគាំ២ សង្កាត់ទូលតាឯក ក្រុងបាត់ដំបង។ រីឯជនរងគ្រោះឈ្មោះ វណ្ណា ឆើត ភេទប្រុសអាយុ៣៧ឆ្នាំ ស្នាក់នៅមិនពិតប្រាកដ។
ជនរងគ្រោះត្រូវជនដៃដល់ចាក់ចំដើមទ្រូងមួយកន្លែង បណ្ដាលឲ្យស្លាប់ភ្លាមៗនៅកន្លែងកើតហេតុ តែប្រហែលមួយម៉ោងក្រោយ ជនដៃដល់ក៏ត្រូវកម្លាំងជំនាញរបស់លោកតាមចាប់ខ្លួនបានភ្លាមៗដែរ។ លោក ពេជ្រ សារ៉ែន បានបញ្ជាក់ថា អំពើហឹង្សាដ៏ឃោឃៅរហូតបណ្ដាលឲ្យមនុស្សស្លាប់នេះ គឺផ្ដើមចេញពីរឿងលេងល្បែងស៊ីសង(លេងបៀរ)។ បើតាមសាក្សីនៅកន្លែងកើតហេតុ បាននិយាយថា ជនដៃដល់បានចាក់ជនរងគ្រោះដោយប្រើកន្ត្រៃ។ រឿងនេះផ្ដើមដោយជនរងគ្រោះ ដែល«លេងខូច»។
ពួកគេលេងបៀរដាក់លុយ(លេងកាប់ហាយ) ពេលនោះជនរងគ្រោះលេងចាញ់ ហើយសល់ហាយរហូតដល់ទៅ០២ ហើយព្យាយាមលាក់មិនឲ្យជនដៃដល់មើលទេ ព្រោះខ្លាចត្រូវសងលុយច្រើន ខណៈជនដៃដល់ចេះតែទាមទាសុំមើល ប្រទាញប្រទង់គ្នារហូតក្លាយជាអំពើហឹង្សាតែម្ដង។ សាក្សីបានបញ្ជាក់ថា ព្រោះតែខឹងជនដៃដល់ទាញសន្លឹកបៀរយកទៅឆែកមើល រហូតប្រតាយប្រតប់គ្នា ជនរងគ្រោះខឹងក៏ទាញដុំថ្មវាយក្បាលជនដៃដល់ត្រូវ០២កន្លែង ហើយជនដៃដល់ក៏ស្ទុះទៅទាញកូនកន្ត្រៃចាក់ជនរងគ្រោះត្រូវក្បែរដើមទ្រូង ធ្វើឲ្យជនរងគ្រោះចុកប្រកាច់ដួលស្លាប់ភ្លាមៗតែម្ដង។
ក្រោយត្រូវសមត្ថកិច្ចឃាត់ខ្លួនយកទៅសួរនាំ ជនសង្ស័យឈ្មោះ រឿន មករា បានសារភាពថា ខ្លួនពិតជាបានចាក់សម្លាប់ឈ្មោះ ឆើត មែនដោយសារខឹងឈ្មោះ ឆើត នេះលេងខូច«សល់ហាយលាក់មិនឲ្យគេដឹង ហើយថែមទាំងមិនឲ្យខ្ញុំ ឆែកមើលទៀត»។
ជននេះបាននិយាយប្រាប់សមត្ថកិច្ចថា ពេលនោះឆែកសន្លឹកបៀរ ក៏មានការប្រតាយប្រតប់គ្នា តែឈ្មោះ ឆើត បានទាញដុំថ្មមកវាយក្បាលខ្លួន ទើបខ្លួនទាញកូនកន្ត្រៃចាក់តែម្ដងទៅ។ អធិការក្រុងបាត់ដំបង បាននិយាយថា ជនដៃដល់ត្រូវបានកម្លាំងរបស់លោកតាមចាប់ខ្លួនបានភ្លាមៗ ក្រោយទទូលបណ្ដឹងពីក្រុមគ្រួសារជនរងគ្រោះ។ ពេលនេះមន្ត្រីជំនាញកំពុងសួរនាំជនដៃដល់ ដើម្បីចាត់ការតាមនីតិវិធីហើយ៕
ចែករំលែកព័តមាននេះ