រាជធានីភ្នំពេញ ៖ ជនដៃដល់ម្នាក់ក្នុងចំណោមបក្សពួក៤នាក់ត្រូវបានកម្លាំងការិយាល័យព្រហ្មទណ្ឌកំរិតស្រាលសហការណ៏ជាមួយកម្លាំងអធិការដ្ឋាននគរបាលខណ្ឌច្បារអំពៅស្រាវជ្រាវឃាត់ខ្លួនបន្ទាប់ពីធ្វើសកម្មភាព ប៉ុនប៉ងឃាតកម្ម ដោយប្រើកាំបិតកាប់ទៅលើជនរងគ្រោះ២នាក់យ៉ាងសាហាវព្រៃផ្សៃនៅចំណុចមុខផ្សារទំនើបអាសុី ផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ។
ជនដៃដល់រូបនេះឈ្មោះ ម៉ាក់ វណ្ណះ ភេទប្រុស អាយុ ១៧ឆ្នាំ ជនជាតិខ្មែរ មុខរបរ ជាងដេគ័រ
ស្នាក់នៅ ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។ ចំណែកជនរងគ្រោះ
១- ឈ្មោះ អុិត ភារម្យ ភេទប្រុស អាយុ ១៦ឆ្នាំ មុខរបរ បុគ្គលិកលក់ដូរ ២- ឈ្មោះ វ៉ន ជីវ័ន្ដ ភេទប្រុស អាយុ ១៦ឆ្នាំ មុខរបរ លក់ដូរ ។
តាមនគរបាលកាយាល័យព្រហ្មទណ្ឌិតស្រាលនៃស្នងការនគរបាលរាជធានីភ្នំពេញបានអោយដឹងថា ជនសង្ស័យត្រូវបានកម្លាំងសមត្ថកិច្ចធ្វើការស្រាវជ្រាវហើយឈានទៅសហការជាមួយនគរបាលនៃអធិការដ្ឋានស្រុកលើកដែកឃាត់ខ្លួននៅចំណុចឃុំបន្ទាយដែក ស្រុកកៀនស្វាយ ខេត្តកណ្ដាល កាលពីរសៀលថ្ងៃទី ២៥ ខែកុម្ភះ ឆ្នាំ២០២៦ ។
តាមនគរបាលបានអោយដឹងទៀតថា កាលពីថ្ងៃទី១៧ ខែកុម្ភះ ឆ្នាំ២០២៦ វេលាម៉ោង ២០:៥២នាទី ជន សង្ស័យ មានបក្សពួកចំនួន ៤នាក់ប្រដាប់ទៅដោយកាំបិតផ្គាក់បានធ្វើសកម្មភាពកាប់ទៅលើជនរងគ្រោះចំនួនពីរនាក់យ៉ាងសាហាវនៅចំណុចមុខផ្សារទំនើបអាសុី ផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ។
បន្ទាប់ពីមានករណីប៉ុនប៉ងឃាតកម្មខាងលើ នគរបាលមូលដ្ឋានបានសហការជាមួយនគរបាលព្រហ្មទណ្ឌកំរិតស្រាលធ្វើការស្រាវជ្រាវតាមកាមេរ៉ាសុវត្ថិភាព ហើយឈានទៅសហការជាមួយនគរបាលស្រុកកៀនស្វាយ ឃាត់ខ្លួនបានជនសង្ស័យម្នាក់ ។ ចំណែកបក្សពួកនៅសេស សលកំពុងតែស្រាវជ្រាវ ឃាត់ខ្លួនបន្តទៀត៕
ចែករំលែកព័តមាននេះ