រាជធានីភ្នំពេញ៖ ក្រសួងធនធានទឹក និងឧតុនិយម បានឱ្យដឹងថា ​ចាប់ពីថ្ងៃទី ២៨ ខែកុម្ភៈ ដល់ថ្ងៃទី ០២ ខែមីនា ឆ្នាំ ២០២៦ តំបន់មាត់សមុទ្ររួមមានខេត្តកោះកុង ព្រះសីហនុ កំពត កែប និងជួរភ្នំបូកគោ អាចនឹងមានភ្លៀងធ្លាក់ និងខ្យល់កន្ត្រាក់គ្របដណ្តប់លើផ្ទៃដីប្រមាណ ១៥%។

ចំពោះតំបន់ខ្ពង់រាប រួមទាំងតំបន់ជួរភ្នំដងរែក និងជួរភ្នំក្រវាញ ក៏អាចមានភ្លៀងធ្លាក់ និងខ្យល់កន្ត្រាក់ក្នុងកម្រិត ១០% នៃផ្ទៃដីផងដែរ។ ដោយឡែក សម្រាប់តំបន់វាលទំនាប រួមមានរាជធានីភ្នំពេញ និងបណ្តាខេត្តចំនួន ១៣ ផ្សេងទៀត ទោះបីជាមិនមានការព្យាករពីភាគរយភ្លៀងច្បាស់លាស់ ប៉ុន្តែស្ថានភាពមេឃអាចមានភ្លៀងធ្លាក់បន្តិចបន្តួច។

អាស្រ័យហេតុនេះ ​ប្រជាពលរដ្ឋទាំងអស់បន្តតាមដាន និងបង្កើនការប្រុងប្រយ័ត្នចំពោះបាតុភូតធម្មជាតិដែលនឹងអាចកើតមានឡើងក្នុងអំឡុងពេលនេះ៕