ខេត្តសៀមរាប ៖ ឃ្លាំងទឹកមានទំហំ ១០៩៦ហិកតា របស់ក្រុមហ៊ុនសម្បត្តិ ដានីញ៉ែល ដែលមានទីតាំងស្ថិតនៅក្នុងសង្កាត់សៀមរាប ក្រុងសៀមរាប បានកាន់អាជ្ញាប័ណ្ណចេញដោយអាជ្ញាធរខេត្តសៀមរាបមួយសន្លឹកបិទនៅពី មុខការដ្ឋានរបស់ខ្លួន…
ខេត្តសៀមរាប ៖ ឃ្លាំងទឹកមានទំហំ ១០៩៦ហិកតា របស់ក្រុមហ៊ុនសម្បត្តិ ដានីញ៉ែល ដែលមានទីតាំងស្ថិតនៅក្នុងសង្កាត់សៀមរាប ក្រុងសៀមរាប បានកាន់អាជ្ញាប័ណ្ណចេញដោយអាជ្ញាធរខេត្តសៀមរាបមួយសន្លឹកបិទនៅពី មុខការដ្ឋានរបស់ខ្លួន ហាមអ្នកសារព័ត៌មានមិនឱ្យចូលទៅផ្តិតយករូបភាព.ព្រោះក្រុមហ៊ុននោះគេមានអាជ្ញា ប័ណ្ណនិងមានសិទ្ធិការហាមឃាត់ចំពោះអ្នកគ្មានភារកិច្ច។
ប្រជាពលរដ្ឋរស់នៅក្នុងក្រុងសៀមរាប ជាពិសេស អ្នកភូមិ ភ្នំក្រោម សង្កាត់សៀមរាប ក្រុងសៀមរាប បានទទូចសុំឱ្យអាជ្ញាធរជំនាញចុះពិនិត្យការដ្ឋានរបស់អ្នកស្រីដា នីញ៉ែល ដែលកំពុងធ្វើអាជីវកម្មជីកស្តារយកអាចម៍ដីលក់ នៅចំណុចឃ្លាំងទឹក ស្ថិតនៅភូមិ ភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប ពួកគាត់ថា ច្បាប់អាជីវកម្មដែលចេញដោយអាជ្ញាធរខេត្តនិងមន្ត្រីជំនាញ នោះ.មានជម្រៅក្នុងកម្រិតណាឱ្យពិតប្រាកដ ព្រោះការជីកស្តារ អាងឃ្លាំងទឹករបស់ក្រុមហ៊ុនសម្បត្តិ ដានីញ៉ែល មានជម្រៅទៅជិត២០ម៉ែត្រ នៃបាតរណ្តៅ គឺហួសក្បាលប្រេតទៅហើយ ។ ជាការព្រួយបារម្ភសម្រាប់ពួកគាត់ដែលមានផ្ទះ និង ស្រែ នៅជុំវិញ ។ អាងឃ្លាំងទឹក ដែលក្រុមហ៊ុនជីកនោះមានជម្រៅជ្រៅ បង្កហានិភ័យខ្ពស់ចំពោះ ផ្ទះសម្បែង សត្វពាហណៈ ក្មេងៗ ជាពិសេសពួកគាត់មានទូកក្តារសម្រាប់បើកអុំធ្វើនេសាទនៅរដូវប្រាំង និងរដូវវស្សា ពួកគាត់តែងតែចុះដើរបេះត្រកួន និងរកក្តាមខ្យងយកមកផ្គត់ផ្គង់ក្រុមគ្រួសារ។
ចំពោះការព្រួយបារម្ភណ៍របស់បងប្អូនប្រជាពលរដ្ឋនៅភូមិភ្នំក្រោម ជុំវិញរណ្តៅដីក្រុមហ៊ុនរបស់សម្បត្តិ ដានីញ៉ែល នោះបានឃើញអាជ្ញាធរជំនាញរក្សាភាពស្ងៀមស្ងាត់ល្អណាស់ ។
ជុំវិញ ករណីខាងលើនេះដែរ កោះសន្តិភាពបាន សួរទៅជំនាញ ខាងក្រុងសៀមរាប នៅរសៀលថ្ងៃទី២៦ ខែកុម្ភៈ ឆ្នាំ២០២៦ នេះ មានចម្លើយ ឱ្យសួរទៅមន្ទីររ៉ែ និងថាមពល ។ ហើយសួទៅមន្ទីររ៉ែ និង ថាមពល ឆ្លើយថា ចាំសួរទៅខាងសាលាខេត្ត ។ ចំពោះ ក្រុមហ៊ុននៅបន្តជីកបានដោយរលូន មិនមាន ការរំខានដល់អាជ្ញាធរជំនាញនោះឡើយ ហាក់ដូចត្រូវថ្នាំសណ្តំអស់ទៅហើយ…ហេ! ហេ! ។
នៅក្នុងសេចក្តីណែនាំរបស់របស់ក្រសួងរ៉ែ និងថាមពល ការ អនុវត្តមុខងារផ្តល់សេវារដ្ឋបាលក្នុងវិស័យរ៉ែ និងថាមពលរបស់រដ្ឋបាលក្រុង ស្រុក ខណ្ឌ ការផ្តល់ និងការចុះបញ្ជីអាជ្ញាប័ណ្ណសិប្បកម្មធនធានរ៉ែ សម្រាប់សេវាកម្មជីកអាចម៍ដី រណ្តៅដី ចល័តដែលមានក្រឡាផ្ទៃមិនលើសពី០.៥ហិកតា និងជម្រៅមិនលើសពី៣ម៉ែត្រ ឬប្រតិបត្តិការ បកយកអាចម៍ដីដែលមានក្រឡាផ្ទៃមិនលើសពី១ហិកតា និងជម្រៅមិនលើសពី១ម៉ែត្រការ៉េទេ ។ ប៉ុន្តែការជីករណ្តៅដីខាងលើនេះ វាជ្រៅមហាជ្រៅ ។ អីចឹង បានជាហាមអ្នកកាសែតមិនឱ្យទៅជិត និងមានអ្នកហាមកាចៗថែមទៀតផង…ហេ! ហេ! ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ