រាជធានីភ្នំពេញ ៖ សង្ស័យទុស្សេខ្សែភ្លើងឆេះឃ្លាំងស្តុកអេតចាយមួយកន្លែងយ៉ាងសន្ធោសន្ធៅអស់ស្ទើរទាំងស្រុង បង្កការភ្ញាក់ផ្អើលកាលពីវេលាម៉ោង១និង៥០នាទីរំលងអាធ្រាត្រឈានចូលថ្ងៃទី២៧ខែកុម្ភៈ ឆ្នាំ២០២៦ ចំណុចផ្លូវបេតុង ភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។…
រាជធានីភ្នំពេញ ៖ សង្ស័យទុស្សេខ្សែភ្លើងឆេះឃ្លាំងស្តុកអេតចាយមួយកន្លែងយ៉ាងសន្ធោសន្ធៅអស់ស្ទើរទាំងស្រុង បង្កការភ្ញាក់ផ្អើលកាលពីវេលាម៉ោង១និង៥០នាទីរំលងអាធ្រាត្រឈានចូលថ្ងៃទី២៧ខែកុម្ភៈ ឆ្នាំ២០២៦ ចំណុចផ្លូវបេតុង ភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ប្រភពព័ត៍មានបានអោយដឹងថា នៅមុនពេលកើតហេតុពួកគាត់បានឮស្នូសំឡេងផ្ទុះលាន់ឮយ៉ាងខ្លាំងចេញពីក្នុងឃ្លាំងរួចបង្កទៅជាអណ្តាតភ្លើងឆាបឆេះយ៉ាងសន្ធោសន្ធៅ ភ្លាមៗនោះដែលពួកគាត់ក៏នាំគ្នាទាញទុយោទឹកនិងបំពង់ពន្លត់អគ្គិភ័យបាញ់ទប់ស្កាត់ជាបណ្តោះអាសន្នរួចនាំគ្នាប្រញាប់រត់ទៅប្រមូលសម្ភារះដែលមានតម្លៃចេញហើយក៏ទាក់ទងទៅសមត្ថកិច្ចមូលដ្ឋានសុំរថយន្តពន្លត់អគ្គីភ័យមកជួយអន្តរាគមន៍ជាបន្ទាន់ ។
សមត្ថកិច្ចមូលដ្ឋានបានទាក់ទងទៅកម្លាំងជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញសុំរថយន្តពន្លត់អគ្គិភ័យមកជួយអន្តរាគមន៍បាញ់ពន្លត់
បន្ទាន់។ ក្រោយពីទទួលបានដំណឹងខាងលើភ្លាម ៗកម្លាំងសមត្ថកិច្ចជំនាញបង្ការពន្លត់អគ្គិភ័យបញ្ចេញរថយន្តពន្លត់អគ្គិភ័យទៅជួយអន្តរាគមន៍បាញ់ពន្លត់ជាច្រើនគ្រឿងផងដែរ។
ក្រោយពីកម្លាំងជំនាញប្រតិបត្តិការបាញ់ពន្លត់ចប់ ឃើញថាបានប្រើប្រាស់រថយន្តពន្លត់អគ្គិភ័យអស់ជាច្រើនគ្រឿងទើបគ្រប់គ្រងបានទាំងស្រុងនៅវេលាយប់ថ្ងៃដដែល ចំពោះករណីខាងលើនេះដែរមិនបណ្តាលឲ្យមានអ្នកស្លាប់និងអ្នករងរបួសនោះទេ ពោលគឺខូចខាតតែឃ្លាំងស្តុកអេតចាយមួយខ្នង រួមមានសម្ភារះក្នុងនោះមួយចំនួនធំ ចំពោះមូលហេតុឆេះ សមត្ថកិច្ចធ្វើការស្រាវជ្រាវបន្ត៕
ចែករំលែកព័តមាននេះ