ខេត្តកំពង់ស្ពឺ៖ បុរសជាជនសង្ស័យម្នាក់ត្រូវបានកម្លាំងមូលដ្ឋានកងរាជអាវុធហត្ថស្រុកភ្នំស្រួចធ្វើការឃាត់ខ្លួនតាមបណ្ដឹងរបស់បុរសវ័យចំណាស់ម្នាក់ដែលជាម្ចាស់ចម្ការស្វាយ ខណៈដែលជនសង្ស័យខាងលើបានដុតចំការនិងគំរាមថានឹងសម្លាប់ម្ចាស់ថែមទៀតផង។
ការឃាត់ខ្លួនជនសង្ស័យខាងលើបានកាលពីវេលាម៉ោង១១និង២០នាទីព្រឹកថ្ងៃទី២៦ ខែកុម្ភៈ ឆ្នាំ២០២៦ ស្ថិតនៅក្នុងភូមិត្រពាំប្រិយ៍ ឃុំក្រាំងដីវ៉ាយ ស្រុក ភ្នំស្រួច ខេត្តកំពង់ស្ពឺ ។
មន្ត្រីកងរាជអាវុធហត្ថស្រុកភ្នំស្រួចបាននិយាយដឹងថាជនសង្ស័យ ដែលឃាត់ខ្លួនមានឈ្មោះ ប៉េន បឿន ភេទ ប្រុស អាយុ៤១ឆ្នាំ រស់នៅក្នុងភូមិត្រពាំប្រិយ៍ ឃុំក្រាំងដីវ៉ាយ ស្រុកភ្នំស្រួច ខេត្ត កំពង់ស្ពឺ ។
មន្ត្រីកងរាជអាវុធហត្ថស្រុកភ្នំស្រួចបានបន្តថានៅមុនពេលឃាត់ខ្លួនជនសង្ស័យខាងលើគឺនៅវេលាម៉ោង ៥និង៩នាទីរសៀល ថ្ងៃទី២៥ ខែកុម្ភៈ ឆ្នាំ២០២៦ មានប្រជាពលរដ្ឋម្នាក់ ឈ្មោះ ង៉ោ ម៉េង ភេទ ប្រុស អាយុ៦៩ ឆ្នាំ មានទីលំនៅក្នុងភូមិដីក្រហម ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ លេខទូរស័ព្ទរាយការណ៍ថាមានករណី ដុតចំការស្វាយ និង គំរាមសម្លាប់ ស្ថិតនៅក្នុងភូមិដីក្រហម ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ ។
មន្ត្រីកងរាជអាវុធហត្ថស្រុកភ្នំស្រួចបានបន្ថែមថា ក្រោយទទួលបានសេចក្តីរាយការណ៍ពីប្រជាពលរដ្ឋរួចមកដល់នៅវេលាម៉ោង ១១និង២០នាទី ព្រឹកថ្ងៃទី២៦ ខែកុម្ភះ ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានចុះទៅដល់ទីតាំងកេីតហេតុ បានធ្វេីការឃាត់ខ្លួនជនសង្ស័យចំនួន០១ ឈ្មោះ ប៉េន បឿន ភេទ ប្រុស អាយុ៤១ឆ្នាំ រស់នៅក្នុងភូមិត្រពាំប្រិយ៍ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ ។
បច្ចុប្បន្នជនសង្ស័យ ត្រូវបានបញ្ជូនទៅ បញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីកសាងសំណុំរឿងចាត់ការបន្តតាមផ្លូវច្បាប់៕
ចែករំលែកព័តមាននេះ